Yemesa 1:4 - Buki Kimaasabaina

⁴ Go aramaitanayana kootagōne ikeuwo dókana sinaemi bego imi numisa goi koomatuwo be nakae imi sinapu madabokina bogina sidedevina, e geya kada tayaamo sinapu dedevina bei kokiseyeseye geya.

Yemesa 1:4 ပူးပေါင်းရင်းမြစ်များ

Madiu 10:22

Tomota liliudi bei sikaolilivemi unana yau yoigu ikaaiyaka yaimi. Go avatauwa neta sitaoyakavata ana kadókana tuta ana kaba lukavava goi, e adi yava bei sibabane.

Madiu 19:20

Tuwo tubuwauyana idigo kana, ‘Moe lovinayadi madabokiidi bogina akabikaaonedi go, kaga nava akiseyeseye?’

Madiu 5:48

Tauna komi bei imi sinapu madabokina goi komatūwo, Tamada guma yábana nakae.’

Maki 10:21

E kina go Yeisu idobala korotoyana idumaakavate go, imatakoiye, e idigo kana, ‘Go tayamo guinuwa kukiseeyeseye. Kūna konam liliudi kwaigimonēdi go, maisadi kwabīdi, kūna tookaidi yaidi goi kwaiguyauyēdi, e yábana goi bei kom mam esaesa. Kwaiguyauyedi ikavava, kūma kusabokuuliyēgu.’

Luke 18:22

E livalayana kina Yeisu inove, idigo kana, ‘Go tayamo guinuwa nava kukiseeyeseye. Kūna konam liliudi kwaigimonēdi go, maisadi kwabīdi, kūna tookaidi yaidi goi kwaiguyauyēdi, e yábana goi bei kom mam esaesa. Kwaiguyauyedi ikavava, kūma kusabokuuliyēgu.’

Luke 21:19

Imi taoyakavata goi yawoimi vata bei kobabane.

Luke 8:15

E kidi go kutukutuyadi poyapoya dedevina goi sisou sitabo, moe nakae tomota maniyedi neta ma katedi dedevidi Yaubada ina livala sinovedoko, siyoisikavate be madi meesayágana sikeuwo dókana.’

Iyoni 17:23

Yau yaidi goi akaaiyaka go, kom yaigu goi kwaaiyaka bego sieboda dókana tayamo. Moe bego da poyapoya siyagoi kom kuetunegu ama be nakae kumatakoiyedi nakae kumatakoiyegu.

1 Korinta 2:6

E nanamsa toina manuna moe tomota madi numisa maatuwoidi yaidi goi kataalavaita. Moe nanamsayana geya kada tuta ame ana nanamsa o tuta ame ana tolovinao idi nanamsa geya; tolovinayadi Yaubada bei ikausaolidi. Moe pasina amo nanamsayana geya katalavaiteyeta,

Galetiya 6:9

E taabu ida guinuwa dedevidi goi takawoowotēya. Neta nukotoda geya itopeta, e tuta Yaubada iupae goi ida dibayoya dedevina bei tababane.

Kolose 4:12

Epapira, tauyana imi boda tayamo, ina yabobona yaimi. Tauyana Yeisu ina pákwana tayamo. Tuta liliuna ina kawanoi goi iikokoila manumi bego koovadókana, imi numisa goi komatuwo be nakae Yaubada ina nuwonúwana koyagoidoko.

1 Tesalonáika 5:23

E Yaubada, Tauyana tuboina unana, sinapu liliuna goi bei ikimasabedokoimi ame nakae: Yawoimi madabokina, nakae balomaimi, nuwomi be wowomi, iyoisikavatedi bei geya ami pikwanamo ana kadókana ida Tomoya Yeisu ikaluvilamna.

2 Timoti 3:17

bego kita Yaubada ina tomotao bogina yoiyada unana bogina sikatubayasida guinuwa dedevidi liliudi manudi.

Iberiu 13:21

Amo Yaubadayana yaina goi akawanoi bego kaga liliuna dedevina goi ikatubayasimi, bei itoboinemi ina nuwonúwana Yeisu ina vaita goi koguinuwedoko, e bei imi guinuwayana dedevina Tauyana matana goi. Yaubada aba taimámina ame tuta be nakae tuta simamaima! E nakae!

Yemesa 1:5

E avatauwa komi neta nanamsa kokiseeyeseye, Yaubada yaina kokaawanōi. Tauyana Tokaiguyau tomota liliuda yaida go, geya iibolagu. Tauna neta Tauyana yaina kokaawanoi, bei ivinimi.

Yemesa 3:2

Guna nuwonúwana ataligei. Dogoi badabadaidi goi kita liliuda taakapusi. Go avatau neta ina bóbwara goi geya ikapusita, e moe tauyana ina numisa goi imatuwo be nakae itoboine wowona madabokina ikabikunui.

1 Pita 5:10

E kina go Yaubada, Tauyana anuwóiya liliudi unadi, boi bogina ida Yeisu taiyao pasina iduduweda ana káeyana tomoeeyalina vaatayaina goi tasiu. Imi gedageda tuta kaakupina goi go, mlina Tauyana toinina bei iyolimemi, bei idavemi, bei ikitogagemi, bei lasáuna yatana iyatoimi bego imi dako ikasa.

2 Pita 1:9

Ame moitamo. Avatauwa neta sinapuyadi yaidi goi geya, adi kaigigita matadi igawúwula nakae o kada, ‘Matadi ikebo toina.’ Moe unana boi idi goyo adi kimavada bogina sinuwoilave.