Tateta 4:21 - Buki Kimaasabaina

²¹ E Yauwe ilatuwokoigu, idigo kana, ‘Tutayana kusowóduwo Itipita goi, kunuwookavāte guinuwa aba kainaopa liliudi matana goi kuguuinuwedi. Guinuwayadi manudi togaga bogina avinim. Go yau bei Pero ina dabakasa avaituwe, e tomotayadi geya itagonedita.

Tateta 4:21 ပူးပေါင်းရင်းမြစ်များ

Aba Vatowo 6:3

Tuwo idigo kana, ‘Geya atagoneta guna togaga maa yawoina ikaiyako vata tomota yaidi unana tauyadi sakava kaka. Tauna adi tala bei akatuyaivi tayamo andedi tuwenti (120) baige sikámasa.’

Tateta 10:1

E ilatuwokoigu idigo kana, ‘Aiyuwoina kūna dabadi bogina akaukasedi. Ame nakae aguinuwe bei ameko goi yau guna kaba kinana kidi yaidi aguinuwedi

Tateta 10:20

Ago Yauwe Pero dabana ikaukase, e kai geya italigeimeta.

Tateta 10:27

E kina Yauwe Pero dabana ikaukase, e Peroyana geya italigeimeta.

Tateta 11:10

E kina go be yau guinuwa aba kainaopayadi liliudi Pero matana goi kaguinuwedi go, Yauwe Pero dabana ikaukase, e ina kasa Itipita goi kai Isileli tubunao geya italigeimeta.

Tateta 11:9

E Yauwe ilatuwokoigu idigo kana, ‘Pero geya inovemta bei yau itoboinegu guna guinuwa aba kainaopa avaituwedi da Itipita yaidi.’

Tateta 14:17

Go yau sem da Itipita idi dabakasa bei avaituwe, e bei mlimi goi siiwo bego sivatapiyemi. Go Pero mana tovayaviyayao be nakae ina sariyota madi tokabikunuwoyao adi sou goi yau guna togaga ana káeyana bei avagitakoe.

Tateta 14:4

Pero dabana bei akaukase. Tuwo tauyana mana tovayaviyayao bei sivatapiyemi bego siyoisimi. Moeko goi tauyadi goi guna togaga ana bei avagitakoe, e da Itipita bei siyagoidokoigu Yau Yauwe.’ Tuwo moitamo ana alatuwokoidi, e nakae kaguinuwe.

Tateta 14:8

E Yauwe Pero, tauyana da Itipita adi tolovina, dabana ikaukase. Tuwo tauyana mana tovayaviyayao sima kai Isileli tubunao sivatapiyema bego siyoisima. E kai go Isileli tubunao mama katepatu Itipita goi kasowóduwo kanonoina.

Tateta 3:19

Go yau bogina ayagoi bego da Itipita adi tolovina bei itagonemi kosowóduwo neta guna togaga goi to abuneneteyamo.

Tateta 3:20

Tuwo yau nimagu bei abisisobu, guna guinuwa aba kainaopa liliudi aguuinuwedi da Itipita toinidi idi kasa goi go, aba kainaopayadi goi bei asapidi. Asapidi ikavava, tauyana bei italigeimi kosowóduwo.

Tateta 7:13

Go kina Pero dabana ikasa toina, tauna geya inovemeta, nakae Yauwe boi bogina idige.

Tateta 7:3

E yau sem Pero ina dabakasa bei avaituwe. Guna kaba kinana be nakae guna guinuwa aba kainaopa badabadaidi nava bei Itipita goi aguinuwedi.

Tateta 8:11

Kwekweyadi bei sikalavemi kom be im vada be im pakonayao be nakae da Itipita. Nairi kaka goi bei sikaaiyaka.’

Tateta 8:15

E tutayana Pero igite kwekwe bogina sikavava, mainao aiyuwoina idabakasamna, tuwo Eroni be yau geya inovemeta nakae Yauwe boi bogina idige.

Tateta 8:32

Go kina Peroyana nava idaabakasa boi nakae, tuwo tomotayadi geya italigeidita.

Tateta 9:12

E Yauwe Pero dabana ikaukase, e geya inovemeta nakae Yauwe boi bogina ilatuwokoigu.

Tateta 9:35

Tuwo Pero dabana ikasa, kai Isileli tubunao geya italigeimeta bei kasowóduwo nakae boi Yauwe bogina ilatuwokoigu bei siguinuwe.

Iyoni 12:40

‘Matadi bogina ikigawuwulidi, nakae nukotodi isanayatoidi. Tauna dabadi sikasa, govila bei matadi goi sigita be nakae nuwodi goi siyagoi, bei situgavila, e simekoigu akidedevinedi.’ Aiseya 6:10

Roma 1:28

Kidi Yaubada sidovatusi go, silovina bego Tauyana ana nanamsa moe geya basabasainamo yawoidi manudi, tuwo sikatae, e tauna nakae Tauyana itagonedi toinidi nuwodi goyogoyoidi yaidi goi be kaga geya itoboineyeta yaidi, e tuwo siguuinuwedi.

Roma 9:18

E tauna avatau neta Yaubada latuwona inuwokapisiye, bei inuwokapisiye go, neta latuwona avatau dabana ikaukase, bei ikaukase.

2 Korinta 2:16

Emainayana kidi siivailai sinove, moe ámasa mainina kaka nakae o tadigo kada, ‘Bei sikámasa.’ Ago kita Yaubada iiyaveda tanove, moe yawana vata kaka mainina nakae o tadigo kada, ‘Yawoida vata tababane.’ Go moe paisewayana Guyau Valena manuna avatau itoboine iguinuwe? Kaai go!

1 Pita 2:8

Aiyuwoina kana, ‘Gurewayana aba sapákwana nakae aba satupe.’ Aiseya 8:14 Tauyadi isaapakoidi unana Yaubada ina livala sikapiipilave. Tauyana igimilovina bego idi kapipilova pasina gurewayana bei isapakoidi.