Yemesa 4:5 - Buki Kimaasabaina

⁵ Seki nakona konuwonúwana bego ina talavaita moe talavaita geya basabasainamo ae? Talavaitayana kana, ‘Yaubada Balomaina boi iyato sinaeda mana vakókala latuwona toina kita anetava Tauyana manuna!’

Yemesa 4:5 ပူးပေါင်းရင်းမြစ်များ

Aba Vatowo 26:14

Ina sipi, ina bulumakau be nakae ina vevina be koroto badabadaidi sikaaiyaka, e tauna da Palisiti sigite sivakipikipiye.

Aba Vatowo 30:1

E Reitiyeli tuwowona igite bogina ivenátuna, natunao adi badabada adi taivasi go, kina geya tayaamo ivenatuni manuna. Tauna tuwowona ivakipikipiye. Tuwo Yakobo ilatuwoko idigo kana, ‘Yakobo, gogómana kuvinīgu go, neta geya, bei akámasa!’

Aba Vatowo 37:11

E tuwo tuwowonao bogina sivakipikipiye go, kina tamadi anamimiyana inuwokavate, e manuna inuwonúwana.

Aba Vatowo 38:9

E Onaniyana bogina iyagoi neta nakae iguinuwe, gomanayana moe geya tauyana natuna geya. Tuwo tuta tamo tamo tuwowona kobuina imasisiye, elueluna poyapoya goi idau besobeso. Tauna vavinayana geya itoboineyeta ikéuwama ivenátuna tuwowona manuna.

Aba Vatowo 6:5

E Yauwe ikandosobu tomota idi goyo igitedi sivakaigaga be nakae tuta liliuna idi nuwogau liliudi nuwodi goi sigoyo.

Aba Vatowo 8:21

E yoguyogu aiigabudi mainidi dedevina ituko ina Yauwe yaina, e maininayana inove dedevina toina, ivauyaone go, toinina inuwonúwana kana, ‘Tomota idi yalagau nuwodi goi sigoyo adi bíbina kunu goi go, tuwo tomotayadi idi guinuwa pasidi geya tuwaina bei poyapoya abugoyai. Nakae geya tuwaina bei kaga liliuna maa yawoidi amtulidi nakae ame bogina aguinuwe.

Iyoni 10:35

Bogina tayagoi Gínina Kimaasabaina geya itoboinedeta tatavivili. E tomotayadi boi Yaubada ina livala ivinidi, iduduwedi yaubadao,

Iyoni 19:37

Livala aiyuwoina Gínina Kimaasabaina goi nakae imalatomota, kana, ‘Tauyana bogina siginubasi bei sipotepote.’ Sakaraiya 12:10

Iyoni 7:42

Gínina Kimaasabaina idigodigo bego Devida ina goi Guyau bei ima be nakae Devidayana ina kasa Bedeliyema goi bei ibíbina.’

Guinuwa 7:9

Niga kidi go Yakobo natunao yawou tayamo siyadi Iyosepa sigite, sivakipikipiye. Tuwo siyoisi sikaigimone da Itipita yaidi go, da Itipita sikabi sinave idi kasa goi. Itipita goi Iyosepayana ikaaiyaka go, kina Yaubada ivaakitau.

Roma 1:29

Sinapu ame sivakayaodeidi: Guinuwa liliudi Yaubada ikaataedi, nuwonúwana goyogoyoidi, guinuwa goyogoyoidi, matakónana, goyo nuwonuwodi, vakipikipi, aumata, aumakimaki, pola, yogedageda nuwonuwodi, livalakipakipatu,

Roma 9:17

Moitamo. Geya kada tomota idi guinuwa goi geya. ilatuwoko idigo kana, ‘Ame pasina tauna atagonem maa yawoim: Latuwogu guna togaga kom goi avagitakoe go, aiyuwoina bei valegu inúnuwo ina poyapoya ana madabokina goi.’ Tateta 9:16

1 Korinta 6:19

O nakona geya koyagoiyeta bego wowoda moe ina Vada Kimaasabaina? Balomayana Yaubada goi ima ikaaiyaka yaida goi. Tauna kita wowoda moe geya kita konada geya, go sem Yaubada konana.

2 Korinta 6:16

E manakae? Yaubada polapola itoboinedi Yaubada mooitamoina ina Vada Kimaasabaina goi sikaaiyaka? Geya ae? Moe moitamo. Kita Yaubada maa yawoina ina Vada Kimaasabaina, yaida goi ikaaiyaka, tauna taabu yaubada polapola taiyao taaebōda tayamo. Moe nakae Tauyana idige kana, ‘Yaidi goi bei akaaiyaka be nakae yaidi goi aaketoiya. Yau bei idi Yaubada go, kidi yau guna bodao.’ Vininabeso 26:11-12

Galetiya 3:8

E boi nimatu Yaubada bogina igimilovina bego goi Vala Dedevina igimitalavaite Eberamo yaina idigo kana, ‘Totuyoyowo liliudi poyapoya ame goi bei siyagoi kom goi .’ Aba Vatowo 12:3

Taito 3:3

Im kavilavilayana itoboine. Kita tonumisa boi nimatu tauyadi geya sinumiseta nakae, Yaubada tatamogemogeye. Nakae kita kapipiilovaida be nakae sulaaigida, ida vikaiya liliudi be uyawana owáowana liliudi , ida kaiyaka madabokina goi kita goyo ana toguinuwa be vakipiikipida, tomota sikaoliliveda go, kita nakae sedao takaolilivedi.