Tateta 29:18 - Buki Kimaasabaina

¹⁸ Kuyatoidi ikavava, sipi talainaoyadi kugabūdi be kuvakasavēdi. Moe sikasale Yau yaigu. Tutayana kugabu, aubowoina ituko ima mainina dedevina anove, ivauyaonegu.

Tateta 29:18 ပူးပေါင်းရင်းမြစ်များ

Aba Vatowo 22:13

Ibóbwara ikavava, Eberamo imatavilavila, e mlina goi sipi bolamo igite ina dágula taliboibo ikatupaipaimidi. Igite, ibala ina iyoisi ime, natuna Aisake ana katumapu. E tuwo sipiyana ikaumate go, ikailagasi aba kasala yatana. Ikailagasi ikavava, yeu idimili, sipiyana igabu ivakasave, Yaubada yaina ikasale go, kina Aisakeyana idedevina.

Aba Vatowo 22:2

‘Natum Aisake, tauyana natum kaakesaina kumataakoiye, e kwābi kunāve asa Moriya goi. Koya tayamo bei avatulukoim, e maeko goi natum kukasāle yau yaigu ame nakae: Tauyana kwaumāte go, wowona kugābu kuvakasāve yau yaigu’, Yaubada kaena.

Aba Vatowo 22:7

Aisake idigo kana, ‘Tamagu.’ ‘U, manakae natugu?’ Tamana kaena. E Aisakeyana idigo kana, ‘Ida yeu be ida kalova goamedi go, ida vininabeso aigábuna manuna nako?’

Aba Vatowo 8:20

E Nowa dídiya ikaudakodako, ana wowoina manuna. Iwodugu ikavava, yoguyogu taagonaidi ituli ituli be mánuwo taagonaidi ituli ituli maniyedi ikabidi, aba kasalayana yatana goi ikailagasidi igabudi ivakasavedi. Moe ina vininabeso ikasale Yauwe yaina.

Aba Vatowo 8:21

E yoguyogu aiigabudi mainidi dedevina ituko ina Yauwe yaina, e maininayana inove dedevina toina, ivauyaone go, toinina inuwonúwana kana, ‘Tomota idi yalagau nuwodi goi sigoyo adi bíbina kunu goi go, tuwo tomotayadi idi guinuwa pasidi geya tuwaina bei poyapoya abugoyai. Nakae geya tuwaina bei kaga liliuna maa yawoidi amtulidi nakae ame bogina aguinuwe.

Tateta 29:17

Go sipiyana moe kupilūmi. Ikavava, talainao liliudi be kaga liliuna posinae sinaena be nakae aena kunikīdi. Ikavava, talainao be bulubuluna yatadi goi kuyatōidi.

Tateta 29:25

Ikavava, dogoiyadi kwabimnēidi, sipi bolamo vakuumgoina aba kasala goi, e yatana kuyatōidi, kugabūdi kuvakasavēdi. E tutayana aubowoina ituko ima, Yau Yauwe mainina dedevina anove bei ivauyaonegu.

Maki 12:33

Aiyuwoina tauyana kana, “Tauyana komataakoīye atemi madabokinakova goi be imi nuwonúwana madabokinakova goi be imi togaga madabokinakova goi.” Atukeda 6:5 Nakae kana, “Siyami komataakoīye nakae toinimi komatakooiyemi.” Vininabeso 19:18 Vininabeso yoguyogu sivakaasavedi adi kasala be nakae yoguyogu sikauumatedi adi kasala liliudi Yaubada yaina dedevidi go, ame lovinayadi aiyuwo sikalisavedi.’

Epeso 5:2

Ame nakae: Mami imatakoiyeda be toinina yawoina ikasale ámasa goi kita ada katumapu. Moe vininabeso mainina dedevina nakae Yaubada inove ivauyaone.

Pilipai 4:18

E imi yabobonayana Epapirodito ime madabokina bogina ababane, tauna yau yaigu goi ilausiwosiwo, bogina yoiyagu. Imi yabobonayana moe vininabeso aiigabuna nakae. E mainina dedevina, tuwo Yaubada inove nuwona ikabi, e iuyaone.