Yemesa 3:1 - Buki Kimaasabaina

¹ Segowo, taabu badabadaimi kopooikīkina bego koetovatulúkwana unana tayagoi bego Yaubada ina takínona goi liliuda bei idovatusida go, kai tovatulúkwana bei idovatusidokoima.

Yemesa 3:1 ပူးပေါင်းရင်းမြစ်များ

Madiu 10:24

Tovatotówana ina tovatulúkwana geya itobusaveyeta. Aiyuwoina tomota ina tomoya geya itobusaveyeta.

Madiu 23:13

E komi Yaubada ina Katukeda ana tovatulukwanayao be nakae Parisi, imi vatulúkwana goi tomota kosanaabodedi, e goi geya sisiuta. Moitamo. Komi geya latuwomi kosiu go, avatauwa neta latuwodi sisiu, komi kosanabodedi. Tauna komi tokibobwata polapola! Oo komi ami toovalugo ae? [

Madiu 23:14

Komi Yaubada ina Katukeda ana tovatulukwanayao be Parisi, kóbuya idi vada be konadi kovaaobudi namlieta kokawanoi tuta maanawena bego tomota sigitemi. Tauna imi liuna gagaina toina bei kobabane. Komi tokibobwata polapola! Oo komi ami toovalugo ae?]

Madiu 9:11

E kakakáika go, kidi amoko goi sikaaiyaka kai ina tovatotowanayao sigitema silatuwokoima sidigo kadi, ‘Kaga unana imi tovatulúkwana go, takisi ana togogoyao be ituli ta toogoyoidi taiyao sikakáika?’

Luke 16:2

Tuwo ina torugwautayana iduduwe ima ilatuwoko idigo kana, “Valem anove igoyo. Kūna guna esaesa rugwáuta bukina kwābi kūme kuvinimnēigu! Geya tuwaina guna esaesa kurugwausidi geya.”

Luke 6:37

Yeisu tuwaina kana, ‘Taabu semiyao kovaayokōidi kidi toogoyoidi, e Yaubada nakae bei geya ivayokoimita komi toogoyoimi. Nakae taabu semiyao kotaakinōidi itoboinedi liuna sibabane, e Yaubada nakae, bei geya ilovineta komi toogoyoimi bei iliunemi. Tomota idi goyo konuwotaōidi, e komi imi goyo Yaubada bei inuwotaoidi.

Iyoni 3:10

Go iya Yeisuyana idigo kana, ‘Iyaa! Manakae? Kom bego idi tovatulúkwana go, ame vatulukwanayadi geya kuyagoidita ae?

Guinuwa 13:1

Ego Tomoya ana totugugunayao yaidi Antiyoki goi ina bodao sikabi, siuyabebe, tauna Manaeni be Erodi vada tayamo goi taiyao sibíbina. Ame tauyadi adi tainima moe tokabivalavala be nakae tovatulúkwana.

1 Korinta 12:28

Tuwo tauyadi Yaubada ana totugugunayao goi ivayokoidi ame nakae: Mainao Yeisu ina . Aitonina tovatulúkwana. Niga guinuwa toogagaidi adi toguinuwayao, tokidedevina, tovaita, tovakeda, yábana niyanina tamo tamo adi tobóbwara.

2 Korinta 5:10

Itoboineda tavauyaone unana madabokida ina kaba takínona goi bei tataoya be kita tamo tamo nakonakae wowoda goi boi bogina taguinuwedi, neta dedevina o igoyo, e nakae guinuwayadi bei imapudi. Tauna tapoikīkina bego Tauyana tavauyaone.

Epeso 4:11

Kina ina kaiguyauyadi tomota iivinidi ame nakae: Tomota maniyedi moe Yeisu ina ana totalavaitayao, e maniyedi ina tomatakavatayao o ina tovatulukwanayao nakae.

1 Timoti 1:7

Tauyadi bego Yaubada ina go, kaga kaga siidigedi be nakae kaga manuna sikaugeogéona geya siyagoidita.

1 Timoti 2:7

Kiyakiyayayana manuna Yaubada bogina ivayokoigu yau Yeisu ina totalavaita be ina adi tovatulúkwana. Ame abóbwara moitamo; geya apoleta. Go ida numisa ana vatulúkwana be Yaubada ana Nanamsa Mooitamoina avatulukoidi.

2 Timoti 1:11

Valayana manuna Yaubada ikawoigu bego yau valayana ana totalavaita, Yeisu ina vamoléyana be nakae valayana ana tovatulúkwana.

Iberiu 13:17

Imi tovakumgoyao kokabikaonēdi be nakae yaidi goi kokatetaagonēmi. Moitamo. Tauyadi yawoimi simatakaavatedi unana nava bei idi paisewayana Yaubada matana goi sitalaseyane. Ago idi matakavatayana goi madi uyáwana sipaisēwa go, geya adi romgimo. Neta komi geya imi kabikawanamo pasina siromgi, moe geya ami dedevinamo manuna geya.

Yemesa 1:16

Taabu tomota sikatuubaūmi, guna kaloyao.

Yemesa 1:19

Guna kaloyao, neta livala ame konuuwaisi, kana, ‘Liliuda tataiyakeka dōkana be mainao tanuwonūwana baige tabóbwara go, egamogamogu tatōto.’

Yemesa 3:10

Sopada tayamo goi be atubolata siisowóduwo. Segowo, ame sinapuyana kita tonumisayao geya itoboinedeta.

1 Pita 5:3

Geya lovina kasakasaina goi geya, go sem komi aba gita dedevina yaidi goi.