Tateta 32:13 - Buki Kimaasabaina

¹³ Neta im kunuwokavatēdi. Boi toinim yoim goi kukatótula yaidi kulatuwokoidi kam, “Tubumiyao bei akisailidi adi badabada nakae utuna yábana goi go, poyapoya ame ana madabokina boi adigedige tubumiyao bei avinidi, e kidi sikabi idi kaba lovina.”’

Tateta 32:13 ပူးပေါင်းရင်းမြစ်များ

Aba Vatowo 12:2

Bei akisailim, tubumowo boda tayamo gagaina. Bei , tauna you gagaina avinim. Tauna kūna bei kom aba kaipaku tomota liliudi yaidi.

Aba Vatowo 12:7

E amoko goi Yauwe isowóduwo Eberam yaina idigo kana, ‘Eberam, ame asayana bei im boda avinidi.’ Tuwo dídiya ikabidi, ikaudakodako, imadagi Yauwe ana kaba wowoina manuna.

Aba Vatowo 15:18

E amo maliyalinayana goi Yauwe Eberam yaina idigo kana, ‘Eberam, akatótula bego im boda poyapoya ame bei avinidi. Poyapoyayana ana túwana ame nakae: Itipita ina sákala gagaina Yuparetisi.

Aba Vatowo 15:5

E tuwo Eberam ikabi ivakede sisowóduwo moetala goi, idigo kana, ‘Eberam, kwandolāga yábana kugīte be utuna kwatuyaivīdi. Aa, neta itoboinem kwatuyaividi!’ Tuwo ikatótula idigo kana, ‘E im boda adi badabada bei nakae.’

Aba Vatowo 15:7

E aiyuwoina Yauwe idigo kana, ‘Yau Yauwe, boi im kasa Ura Babiloni sinaena akabim amem go, poyapoya ame bei avinim im kaba lovina.’

Aba Vatowo 17:8

Kenani goi kom tuta ame kueogaoga go, nava bei poyapoya ana madabokina Kenani goi kom nakae tubumowo avinimi, e bei ikaiyako vata yaimi. Yau bei tubumowo idi Yaubada.’

Aba Vatowo 22:16

‘Yauwe idigo kana, “Toinigu yoigu goi akatótula yaim unana natum kaakesaina geya kuvagagalakoiguta, go sem kutagone.

Aba Vatowo 22:17

E tauna guna katotulayana ame nakae: Moitamo bei bei im boda akisailidoko, e adi badabada utuna yábana nakae goi o mamaya loulouna nakae. Niga bei im boda ina kaleyayao itogagasavedi.

Aba Vatowo 24:7

Yauwe Yaubada, Tauyana totobukukui yábana goi, boi tamagu be nakae guna bodao idi kasa goi iikabigu, e ame Tauyana toinina yoina goi ikatótula yaigu idigo kana, “Poyapoya ame natumowo be tubumowo bei avinidi.” Tauyana ina bei ietune iwo ivakumgoiyem, e bei amoko goi ivatulukoim ava vavina kwabi kume natugu monena.

Aba Vatowo 48:16

Boi Tauyana nakae vailai goi iyavegu. E guna kawanoi amo Yaubadayana yaina goi bego natumowo ikaipakuyedi, e bei tomota yau yoigu siyagoi be nakae tamagu Aisake be tubugu Eberamo yoidi siyagoidi gogomanayadi pasidi. E tutayana sisusáila, tubudiyao badabadaidi poyapoya ame goi.’

Tateta 13:11

E Yauwe bei inaveda Kenani tubunao idi poyapoya goi nakae boi ikatótula kita be nakae tubudao yaida. Tutayana poyapoyayana ivinida,

Tateta 13:5

E Yauwe bei inaveda kidi Kenani tubunao, Eta tubunao, Emori tubunao, Ivai tubunao be nakae Yavusi tubunao idi poyapoya goi. Boi tubudao yaidi Yauwe ikatotule bego ivinidi. Poyapoyayana maliina be lobooinina. E tutayana inaveda tana poyapoyayana goi, tala tamo tamo tukówana ame Abib goi ame tapwaroro ana sinapuyana taguuinūwe.

Tateta 33:1

E nakae ilatuwokoigu idigo kana, ‘Kutāoya, kom be nakae tomotayadi Itipita goi kukabidi kumemedi, taiyao kōna poyapoyayana boi Eberamo be Aisake be yaidi akatotule kagu, “Tubumiyao poyapoya bei avinidi.”

Iberiu 6:13

Eberamo aba gita tayamo numisa be mesayágana manudi. Eberamoyana yaina goi Yaubada ikatótula go, geya vatau yoina Yaubada yoina ikalisave, tauna toinina yoina goi ikatótula bei atotulayana iguinuwe.