Tateta 4:27 - Buki Kimaasabaina

²⁷ E boi Yauwe Eroni bogina ilatuwoko idigo kana, ‘Kutāoya kūna yoyowo goi Mosese kuvalobōde.’ Tuwo moitamo Eroni ima Yaubada ina koya goi ivalobodegu, e taiyao kayowóina.

Tateta 4:27 ပူးပေါင်းရင်းမြစ်များ

Aba Vatowo 29:11

Ivanimdi ikavava, ibala ina Reitiyeli iyowoi go, mana uyáwana itáiya.

Tateta 18:5

Yau guna tunagu Yaubada ina koya kikina yoyowo goi akaaiyaka go, yaogu Iyetoro livala ietune ima kana, ‘Yau yaom Iyetoro monem ma natunao taiyao bei kao kavadadem.’ E tutayana sima,

Tateta 18:7

yau ana yaoguyana avalobode. Asowóduwo tauyana yaina avatugúyala be nakae ayowoi. Ikavava, kagu, ‘Manakae? Dedevim?’ ‘Dedevigu. Go kom?’ tauyana kaena. ‘Yau nakae dedevigu’, kaegu. E kakauyagu ikavava, kana guna yoyou goi kasiu.

Tateta 19:3

E koyayana atuko ana Yaubada yaina. Tauyana koya yatana goi itumasobu yaigu idigo kana, ‘ ina bodao, moe Isileli tubunao, kulatuwokōidi ame nakae,

Tateta 20:18

E kidi go tomotayadi palapala sinovenove be ávila sigitegite, nakae síula sinovenove be aubowo sigitegite, tuwo wowodi sitatátava go, sibala sina masigava goi siitaoya.

Tateta 24:13

Tuwo guna tovaita Iyosuwa akabi go, mainao tomoyamoyayadi alatuwokoidi adigo kagu, ‘Ameko goi kotuyaosīma ana kadókana kakaluvilamna kama. Go konōve. Eroni be Kure sikaaiyaka komi taiyao. Neta tomota sikaumakimaki, e sinokoidi bei idi kaumakimakiyadi sikitototoidi.’ Alatuwokoidi ikavava, ataoya Iyosuwa taiyao kana Yaubada ina koya goi katuko. Giyaina katukokova, e Iyosuwa akalave go, yau aguta atuko.

Tateta 3:1

E yau go yaogu da Midiyani adi Iyetoro ina yoguyoguyao amatakaavatedi. Amatakaavatedi go, akabidi, yoyowo goi avadamanedi, anavedi koiboga dadavina koya yoina Korevi goi. Koyayana moe Yaubada ina koya.

Tateta 4:26

Tuwo Yauwe igite, e iyatoigu. Ego tutayana Sipora kana, ‘Ikaika goi tanai dókana’, ame idigedige.

Guinuwa 10:20

Korotoyadi go, tuwo taabu kwaatāedi, go sem kutāoya kusōu kūna tauyadi taiyao kōna go, taabu kunaanayūwo unana yau aetunedi sima, tauna taiyao kōna.’