Tateta 3:17 - Buki Kimaasabaina

¹⁷ Tauna akatótula bei da Itipita idi yogedageda goi akabimi go, anavemi poyapoya maliina be lobooinina goi. Poyapoyayana moe kidi Kenani tubunao, Eta tubunao, Emori tubunao, Perisi tubunao, Ivai tubunao be Yavusi tubunao idi kasa.’”

Tateta 3:17 ပူးပေါင်းရင်းမြစ်များ

Aba Vatowo 46:4

Yau bei avakitaum tutayana kusou kuna Itipita goi. Go niga bei tubumowo akaluvilemneidi poyapoya ame goi sikaiyaka. E kina go natum Iyosepa im tuta ámasa goi bei ikaaiyaka yaim, e bei itoboine matam itapopoli.’

Aba Vatowo 50:24

E Iyosepa senao ilatuwokoidi kana, ‘Giyakainava bei akámasa go, Yaubada bei iwo ivaitemi. Tubumiyao bei ikabidi, inavedi poyapoyayana boi ikaatotule Eberamo, Aisake be yaidi.’

Aba Vatowo 50:25

Iyosepa ibobwaramna idigo kana, ‘Moitamo Yaubada bei iwo ivaitemi go, ame tuta kokatótula yaigu bego tutayana Yaubada ikabimi, e lulugu kokabīdi konavēdi Kenani goi kovaliwogēdi.’ Senaoyadi moitamo sikatótula.

Tateta 13:5

E Yauwe bei inaveda kidi Kenani tubunao, Eta tubunao, Emori tubunao, Ivai tubunao be nakae Yavusi tubunao idi poyapoya goi. Boi tubudao yaidi Yauwe ikatotule bego ivinidi. Poyapoyayana maliina be lobooinina. E tutayana inaveda tana poyapoyayana goi, tala tamo tamo tukówana ame Abib goi ame tapwaroro ana sinapuyana taguuinūwe.

Tateta 32:34

Tuwo ame tuta kūna tomotayadi kuvakedēdi nako goi bogina alatuwokoim. Go kunōve. Guna bei ivakumgoiyem. Go liuna ana maliyalina goi bei idi bágala pasina aliunedi.’

Tateta 33:3

Poyapoyayana maliina be lobooinina, tuwo komi kōna amoko goi go, yau maisigu bei avamoukoimi kutoto taiyami tuntunidi. Tauna geya awoita, govila bei enao goi akaumatematemi. Moe pasina guna aneroseyana bei ivakumgoiyemi.’

Tateta 6:6

Tauna semowo Isileli tubunao kulatuwokōidi kam, “Yau Yauwe. Da Itipita idi kogúyala moumouna goi bei ayavemi. Ami pákwana goi bei ataligeimi be nakae nimagu toogagaina bei ayosale bei guna liuna gagaidi avinidi go, komi bei atatetemi.