Tateta 8:25 - Buki Kimaasabaina

²⁵ E tuwo Pero inuwonúwana geya, Eroni be yau iduduwema kama ilatuwokoima idigo kana, ‘Kōna imi yoguyoguyao kogabūdi kokasalēdi imi Yaubada yaina go, ameko Itipita sinaena goi nakae koguinūwe.’

Tateta 8:25 ပူးပေါင်းရင်းမြစ်များ

Tateta 10:16

E tuwo Pero woilina vala ietune ima Eroni be yau iduduwema kana. Kana ilatuwokoima idigo kana, ‘Bogina agoyo Yauwe imi Yaubada yaina be nakae komi yaimi.

Tateta 10:24

Tuwo Pero vala ietune ima iduduwegu ana ilatuwokoigu idigo kana, ‘Kōna kosakulūlu Yauwe yaina. Gogómana nakae itoboinedi taiyao kona go, imi yoguyoguyao, nakae imi bulumakauyao be imi sipiyao, tuwo sikaiyaka ameko.’

Tateta 10:8

Sibóbwara ikavava, Pero ietunedi sima be yau sikabima kakaluvilamna kana. Kana ilatuwokoima idigo kana, ‘Kōna kosakulūlu Yauwe imi Yaubada yaina. Ego avatau avatau bei taiyao kona?’

Tateta 12:31

Tuwo sabamgoyana goi Pero vala ietune ima Eroni be yau iduduwema kana. Kana ilatuwokoima, idigo kana, ‘Kotāoya, kōna! Kōna! Komi ami taiyuwokova semiyao Isileli tubunao liliudi taiyao kōna! Yau guna bodao taiyao kokalavēma go, kōna kosakulūlu Yauwe yaina nakae boi kokawanoi makimaki.

Tateta 8:8

Tuwo Pero inuwonúwana, geya, Eroni be yau iduduwema kana ilatuwokoima idigo kana, ‘Yauwe yaina kokawanōi bei kwekwe ikabidi da Itipita be nakae yau yaima goi go, tomotayadi bei ataligeidi sina idi yoguyoguyao sigabudi sikasaledi Yauwe yaina.’

Tateta 9:27

E tuwo Pero vala ietune ima Eroni be yau iduduwema kana. Kana, ilatuwokoima idigo kana, ‘Ame tuta bogina agoyo. Kina Yauwe go, yau be nakae da Itipita liliuma toogoyoima.

Tateta 9:28

Tauna kokawanōi Yauwe yaina. Ina palapala be ina kúwana kasakasaidi bogina tuwo, oma ikai. Bei ataligeimi kona. Moitamo toina. Geya tuwaina ameko goi kokaiyāka.’

Nuwogau 3:9

Konōve! Tauyadi Kaleya ana totugugunayao kadi, ‘Kai , Yaubada ina bodao’ go, geya, go sem kidi topola. Tauyadi nava bei alovinaedi bego sima matami goi aedi sivatugúyala go, bei siyagoigu bego komi amatakooiyemi.