Yemesa 1:5 - Buki Kimaasabaina

⁵ E avatauwa komi neta nanamsa kokiseeyeseye, Yaubada yaina kokaawanōi. Tauyana Tokaiguyau tomota liliuda yaida go, geya iibolagu. Tauna neta Tauyana yaina kokaawanoi, bei ivinimi.

Yemesa 1:5 ပူးပေါင်းရင်းမြစ်များ

Tateta 31:3

Tauyana bogina avakayaodei yau Yaubada Balomaigu goi, tauna mana nanamsa be mana katanaki be nakae ana kaipata paisewa liliudi dedevidi iguinuwedi.

Tateta 31:6

E kunovēgu. Akisamaki ma Dani natuna yoina Oliyavi bogina akinave bei ipaisewa Besaleli taiyao. Guna katanaki topaisewa liliudi bogina avinidi bei tauyadi adi kaipata kaga liliuna alatuuwokoim simadagidi.

Madiu 11:20

E niga Yeisu ivatowo tomota asa maniyedi goi ibowoidi. Asayadi goi bogina iguinuwedi. Guinuwayadi toni kasa sigitedi go, geya situgavileta, tauna ibowoidi idigo kana,

Maki 16:14

Niga Yeisu ina tovatotowanayao yawou tayamo sikakáika go, matadi goi Yeisu ivataoduwe. Ivataoduwe go, geya idi numisamo pasina be nakae idi dabakasa pasina ibowoidi idigo kana, ‘Komi manakae! Guna taoyamna mlina avataoduwegu sedao yaidi namlieta moe sitalavaite yaimi go, geya konumisedita!’

Iyoni 14:13

Tuwo, kaga neta yoigu goi kokawanoiye Yaubada yaina, moe bei aguinuwe bego Yaubada ina togaga ana yau Natuna guna guinuwa goi avagitakoedoko tomota yaidi.

Iyoni 15:7

Neta kokaaiyaka yau yaigu goi be nakae guna livala yaimi goi sikaaiyaka, kaga latuwomi, manuna kokawanōi, bei kobabane.

Iyoni 4:10

Go iya Yeisuyana idigo kana, ‘Neta Yaubada ina yabobona kuuyagoi be nakae yau bwae manuna akaawanoi kuyagoigu, e itoboine kom bwae maa yawoina kukawanoiye, bei avinim.’

2 Korinta 2:16

Emainayana kidi siivailai sinove, moe ámasa mainina kaka nakae o tadigo kada, ‘Bei sikámasa.’ Ago kita Yaubada iiyaveda tanove, moe yawana vata kaka mainina nakae o tadigo kada, ‘Yawoida vata tababane.’ Go moe paisewayana Guyau Valena manuna avatau itoboine iguinuwe? Kaai go!

Yemesa 1:17

Aiguyau dedevidi liliudi be nakae yabobona mooitamoidi liliudi Tamada diligaema goi sisou simamaima. Tauyana yábana mavadainao adi tomadágina. Núgana iitavívila go, Tauyana ina sinapu geya nuganayana nakae geya, go sem ina sinapu geya iitavívila.

Yemesa 3:17

Ago avatau neta ina nanamsa yábana goi ima, e ina sinapu maavadaina, tauyana tuboina nuwonuwona, sakuululuna, taagonaina, nuwokaapisina toina be nakae keuwoina dedevina toina siisowóduwo go, geya kada tomota adi kaigigita goi iwowooinedi geya, e nakae geya ipolapola.

Yemesa 5:16

Tauna imi goyo koetalatalavaaitēdi go, kokaawanōi Yaubada yaina manumi, e bei kodedevina. Avatau neta tokibóbwata Yaubada matana goi, e ina kawanoi itogaga toina be nakae ipaisewa dókana.

1 Iyoni 3:22

e kaga kaga takawaanoiye Tauyana yaina, bei ivinida. Moe unana Tauyana ina lovina takabikaaonedi be nakae ava guinuwava Yaubada iuyaaonedi taguuinuwedi. Tauna bei ida kawanoiyadi bei inovedi.