Yemesa 2:8 - Buki Kimaasabaina

⁸ Neta tookaidi kogieomaemaedi, moe sinapu igoyo. Ida goi ivinida kana, ‘Siyami komataakoīye nakae toinimi komatakooiyemi.’ Vininabeso 19:18 Neta amo lovinayana kokiibobosi, e moe guinuwa dedevina koguuinuwe.

Yemesa 2:8 ပူးပေါင်းရင်းမြစ်များ

Iyona 4:4

Go kina Yauweyana idigo kana, ‘Manakae? Itoboine gamom igoyo toina gea geya?’

Iyona 4:9

Go kina Yaubada idigo kana, ‘Manakae? Itoboinem gamom igoyo yaguyaguma giyaina ana kámasa pasina?’ Iyonayana idigo kana, ‘Itoboinegu gamogu igoyo toina!’

Madiu 22:39

E lovina aiyuwoina ikaaiyaka moe lovinayana vakuumgoina nakae. Lovinayana ame nakae kana, “Siyami komataakoīye nakae toinimi komatakooiyemi.” Vininabeso 19:18

Madiu 25:21

Ina tomoyayana idigo kana, “Dedevina! Kom guna pákwana dedevim be nakae . Bogina kuvatulukoigu itoboinegu konagu maniyedi giyaidi goi anumisem. Tauna bei avayokoim kom konagu maniyedi gagaidi adi tomatakavata. Kūma guna kaba uyáwana kusīuko.”

Madiu 25:23

Ina tomoyayana idigo kana, “Dedevina! Kom guna pákwana dedevim be nakae aba numisa. Bogina kuvatulukoigu itoboinegu konagu maniyedi giyaidi goi anumisem. Tauna bei avayokoim kom konagu maniyedi gagaidi adi tomatakavata. Kūma guna kaba uyáwana kusīuko.”

Madiu 7:12

E tauna nakonakae latuwomi bego tomota siguinuwe yaimi, e komi nakae tauyadi yaidi kogimiguinūwe. Ame adi vatulúkwana adi masi.’

Roma 13:10

Tomatakoi goyo geya iguinuweyeta siyana yaina goi. Tauna neta tomota tamatakoiyedi, Yaubada ina Katukeda takibobosidoko.

Galetiya 5:14

Ame moitamo. Yaubada ina Katukeda goi lovina liliudi itoboineda talamgogoidi livala tayamo goi. Livalayana kana, ‘Siyami komataakoīye nakae toinimi komatakooiyemi.’ Vininabeso 19:18

Galetiya 6:2

Semiyao adi mou goi kovaitēdi. Neta moe nakae koguuinuwe, e ina lovina bogina kokiibobosi.

Pilipai 4:14

Go tuwo bogina koguinuwa dókana unana imi yabobona goi guna kaiyakomou kosiuko.

1 Tesalonáika 4:9

E imi matakoi sedao nuumisaidi yaidi manuna Yaubada bogina ivatulukoimi komatakoiyedi, e nakae bogina koguuinuwe sedao liliudi yaidi Mesadoniya parovinsi ana madabokina goi. Tauna geya tayaamo kaga matakoiyana manuna itoboinegu agini geya. Ego kakawanoi makimaki yaimi, segowo, tuwaina koguuinūwe

Yemesa 1:25

E mooitamoina italigeida, tauna avatauwa neta Atukedayana sigitedoko go, geya sitaiyakeekeyamo nakae geya sinuwoilaveyeta, go sem sikabiikaone, e tauyadi idi guinuwa madabokina goi adi dedevina sibabane.

Yemesa 2:12

Tauna mami matakoi be mami nuwokapisi kobobōbwara be kooketōiya, unana Yaubada bei itakinoida nakonakae ida Tomoya ina Katukedayana matakoi manuna boi bogina italiigeida takabikaone.

Yemesa 2:19

Kom kuunumisa bego Yaubada tayamo toito; moe dedevina toina. Ago nakae siinumisa bego Yaubada tayamo toito go, madi matoita sitátava, unana idi numisa kaka tauna geya ivaitedita! Amo aba gitayana goi tayagoi numisa be guinuwa siituyuwo go, numisa kaka geya ivaitedeta.

Yemesa 4:11

Taabu semiyao kokaogooyoēdi, segowo. Avatauwa komi neta semiyao kokaogooyoedi o kotaakinoidi tauyadi bego toogoyoidi, e moe nakae ina lovina matakoi manuna bogina kokaogoyoe be nakae kotakino bego lovinayana goyogoyoina. Neta komi imi guinuwa nakae, e Yeisu ina lovinayana geya koguinuweyeta geya, go sem komi bego koetotakínona.

1 Pita 2:9

E komi sem Yaubada ina boda kiinavaimi; komi ina tonuwalayao mami lovina be boda kimaasabaimi Tauyana umana; komi Yaubada toinina ina , e bei itoboinemi Tauyana ina guinuwa kaausaraidi kotalavaitedi. Boi komi mamaníwana goi kokaaiyaka go, iduduwemi koma ina mavada kaausaraina goi kokaaiyaka.