Tateta 23:21 - Buki Kimaasabaina

²¹ Ami dodókana Tauyana niyana konōve. Taabu sopana kokapiipilāve. Bogina koyagoi. Imi kapipilovayana bei geya inuwotaoidita. Yau akaaiyaka tauyana yaina, tauna tauyana guna katumapu nakae.

Tateta 23:21 ပူးပေါင်းရင်းမြစ်များ

Tateta 3:14

Yaubada idigo kana, ‘Yau Tauyagu Aiiyakoigu. E tomotayadi ame nakae kulatuwokōidi kam, “Tauyana toinina ivayou kana, ‘Yau Tauyagu’, e amo Tauyana ietunegu ama yaimi.”’

Tateta 32:34

Tuwo ame tuta kūna tomotayadi kuvakedēdi nako goi bogina alatuwokoim. Go kunōve. Guna bei ivakumgoiyem. Go liuna ana maliyalina goi bei idi bágala pasina aliunedi.’

Tateta 6:3

Tutayana boi toinigu akaiwoduwegu Eberamo be Aisake be go, yoigu Yauwe, moe geya avatulukoidita.

Madiu 1:23

‘Kunōve! Woiyai geya ana kanaotamo bei ikéuwama, niga natuna koroto bei ivenatuni. Go yoina bei sivayou Imanuweli.’ Aiseya 7:14 Youyana ana kaigavila moe Yaubada kita taiyao.

Madiu 17:5

Pita nava ibobóbwara go, gaota maavadaina iumaidi. Ago gaotayana goi níyana tayamo sinove idigo kana, ‘Ame Natugu, guna kakaya, auyaonedoko. Tauyana konōve!’

Iyoni 10:30

Yau ma Tamagu kaspwagógana tayamo.’

Iyoni 10:38

Go moitamo Tauyana ina guinuwa aguuinuwedi, tauna nakona guna livala pasina geya konumiseguta, moe tuwo, go sem guna guinuwa pasidi konumisēgu bego kokinane be nakae koyagoi yaigu goi Tamagu ikaaiyaka nakae Tauyana yaina goi yau akaaiyaka.’

Iyoni 5:23

bego tomota liliudi siwowoine nakae Tamana bogina siwowoine. Avatauwa neta Natuna geya siwowoineyeta, e nakae ina Toetuna, moe Tamana, geya siwowoineyeta.

Epeso 4:30

Taabu imi guinuwa goi Yaubada Balomaina Kimaasabaina kokitaaitaīye. Balomayana moe Yaubada ina kaba kinana yaida goi bego kita Yaubada ina bodao tateta ana tuta manuna.

Kolose 2:9

Guna nuwonúwana ame nakae: Guyau wowona goi Yaubada aderina madabokiina ikaaiyaka go,

Iberiu 12:25

Ami dodōkana Tauyana ame tuta ivaadigoida niyana taabu kokapiipilāve. Neta poyapoya goi boi Isileli tubunao Yaubada ina livala sikatae go, geya itoboinedita adi liuna goi sisiya, e kita manakaeda neta Yaubada yábana goi ina livala ikaiwoduwe yaida go, Tauyana tatugavile? Bei ina liuna goi tasiya gea geya? Geya ae?

Iberiu 3:16

Moitamo taabu kodaabakāsa. Avatauwa yoyowo goi boi Yaubada sinove go, sopana sikapipilave? Tubumiyao maniyedi? Geya, go sem madabokiidi Mosese boi ivakededi Itipita goi sisowóduwo.

1 Iyoni 5:16

Tuwo neta siyami kogite goyo tayamo iguuinuwe go, goyoyana pasina Yaubada bei geya ilivisiyevataeyeta, kokawanōi tauyana manuna go, Yaubada bei iyolime. Go goyo tayamo ikaaiyaka neta taguinuwe, e Yaubada bei ilivisiyeda. Avatauwa yaida goi neta goyoyana iguuinuwe, e tauyana manuna taabu kokaawanōi.

Nuwogau 1:8

‘Yau Alipa be Omega’, Yauwe Yaubada kaena. Tauyana Tokaiyako vata: Ame ikaaiyaka, boi nimatu ikaaiyaka go, tuta simamaima nakae nava bei ikaaiyaka. Tauyana Tokalika.

Nuwogau 2:23

Vavinayana natunao bei akaumatedi go, Tomoya ana totugugunayao madabokidi bei siyagoigu bego yau tomota liliudi nuwodi be atedi ayaagoidi. Go madabokimi nakonakae imi guinuwa, nakona dedevidi o nakona goyogoyoidi, nakae bei akatumapumi.

Nuwogau 2:8

Tuwaina Tauyana idigo kana, ‘Anerose aiyuwoina Tomoya ana totugugunayao Simona goi imatakaavatedi ana leta totugugunayadi manudi kugīni kam, “Yau Yeisu Totukumgo be Totumliya, boi akámasa go, ame tuta maa yawoigu. Ame nakae alatuwokoimi:

Nuwogau 3:7

Tuwaina Tauyana idigo kana, ‘Anerose ainima tayamo Tomoya ana totugugunayao Piladelipiya goi imatakaavatedi ana leta totugugunayadi manudi kugīni kam, “Yau Yeisu . Yau tubugu Devida ina ki nimagu goi ayoyoisi. Neta totom akatupáeve, geya vatau tayaamo itoboine bei ikatunibode, e nakae neta akatunibode, geya vatau tayaamo ikatupáeve. E ame nakae alatuwokoimi: