Tateta 3:15 - Buki Kimaasabaina

¹⁵ Tuwaina Yaubada idigo kana, ‘Isileli tubunao kulatuwokōidi ame nakae: Kam, “Yauwe, Tauyana tubudao Eberamo, Aisake be Yakobo idi Yaubada, ietunegu ama yaimi.” E ame yoiguyana ikaiyako vata. Nakae ame youyana goi malamalágata tamo tamo bei sinuwokavategu.

Tateta 3:15 ပူးပေါင်းရင်းမြစ်များ

Aba Vatowo 24:12

Kameri silovinaedi ikavava, pakoninayana ikawanoi Yaubada yaina idigo kana, ‘Yauwe e, kom guna tomoya Eberamo ina Yaubada, akawanoiyem; latuwogu bego tauyana kukubunuwe, e bei ame tuta ana dedevina ababane.

Tateta 15:2

kina guna Tokitogaga; moe Tauyana aavesiye. Tauyana imalatoyava yaigu. Ame Tauyana guna Yaubada, bei ayapaliye. Tauyana tamagu ina Yaubada, bei yoina akilagasi.

Tateta 15:3

Yauwe kina tovayaviya tayamo. Tauyana yoina Yauwe.

Tateta 3:13

Go yau adigo kagu, ‘Go neta ana osegowo alatuwokoidi kagu, “Tubudao idi Yaubada ietunegu ama yaimi” go, neta kidi kadi, “Go Tauyana yoina manakoyoina?” e yau bei manakaegu akatumapu?’

Tateta 3:6

Kana, ‘Yau tamam ina Yaubada be nakae tubumowo Eberamo, Aisake be idi Yaubada boi yaigu sisaakululu.’ E tuwo magu matoita maisigu avamou, govila bei Yaubada agite, akámasa.

Tateta 4:1

Go yau adigo kagu, ‘Go kunōve! Manakae neta geya sinumiseguta be sopagu geya sikabikaoneyeta? Nakae bei sidigo kadi, “Moe geya isowoduwoita yaim.” Neta nakae, bei manakaegu?’

Tateta 4:5

Yauwe idigo kana, ‘Moe nakae kuguinūwe bei sinumisa bego Yau Yauwe, tubumiyao Eberamo, Aisake be idi Yaubada bogina asowóduwo yaim.’

Tateta 6:2

E tuwaina idigo kana, ‘Yau Yauwe.

Madiu 22:32

“Yau tubumowo Eberamo, Aisake be Yakobo idi Yaubada.” Tateta 3:6 Yaubada kina geya kada tokámasa idi Yaubada geya, go sem tauyadi maa yawoidi idi Yaubada. Moeko goi taayagoi bego tokámasa sitaoyamna.’

Guinuwa 3:13

Moe nakae geya, go sem Yeisu yoina goi ame topemyana togaga ibabane. Ame nakae: Eberamo, Aisake, Yakobo be nakae tubudao idi Yaubada ina kitom moe Yeisu. E ina togaga ana Yeisuyana goi ivagitakoe. Go ame Yeisuyana komi boi bogina Pailato nimana goi koyato be nakae Pailatoyana matana goi kolawoiwoiye go, bogina itagona Yeisu italigei!

Guinuwa 7:32

“Yau tubumowo Eberamo, Aisake be Yakobo idi Yaubada.” Tateta 3:6 E Moseseyana mana matoita wowona simalitatátava, tauna geya ina katepatumo, tuwo geya itoboineyeta taliboiboiyana igite.

Iberiu 11:16

Go nakae geya siguinuweyeta. E kidi latuwodi asa ituli, asayana moe yábana, e toinidi idi kasa idedevinasave. Tauna Yaubada geya iomaemaedita neta siduduwe kadi, ‘Kom ima Yaubada.’ Moe moitamo unana idi kasa bogina ikatubayasi, tauna tayagoi geya iomaemaedita.

Iberiu 13:8

Ame idi numisayana: ikaaiyaka nakae nakae boi nimatu, ame tuta be nakae tuta simamaima.