Tateta 3:6 - Buki Kimaasabaina

⁶ Kana, ‘Yau tamam ina Yaubada be nakae tubumowo Eberamo, Aisake be idi Yaubada boi yaigu sisaakululu.’ E tuwo magu matoita maisigu avamou, govila bei Yaubada agite, akámasa.

Tateta 3:6 ပူးပေါင်းရင်းမြစ်များ

Aba Vatowo 12:1

E boi Eberam nava Ura goi ikaaiyaka go, iduduwe idigo kana, ‘Kutāoya, moe im kasayana kwalāve. Osemowo be im bodayauwo nakae tamam ina vada goi kwalavēdi go, kūna asa tayamo bei avatulukoim.

Aba Vatowo 12:7

E amoko goi Yauwe isowóduwo Eberam yaina idigo kana, ‘Eberam, ame asayana bei im boda avinidi.’ Tuwo dídiya ikabidi, ikaudakodako, imadagi Yauwe ana kaba wowoina manuna.

Aba Vatowo 17:3

Tuwo Eberamyana ivatugúyala ikanakabobo go, Yaubada idigo kana,

Aba Vatowo 24:12

Kameri silovinaedi ikavava, pakoninayana ikawanoi Yaubada yaina idigo kana, ‘Yauwe e, kom guna tomoya Eberamo ina Yaubada, akawanoiyem; latuwogu bego tauyana kukubunuwe, e bei ame tuta ana dedevina ababane.

Aba Vatowo 26:24

Amo sabamgo goi Yauwe isowóduwo Aisakeyana yaina idigo kana, ‘Aisake, yau tamam Eberamo ina Yaubada. Taabu kuumatōita. Yau avakiitaum. Bei akaipakuyem be nakae guna pákwana Eberamo pasina im boda akisailidi.’

Aba Vatowo 28:13

Aitamanayana kikina itataoya idigo kana, ‘Yau Yauwe, tubum Eberamo be tamam Aisake idi Yaubada. Moe poyapoyayana goi kuumasisi, kom mam bodao bei avinimi.

Aba Vatowo 28:17

Go tauyana atena iyova gagaina toina, idigo kana, ‘Iyaa! Ame poyapoyayana moitamo aba kateyova gagaina toina! Ame moitamo Yaubada ina vada; nakona yábana ana kaba siu!’

Aba Vatowo 31:42

Neta tamagu Aisake ina Yaubada, Tauyana tokatumatoita be nakae tubugu Eberamo ina Yaubada, geya ivakitauguta, e moitamo kom nakona kuvalilivegu nima kaka. Ago Yaubada guna mou be guna salau bogina igitedi, tauna nuwobuna ibowoim!’

Aba Vatowo 32:9

E ikiwotaidi ikavava, ikawanoi Yaubada yaina, idigo kana, ‘Tubugu Eberamo be tamagu Aisake idi Yaubada, kunovēgu. , boi kom kulatuwokoigu kam, “Kwaluvīla kūna im kasa be nakae osemowo yaidi, e bei ayabobonem.”

Tateta 15:2

kina guna Tokitogaga; moe Tauyana aavesiye. Tauyana imalatoyava yaigu. Ame Tauyana guna Yaubada, bei ayapaliye. Tauyana tamagu ina Yaubada, bei yoina akilagasi.

Tateta 29:45

Bei akaaiyaka Isileli tubunao yaimi. Yau bei imi Yaubada.

Tateta 3:16

Tauna kūna Itipita goi go, Isileli tubunao idi tomoyamoyayao kududuwēdi sima kulatuwokōidi kam, “Kina Yauwe tubudao idi Yaubada, moe Eberamo, Aisake be Yakobo idi Yaubada isowóduwo yaigu idigo kana, ‘Bogina avadademi, tuwo bogina ayagoi kaga isowóduwo yaimi Itipita goi, tauna bei aguinuwa.

Tateta 33:20

Tuwaina kana, ‘Geya itoboinemta maisigu kugite. Geya kada tayaamo tomota itoboine igitegu geya, govila bei ikámasa.’

Tateta 4:5

Yauwe idigo kana, ‘Moe nakae kuguinūwe bei sinumisa bego Yau Yauwe, tubumiyao Eberamo, Aisake be idi Yaubada bogina asowóduwo yaim.’

Madiu 17:6

Niyanayana ina sinove, madi matoita sikanakabobo.

Madiu 22:32

“Yau tubumowo Eberamo, Aisake be Yakobo idi Yaubada.” Tateta 3:6 Yaubada kina geya kada tokámasa idi Yaubada geya, go sem tauyadi maa yawoidi idi Yaubada. Moeko goi taayagoi bego tokámasa sitaoyamna.’

Maki 12:26

Ego tokámasa adi kaitaoya manuna, Mosese ina buki goi tauyana tetelina ikaaiyaka go, manakae? Geya kokatuyaiviyeta ae? Boi ikaaiyaka go, yeu taliboibo sinaena Yaubada isowóduwo Mosese ilatuwoko idigo kana, “Yau tubumowo Eberamo, Aisake be Yakobo idi Yaubada.” Tateta 3:6

Luke 20:37

Go tokámasa adi kaitaoya manuna, moe Mosese bogina ikaiwoduwe yaimi taliboibo igabugabu tetelina goi. Tutayana taliboiboyana kikina ikaaiyaka, kidi Eberamo, Aisake be Yakobo bogina sikámasa go, tuwo nava Moseseyana ivayoko kidi idi Yaubada kana, “Eberamo, Aisake be Yakobo idi Yaubada.” Tateta 3:6,15

Luke 5:8

E Saimoni Pita igite kaga iisowóduwo, tuwo Yeisu matana goi aena ivatugúyala idigo kana, ‘Tomoya, yau koroto toogoyoigu, tauna kwalavēgu.’

Guinuwa 7:32

“Yau tubumowo Eberamo, Aisake be Yakobo idi Yaubada.” Tateta 3:6 E Moseseyana mana matoita wowona simalitatátava, tauna geya ina katepatumo, tuwo geya itoboineyeta taliboiboiyana igite.

Guinuwa 7:34

Guna bodao Itipita goi idi kaiyakomou moitamo bogina agitedoko be idi taiyaduduwo bogina anove, tauna asou ama bei ayavedi. Tateta 3:7-8 Tuwo tuta ame goi kom aetunem kuna Itipita.” Tateta 3:10

Iberiu 11:16

Go nakae geya siguinuweyeta. E kidi latuwodi asa ituli, asayana moe yábana, e toinidi idi kasa idedevinasave. Tauna Yaubada geya iomaemaedita neta siduduwe kadi, ‘Kom ima Yaubada.’ Moe moitamo unana idi kasa bogina ikatubayasi, tauna tayagoi geya iomaemaedita.

Iberiu 12:21

Dogoiyana koya goi isowóduwo moe aba matoita gagaina toina, tuwo Mosese nakae idigo kana, ‘Yau matoita ivakayaodeigu; bogina amalitatátava.’

Nuwogau 1:17

Tutayana Tauyana agite, aena goi akanakabobo yau kaamasigu nakae. Go nimakakataina goi ibisikonegu idigo kana, ‘Taabu kuumatōita. Yau Totukumgo be Totumliya.