Tateta 31:6 - Buki Kimaasabaina

⁶ E kunovēgu. Akisamaki ma Dani natuna yoina Oliyavi bogina akinave bei ipaisewa Besaleli taiyao. Guna katanaki topaisewa liliudi bogina avinidi bei tauyadi adi kaipata kaga liliuna alatuuwokoim simadagidi.

Tateta 31:6 ပူးပေါင်းရင်းမြစ်များ

Tateta 28:3

E ava korotova madi nanamsa neta atanaki bogina aavinidi kulatuwokōidi Eroni ana kwama sigilumidi bei kwamayadi pasidi tauyana kimaasabaina, e kina guna nakae ipaaisewa manugu.

Tateta 31:5

Nakae gurewa esaaesaidi adi paisewa be nakae alova ana gínina bogina ana kaipata iguinuwedi.

Tateta 35:10

Komi tokatanaki, liliumi kōma kaga liliuna bogina Yauwe ilovina komadagīdi.

Tateta 35:34

Go Akisamaki ma Dani natuna Oliyavi be nakae Besaleli madi nanamsa. Nanamsayana moe Yauwe nukotodi goi bogina iyato, tauna itoboinedi sivatulúkwana.

Tateta 35:35

Paisewa liliudi adi katanaki bogina ivinidi, tauna itoboinedi gurewa ana gínina be nuwonúwana paisewa manuna, búyala noyanoyaidi buruu, kalaakovidi toidi be kayakayaidi goi be nakae areko dedevidi adi gíluma be wóina dedevina ana paisewa siguinuwedi. Kidi paisewa liliudi siyagoidi be siguinuwedi.’

Tateta 35:4

E tuwaina Isileli tubunao liliudi alatuwokoidi adigo kagu, ‘Ame dogoiyana Yauwe ilovina koguinuwe:

Tateta 36:8

E topaisewa madi katanaki Yauwe ina Kaba Kaiyaka yoyou simadagi. Go ana madágina ame nakae: Areko dedevidi toidi adi badabada yawou be nakae búyala noyanoyaidi buruu, kalaakovidi toidi be nakae kayakayaidi sikabidi, e simadagi. Ikavava, arekoyadi goi makayaudi sigilumidi. Gilumayana ana kaigigita nakae gíluma ana tokatanaki idi paisewa.

Tateta 38:23

Go Besaleliyana ana tovaita moe Akisamaki natuna Oliyavi ma Dani. Go tauyana kainum ana tokatanaki nakae ana tokabitam. Aiyuwoina tauyana gíluma ana tokatanaki moe areko dedevidi be nakae búyala noyanoyaidi buruu, kalaakovidi toidi be kayakayaidi goi.

Tateta 6:26

E ame Eroniyana be nakae yau Mosese boi Yauwe ilatuwokoima kana, ‘Kōna semiyao Isileli tubunao Itipita goi kokabīdi konavēdi go, kidi badabadaaidi dala dala nakae goi sisowóduwo.’

Luke 10:1

E moe guinuwayadi sikavava, Tomoya ina yaidi goi seventitu (72) ikinavedi ina paisewa manuna. Adi taiyuwo adi taiyuwo ietunedi bei sivakumgo sina asa liliudi goi tomota sikatubayasidi Tauyana ina sowóduwo manuna.

Guinuwa 13:2

E tauyadi sisaakululu Tomoya yaina be nakae sidiiyakímwana go, ilatuwokoidi idigo kana, ‘Banabasi be Saulo kokimasabedi yau guna paisewa manuna; paisewayana bogina akawoidi.’

Yemesa 1:5

E avatauwa komi neta nanamsa kokiseeyeseye, Yaubada yaina kokaawanōi. Tauyana Tokaiguyau tomota liliuda yaida go, geya iibolagu. Tauna neta Tauyana yaina kokaawanoi, bei ivinimi.