Tateta 33:1 - Buki Kimaasabaina

¹ E nakae ilatuwokoigu idigo kana, ‘Kutāoya, kom be nakae tomotayadi Itipita goi kukabidi kumemedi, taiyao kōna poyapoyayana boi Eberamo be Aisake be yaidi akatotule kagu, “Tubumiyao poyapoya bei avinidi.”

Tateta 33:1 ပူးပေါင်းရင်းမြစ်များ

Aba Vatowo 12:7

E amoko goi Yauwe isowóduwo Eberam yaina idigo kana, ‘Eberam, ame asayana bei im boda avinidi.’ Tuwo dídiya ikabidi, ikaudakodako, imadagi Yauwe ana kaba wowoina manuna.

Aba Vatowo 15:18

E amo maliyalinayana goi Yauwe Eberam yaina idigo kana, ‘Eberam, akatótula bego im boda poyapoya ame bei avinidi. Poyapoyayana ana túwana ame nakae: Itipita ina sákala gagaina Yuparetisi.

Aba Vatowo 26:1

E Bera Lakai Roi goi loga isowóduwo nakae boi Aisake tamana ana tuta. Tuwo Aisake itaoya, ina asa Garara goi da Palisiti adi tolovina Abimeleka igite ikawanoi tuta kaakupina ikaaiyaka.

Aba Vatowo 26:3

Go ame tuta ameko goi kusuvadavada. Yau bei avakitaum be . Moitamo. Kom be nakae tubumowo poyapoya ame madabokina bei avinimi. Boi tamam Eberamo yaina akatótula go, ame bei atotulayana akamoitamoe kom yaim.

Aba Vatowo 28:10

E Yakobo itaoya, asa Bera Siva ikalave go, iketoiya ina asa Karani.

Aba Vatowo 50:24

E Iyosepa senao ilatuwokoidi kana, ‘Giyakainava bei akámasa go, Yaubada bei iwo ivaitemi. Tubumiyao bei ikabidi, inavedi poyapoyayana boi ikaatotule Eberamo, Aisake be yaidi.’

Tateta 17:3

Go kidi maedi siyápasa toina, e sikaukulukúluwo yaigu sidigo kadi, ‘Ame manakae Itipita goi kumema? Bego natumao be ima yoguyoguyao taiyao maema adi yápasa goi kukimatema?’

Tateta 32:1

E tomotayadi bogina sigite yau koya goi nava geya asouta, go sem tuta maanawena akaaiyaka. Tuwo sima sigúguna go, yaina sidigo kadi, ‘Kutāoya ida yaubadayao kumadagīdi bei sivakededa. Amo Moseseyana, tauyana Itipita goi iikabida imemeda, geya tayagoiyeta kaga nakona iisowóduwo yaina, tauna ikaimúmuna.’

Tateta 32:13

Neta im kunuwokavatēdi. Boi toinim yoim goi kukatótula yaidi kulatuwokoidi kam, “Tubumiyao bei akisailidi adi badabada nakae utuna yábana goi go, poyapoya ame ana madabokina boi adigedige tubumiyao bei avinidi, e kidi sikabi idi kaba lovina.”’

Tateta 32:34

Tuwo ame tuta kūna tomotayadi kuvakedēdi nako goi bogina alatuwokoim. Go kunōve. Guna bei ivakumgoiyem. Go liuna ana maliyalina goi bei idi bágala pasina aliunedi.’

Tateta 32:7

E Yauwe ilatuwokoigu idigo kana, ‘Woilīm kusōu kūna! Im bodao, tauyadi boi Itipita goi kwabidi kumemedi bogina toinidi sikaigoyaidi.

Guinuwa 7:36

Ame Moseseyana Isileli tubunao ivakededi Itipita goi sisowóduwo go, aba kinana kainaaopaidi iguuinuwedi amoko Itipita goi, Négwasa Kayakayaina goi, be nakae idi ketoiya tala poti (40) yoyowo goi.