Tateta 32:1 - Buki Kimaasabaina

¹ E tomotayadi bogina sigite yau koya goi nava geya asouta, go sem tuta maanawena akaaiyaka. Tuwo sima sigúguna go, yaina sidigo kadi, ‘Kutāoya ida yaubadayao kumadagīdi bei sivakededa. Amo Moseseyana, tauyana Itipita goi iikabida imemeda, geya tayagoiyeta kaga nakona iisowóduwo yaina, tauna ikaimúmuna.’

Tateta 32:1 ပူးပေါင်းရင်းမြစ်များ

Aba Vatowo 19:14

E Loti vada goi isowóduwo ina natunao adi kamatakwanayao ibabanedi, e ilatuwokoidi idigo kana, ‘Kotāoya! Giyakainava bei Yauwe asa ame madabokina imtulidi. Tauna woilīmi kosīya!’ Go korotoyadi sinuwonúwana kadi, ‘Loti nakona ivaponuponu.’

Aba Vatowo 21:26

Go kina Abimelekayana idigo kana, ‘Geya ayagoiyeta avatauwa nakae siguinuwe. Go boi geya kulatuwokoiguta. Moe livalayana makaitaga anove.’

Aba Vatowo 39:8

Go kina Iyosepayana ikatae, idigo kana, ‘Geya. Kunōve. Yau pasigu guna tomoya geya inuuwonúwana geya kaga liliuna ina vada sinaena manudi. Konana liliudi nimagu goi iyatoidi.

Aba Vatowo 44:15

E tauyana idigo kana, ‘Ame kaga koguinuwe yaigu! Manakae? Geya koyagoiyeta bego yau koroto toogagaigu, tauna itoboinegu aba kinana goi akinane vediyana nako ina?’

Aba Vatowo 44:4

E kidi asa goi sisowóduwo siiketoiya ivatabaledi go, kina Iyosepa itaoya ina vada ana tovakumgo ilatuwoko kana, ‘Woilīm kutāoya, kūna amo korotoyadi kosabokuliyēdi. Tutayana kusakavatedi, kulatuwokōidi kam, “Manakae? Bego ima guinuwa dedevina goyo goi kokatumapu?

Tateta 13:21

E kina go Yauweyana ivakuumgoiyema enao ivakedema. Maliyalina goi Tauyana gaota taaoyaina sinaena ivakedema. Go sabamgo goi Tauyana yeu sabeninimina taaoyaina sinaena ivakedema bei imavadema, e bei itoboinema maliyalina be sabamgo kaaketoiya.

Tateta 14:11

Go yau silatuwokoigu sidigo kadi, ‘Manakae? Nakona Itipita goi valiwoga tabee geya ae? Tauna kumema ameko yoyowo goi bego kakámasa sivaliwogema ae? Kaga unana Itipita goi kwabima kumema!

Tateta 16:3

sidigo kadi, ‘Neta boi Itipita goi gagaidi kakakáika gamoma! Neta amoko goi kakámasa dedevina. Moitamo. Komi komema yoyowo goi bego ame bodayama madabokima loga goi kokimatema.’

Tateta 20:23

Tauna geya tayaamo kaga goi komaadagīdi bego dogoiyadi imi yaubadayao.

Tateta 24:12

E Yauwe ilatuwokoigu idigo kana, ‘Kutūko kūma yaigu koya yatana goi kwaiyāka, gurewa paaevaidi bei avinim. Gurewayadi goi guna Katukeda be guna lovina bogina aginidi. Kom kwabīdi tomota kuvatulukōidi.’

Tateta 24:18

Yau atukotuko, e gaotayana goi asiu. Maeko goi maliyalina poti (40) be nakae sabamgo poti (40) akaaiyaka.

Tateta 32:11

Go yau akawanoi makimaki Yauwe guna Yaubada yaina adigo kagu, ‘O Yauwe, manakae kuegamogamogu im bodao yaidi? Amo tauyadi Itipita goi boi kukabidi, im togaga gagaina goi kumedi.

Tateta 32:22

Eroniyana idigo kana, ‘Guna tomoya, taabu kuegamoogamōgu yau yaigu. Amo tomotayadi kom bogina kuyagoidokoidi; kidi sinapu goyo nukotodi ikabi.

Tateta 32:23

Silatuwokoigu kadi, “Ida yaubada manuda kumadāgi bei ivakededa. Amo korotoyana Mosese, tauyana Itipita goi ikabida imeda, geya tayagoiyeta kaga nakona isowóduwo yaina, tauna ikaimúmuna.”

Tateta 32:7

E Yauwe ilatuwokoigu idigo kana, ‘Woilīm kusōu kūna! Im bodao, tauyadi boi Itipita goi kwabidi kumemedi bogina toinidi sikaigoyaidi.

Tateta 33:3

Poyapoyayana maliina be lobooinina, tuwo komi kōna amoko goi go, yau maisigu bei avamoukoimi kutoto taiyami tuntunidi. Tauna geya awoita, govila bei enao goi akaumatematemi. Moe pasina guna aneroseyana bei ivakumgoiyemi.’

Madiu 24:43

E ame konuwookavāte: Neta toni vada bogina iyagoi ava tuta sabamgo goi tovaináwana bei ima bego ina vada isiu, e iyauyáusa tovainawanayana isanabode bei ina vada goi geya isiuta.

Madiu 24:48

Go nakona amo pakoninayana goyogoyoina. Bei nuwona goi inuwonúwana kana, “Guna tomoya ikaimúmuna.”

Guinuwa 17:29

Kita moitamo Tauyana natunao, tauna geya itoboineyeta tanuwonúwana kada, “Yaubada moe o gurewa maisiyana.” Moe nakae geya. Dogoiyadi geya yawoidimo tokwalu nakae go, tokwaluyadi tomota idi kabitam goi be idi nuwonúwana goi simadagidi. Tauna Tauyana geya goura o siriba o gurewa maisiyana geya.

Guinuwa 19:26

Komi bogina kogite be nakae vala bogina konove bego ameko Epeso kaka goi geya, go sem nakona Esiya ana madabokina ame Pauloyana ina tamyábina goi boda gagaina bogina ivasulaigidi. Tomota ilatuuwokoidi kana, “Yaubada nimami goi kowoodugudi moe geya yaubada moitamo geya.”

Guinuwa 7:40

Tuwo silatuwoko sidigo kadi, “Ida yaubadao kumadagīdi bei sivakededa. Amo Moseseyana, tauyana Itipita goi ikabida imemeda, geya tayagoiyeta kaga nakona iisowóduwo yaina, tauna ikaaimúmuna.” Tateta 32:1,23

2 Pita 3:4

Madi kaiwoteta bei sidigo kadi, ‘Boi Tauyana ina sowóduwo Yaubada ikaatotule go, Tauyana nako? Geya ae? Boi nimatu tubudao gagaidi idi kámasa ana tuta go, ima ame tuta kaga liliuna adi kaigigita tauna nakae sikaaiyaka nakae boi tutayana madágina ana tuta go, ima.’