Tateta 32:4 - Buki Kimaasabaina

⁴ Gipoluyadi ikabidi, ikaupapaevedi. Ikaupapaevedi ikavava, bulumakau bonatuna maisiyana imadagi. Ikavava, e tomotayadi sidigo kadi, ‘Kita , ame ida yaubada boi Itipita goi ikabida imeda!’

Tateta 32:4 ပူးပေါင်းရင်းမြစ်များ

Tateta 20:2

‘Yau go, yau ataligeimi.

Tateta 20:23

Tauna geya tayaamo kaga goi komaadagīdi bego dogoiyadi imi yaubadayao.

Tateta 20:4

Taabu tokwalu komaadagīdi bego dogoi tayamo yábana goi o poyapoya yatana goi o négwasa sinaena goi ana tapata nakae bego imi yaubada.

Tateta 28:11

Gínina ana tokatanaki yoidiyadi iginidi. Iginidi ikavava, e goura goi gurewayadi adi kaba yata imadagidi maisidi dedevidi. Ikavava, gurewayadi adi kaba yata goi ikauvapotedi go, tolobona ana kwama ana kaba latubayadi yatadi goi ikauvapotedi. Gurewayadi moe aba nuwokavata bego tauyana imi katumapu. E tuta tamo tamo Eroni isiu ima Yau matagu goi, tauyana Isileli natunao yoidi ikavaledi aba nuwokavata manuna.

Tateta 28:9

Gurewa esaaesaidi natunao yawou aiyuwo yoidi iginidi.

Tateta 32:1

E tomotayadi bogina sigite yau koya goi nava geya asouta, go sem tuta maanawena akaaiyaka. Tuwo sima sigúguna go, yaina sidigo kadi, ‘Kutāoya ida yaubadayao kumadagīdi bei sivakededa. Amo Moseseyana, tauyana Itipita goi iikabida imemeda, geya tayagoiyeta kaga nakona iisowóduwo yaina, tauna ikaimúmuna.’

Tateta 32:24

Tuwo alatuwokoidi kagu, “Avatau neta mana goura, e ikābi ivinīgu.” Tuwo sivinigu, gourayadi alavedi yeu sinaena goi. Go akandobala, e yeuyana goi ame bulumakau bonatunayana toinina isowóduwo!’

Tateta 32:3

Tuwo moitamo tomotayadi idi gipolu goura sikitakidi simedi Eroniyana sivini.

Tateta 32:35

Tuwo Yauwe vísiya ietune ina tomotayadi yaidi goi unana Eroni silovinae bego bulumakau goura imadagi manudi. Tauna idi goyo pasidi vísiya sibabane.

Tateta 32:5

Eroni igite kaga siguinuwe, e bulumakauyana matana goi tayamo ikaudakodako. Ikavava, idigo kana, ‘Itomo uyáwana aikanina taodūgu yaina.’

Tateta 32:7

E Yauwe ilatuwokoigu idigo kana, ‘Woilīm kusōu kūna! Im bodao, tauyadi boi Itipita goi kwabidi kumemedi bogina toinidi sikaigoyaidi.

Tateta 32:8

Enaoyana alatuuwokoidi sisabookuliye bogina sivasulaigi. Bulumakau bonatuna goura simadagi, yaina goi sisakululu be nakae yoguyogu vininabeso manuna bogina sigabudi sivakasavedi go sikasaledi bulumakauyana yaina. Sidigo kadi, “Isileli tubunao, ame ida yaubada Itipita goi ikabida imeda.”’

Guinuwa 17:29

Kita moitamo Tauyana natunao, tauna geya itoboineyeta tanuwonúwana kada, “Yaubada moe o gurewa maisiyana.” Moe nakae geya. Dogoiyadi geya yawoidimo tokwalu nakae go, tokwaluyadi tomota idi kabitam goi be idi nuwonúwana goi simadagidi. Tauna Tauyana geya goura o siriba o gurewa maisiyana geya.

Guinuwa 7:41

Tuwo amo tutayana bulumakau bonatuna maisiyana simadagi bego idi kaba sakululu. Simadagi ikavava, yoguyogu tayamo sikaumate sigabu idi kaba sakululuyana sivinibeso go, toinidi nimadi idi guinuwa pasina siuyáwana.

1 Korinta 10:7

Taabu kosaakulūlu yaubada polapola yaidi nakae tubudao maniyedi boi nimatu siguuinuwe. Moe nakae italavaaitedi tutayana bulumakau goi sisaakululu. Gininayana idigo kana, ‘Tomota situsobu sikáika, sinim, madi uyáwana besobeso taiyao simasisi goyogoyo.’ Tateta 32:6