Tateta 33:3 - Buki Kimaasabaina

³ Poyapoyayana maliina be lobooinina, tuwo komi kōna amoko goi go, yau maisigu bei avamoukoimi kutoto taiyami tuntunidi. Tauna geya awoita, govila bei enao goi akaumatematemi. Moe pasina guna aneroseyana bei ivakumgoiyemi.’

Tateta 33:3 ပူးပေါင်းရင်းမြစ်များ

Tateta 13:5

E Yauwe bei inaveda kidi Kenani tubunao, Eta tubunao, Emori tubunao, Ivai tubunao be nakae Yavusi tubunao idi poyapoya goi. Boi tubudao yaidi Yauwe ikatotule bego ivinidi. Poyapoyayana maliina be lobooinina. E tutayana inaveda tana poyapoyayana goi, tala tamo tamo tukówana ame Abib goi ame tapwaroro ana sinapuyana taguuinūwe.

Tateta 23:21

Ami dodókana Tauyana niyana konōve. Taabu sopana kokapiipilāve. Bogina koyagoi. Imi kapipilovayana bei geya inuwotaoidita. Yau akaaiyaka tauyana yaina, tauna tauyana guna katumapu nakae.

Tateta 3:17

Tauna akatótula bei da Itipita idi yogedageda goi akabimi go, anavemi poyapoya maliina be lobooinina goi. Poyapoyayana moe kidi Kenani tubunao, Eta tubunao, Emori tubunao, Perisi tubunao, Ivai tubunao be Yavusi tubunao idi kasa.’”

Tateta 3:8

Tauna asou ama bei da Itipita nimadi goi ayavedi. Itipita goi bei akabidi atukoedi anavedi poyapoya tayamo goi silokasa. Amo poyapoyayana dedevina be buutumina gagaina, maliina be lobooinina. Poyapoyayana moe Kenani tubunao, Eta tubunao, Emori tubunao, Perisi tubunao, Ivai tubunao be Yavusi tubunao idi kasa.

Tateta 32:14

E tuwo moitamo Yauwe ina egamogamogu manuna itavívila, tauna boi vailai idigedige ina bodao geya ivinidita.

Tateta 33:5

Kutoto Yauwe bogina ilatuwokoigu kana, ‘ kulatuwokōidi kam, “Komi moitamo taiyami tuntuniidi! Neta tuta kaakupina goi akaiyaka yaimi, bei amtulimi. Ame tuta imi pasapasa kovalilivīdi koyatōidi. Bei alovina manakaegu aguinuwe yaimi.”’

Tateta 34:9

adigo kagu, ‘Guna Tomoya, moitamo im kanuwóiya bogina ababane, tauna akawanoi yaim, kuvakitāuma. Moitamo. Kidi taiyadi tuntunidi go, idi bágala be idi tapepeko kunuwotaōidi be kukabīma kai im kaba lovina.’

Iyona 3:10

E idi guinuwayadi Yaubada igitedi bego idi sinapu goyogoyoidi goi bogina situgavila, tuwo itavívila, e boi vailai idigedige bego iivinidi geya iguinuweyeta geya.

Iyona 3:4

E Iyona ina Ninivei goi isiu ina maliyalina tayamo goi iiketoiya go, iiliwola da Ninivei yaidi idigo kana, ‘“Maliyalina 40 sikavava, Ninivei bei atusaoli”, Yauwe kaena.’

Guinuwa 7:51

Totaiyatuni komi! Sakavaimi kokupoidimo go, komi atemi nava geya konovenove. Komi imi sinapu tauna tubumiyao nakae!