Tateta 7:19 - Buki Kimaasabaina

¹⁹ E aiyuwoina idigo kana, ‘Eroni kulatuwōko kudīgo kam, “Im kaituko kukābi kuyosāle Itipita bwaena liliudi yatanaidi goi, nakae sákala liliudi, oveya liliudi, otoku liliudi be dorom liliudi goi bei simalaikaika. Tuwo bwae Itipita madabokina goi imalaikaika. Idi kontena alova o gurewa nakae, bwae simalaikaika.”’

Tateta 7:19 ပူးပေါင်းရင်းမြစ်များ

Aba Vatowo 1:10

Imadagi ikavava, dadavayana sayasayaina ivayoko poyapoya go, bwaeyana ivayoko négwasa. Igitedi dedevidi, e iuyaonedi.

Tateta 10:12

E tuwo Yauwe ilatuwokoigu idigo kana, ‘Nimam kuyosāle Itipita yatanaina goi bei tatabole sima Itipita alovaina be naunina liliudi silokanidi, nakae kaga liliuna boi kúwana kasakasaidi geya sisamaumauidita sikanidi.’

Tateta 10:21

E tuwo Yauwe ilatuwokoigu idigo kana, ‘Nimam kuyosāle yábana kuvasakikināko bei Itipita ana madabokina goi kokonótuya isowóduwo. Nakae kokonotuyayana itoboinedi silotowo.’

Tateta 14:16

Go kom im kaituko kuyosāle Négwasa Kayakayaina yatanaina goi gobe negwasayana kukiwotāi aiyuwo, e bei kom nakae Isileli tubunao itoboinemi poyapoya sayasayaina goi kovadamane kona.

Tateta 14:21

E tuwo nimagu ayosale Négwasa Kayakayaina yatanaina goi go, Yauwe yágira bomatu tamadiidinina ietune ina negwasayana iyawoisave. Yagirayana sabamgo ana madabokina goi itowotowo, tauna negwasayana iwotai aiyuwo, e poyapoya sayasayaina isowóduwo.

Tateta 14:26

E Yauwe ilatuwokoigu idigo kana, ‘Nimam kuyosāle Négwasa Kayakayaina yatanaina goi bei negwasayana ikaluvilamna ina da Itipita be idi sariyota madi tokabikunuwoyao ikautumdi.’

Tateta 4:9

Go neta aba kinanayadi aiyuwo geya sikamoitamoedita be nakae sopam geya sikabikaoneyeta, e kūna sákala Nairi goi bwae kutēge. Ikavava, kūna poyapoya sayasayaina goi kwaliulāgi bei poyapoyayana goi imalaikaika.’

Tateta 8:16

E Yauwe ilatuwokoigu idigo kana, ‘Eroni kulatuwōko kudīgo kam, “Im kaituko kuyosāle, poyapoya kaukauna kusāpi bei kaukauyana Itipita ana madabokina goi imaladimokíkila.”’

Tateta 9:33

E tuwo ataoya, Pero akalave, ina kasa goi asowóduwo, abala ana nimagu akatulagasidi Yauwe yaina akawanoi. Tuwo palapala be kúwana kasakasaidi sisayata, nakae kúwana geya tuwaina isou poyapoya goi.