Tateta 31:15 - Buki Kimaasabaina

¹⁵ Maliyalina ana badabada ainima tayamo goi imi paisewa koguuinuwēdi go, maliyalinayana ainima aiyuwoina moe aba waiwasi, paisewa goi kosayāta; moe kimaasabaina Yau Yauwe umagu. Avatau neta amo maliyalinayana goi ipaisewa, kokaumateyāmo.

Tateta 31:15 ပူးပေါင်းရင်းမြစ်များ

Aba Vatowo 2:2

Tuwo maliyalina ainima tayamoina goi Yaubada ina paisewa ilukavavedi go, maliyalina ainima aiyuwoina ina paisewa madabokina goi iwaiwasi.

Tateta 16:23

Go yau kagu, ‘Geya. Yauwe ilatuwokoida ame nakae: Itomo moe maliyalina aba waiwasi go, aba waiwasiyana moe kimaasabaina Yauwe umana. Kaga latuwomi kokaigabu, ame kokaigābu. Kaga latuwomi kovaipolu, ame kovaipōlu, e kokāika go, kaga ikesa koyāto avami itomo manuna.’

Tateta 16:26

Maliyalina ana badabada ainima tayamo goi kōna imi beredi koseosēo go, maliyalina ainima aiyuwoina moe aba waiwasi, beredi geya.’

Tateta 23:12

Maliyalina ainima tayamo goi koopaisēwa go, maliyalina ainima aiyuwoina goi kowaiwāsi bei imi bulumakauyao be imi aseyao itoboinedi siwaiwasi, nakae imi sibíbina yaimi be nakae ogaoga itoboinedi siwaiwasi.

Tateta 31:14

Maliyalina aba waiwasiyana ana lovina kokabiikaōne. Ame maliyalinayana kimaasabaina yaimi. Avatau neta lovina ame ikapipilave, tauyana kokaumāte. Avatau neta amo maliyalinayana goi paisewa tayamo toito iguinuwe, tauyana geya yau guna boda geya, tauna yaimi goi kolivisīye go, kovatapīye.

Tateta 31:16

Komi Isileli tubunao maliyalina aba waiwasi ana lovina kokabiikaōne tuta liliuna. Maliyalinayana moe yau guna ikaiyako vata yaimi goi. Tauna malamalágata tamo tamo simamaima bei sikabiikaone.

Tateta 31:17

Ame aba kinanayana ikaiyako vata komi be Yau Yauwe yaida. Yau nakae. Maliyalina ainima tayamo goi yábana be poyapoya amadagidi go, maliyalina ainima aiyuwoina goi paisewa asayata bei awaiwasi.’”’

Tateta 34:21

Maliyalina ainima tayamo goi kopaisēwa go, maliyalina ainima aiyuwoina goi kowaiwāsi. Bágula ana tuta be dibayoya ana tuta nakae, maliyalina ainima aiyuwoina goi kowaiwāsi.

Tateta 35:2

Maliyalina ana badabada ainima tayamo goi ida paisewa taguinūwe go, maliyalina ainima aiyuwoina moe aba waiwasi, e paisewa goi tasayāta. Amo maliyalinayana kimaasabaina Yauwe umana. Avatau neta amo maliyalinayana goi ipaisewa, takaumāte.

Tateta 35:3

E nakae maliyalina aba waiwasi ana tuta taabu ida yoyou sinaedi goi yeu tadiimilīdi.’

Luke 13:14

Go kina aba tugugunayana ana tolovina gamona igoyo unana moe Sabati goi Yeisu ikidedevina. Tauna boda ilatuwokoidi idigo kana, ‘Maliyalina ana badabada ainima tayamo sikaaiyaka itoboine bei kita tapaaisewa. Tauna amo maliyalinayadi goi kōma bego ami kidedevina kobabane go, maliyalina tayamo goi taabu kopaaisēwa; maliyalinayana moe Sabati.’

Luke 23:56

E sigite ikavava, sikaluvila idi kasa pauda mainina dedevina be pútuma dedevina sikatubayasidi Yeisu wowona manuna. Ago Sabati goi siwaiwasi nakae Sabati ana lovina idige.

Iberiu 4:9

Tauna kita Yaubada ina bodao ida kaba waiwasi nava ikaaiyaka bei itoboineda tasiu, aba waiwasiyana moe ana uyáwana nakae.