Yemesa 5:13 - Buki Kimaasabaina

¹³ Avatauwa komi neta imi mamayuyu koolotowo, kokawanōi Yaubada yaina vaita manuna. Avatauwa komi neta koouyáwana, vesi goi Yaubada koyapalīye.

Yemesa 5:13 ပူးပေါင်းရင်းမြစ်များ

Iyona 2:2

idigo kana, ‘Guna kategeda goi Yauwe atumadadem, e kukatumapugu. Same 120:1 Ámasa ana dadava goi apodeda vaita manuna, e guna kawanoi kunove.

Iyona 2:7

E guna lotówana alotowo bego akámasa go, Yauwe anuwookavate. Tuwo akawanoiyem, e guna kawanoiyana ituko iwo im Vada Kimaasabaina goi kunovegu.

Madiu 26:30

Kakáika ikavava, Same vesina maniyedi kavesiyedi Yaubada yaina. Kavesi ikavava, kasowóduwo kana goi katuko.

Luke 22:44

Tauyana atena igeda gagaina, tauna ikawanoi makimaki. Ina kawanoiyana goi ina mosali ikaika nakae itakapusi isou poyapoya goi.

Luke 23:42

Tuwo togoyoinayana Yeisu ilatuwoko idigo kana, ‘Yeisu, kunuwokavatēgu tutayana im tuta kuetokalibúbuna.’

1 Korinta 14:15

Tauna guna masi kaga? Ame nakae: Yábana niyanina balomaigu goi bei akawanoi namlieta maa nuwogu nakae bei akawanoi. E yábana niyanina balomaigu goi bei vesi yapali avesiye Yaubada yaina namlieta maa nuwogu nakae bei avesiye.

1 Korinta 14:26

Tauna segowo, manakaeda? Tutayana koma kotugúguna Yaubada ana sakululu manuna, nakona tomota tayamo Baloma Kimaasabaina ina kaiguyau goi Same ikalalagasi, nakona tayamo ivatulúkwana, nakona tayamo Yaubada ina nuwonúwana italavaite, nakona tayamo yábana niyanina goi ibóbwara, nakona tayamo niyaniyana ikaigavile go, aiguyauyadi liliudi goi semiyao kokitogagēdi.

Epeso 5:19

bei ame nakae koguuinūwe: Same, vesi tapwaroro be Baloma Kimaasabaina ina vesi koveesiyēdi semiyao yaidi goi be nakae atemi goi vesi yapali koveesiyēdi ida Tomoya yaina.

Iberiu 5:7

Guyauyana, tutayana poyapoya ame goi ikaaiyaka, mana duduwo gagaina be mana táiya ikawanoi Yaubada yaina unana iyagoi Tauyana itoboine ámasa goi iyave. Ikawanoi, e ina wowoina pasina Yaubada inove.

Yemesa 5:10

Segowo, Yauwe ina aba gita tayamo yaida mamayuyu be mesayágana manudi. Tauyadi boi Yauwe yoina goi ina livala sitaalavaite, tauna mou sibabane go, simeesayágana. E tauyadi kovatotoowonēdi.

Nuwogau 14:3

Anove go, bodaoyadi sikaaiyaka, Yaubada kebana esaaesaina matana goi be dogoi maa yawoidi adi taivasi be nakae tomoyamoya matadi goi vesi vau siivesiye. Geya vatau tayaamo mana tagona vesiyana ivesiye; kidi tomota tayamo andedi potipoa tausani (144,000) aditava madi tagona sivesiye. Moe tauyadi boi Yaubada da poyapoya yaidi goi bogina itakonedi.

Nuwogau 7:10

Tauyadi niyadi gagaina goi siiduduwo sidigo kadi, ‘Ida Yaubada goi, Tauyana kebana esaaesaina goi itulagalaga, be nakae Lamiyana goi ada yava tababane!’