Tateta 2:23 - Buki Kimaasabaina

²³ E tala maanawena Midiyani goi akaaiyaka go, amo talayadi mlidi da Itipita adi tolovina ikámasa go, tuwo segowo idi kogúyala moumouna pasina sikalayawoi be nakae sitaiyaduduwo vaita manuna. Idi taiyaduduwoyana ituko ina Yaubada yaina goi,

Tateta 2:23 ပူးပေါင်းရင်းမြစ်များ

Aba Vatowo 16:11

Tuwaina idigo kana, ‘Ame tutayana kukéuwama gobe kuvenátuna, natum koroto. Yauwe im kaiyakomou bogina igite, tauna natumyana bei kuvayou Isimaeli.

Aba Vatowo 4:10

Go kina Yauwe idigo kana, ‘Moe kaga kuguinuwe! Kunōve! Siyam ikaikaina tomota nakae poyapoya goi itaiyaduduwo yau yaigu. Latuwona im kaumata pasina yau akatumapum.

Tateta 1:14

Paisewa moumouna sivinidi, tauna sikaiyako mou. Idi kaiyakomouyana ame nakae: Vaega be limou taiyao sipopolidi sigabudi simalagurewa nakae, e idi vada siyowóidi be nakae idi tánuwo goi sipaisewa. Paisewa liliunakova goi da Itipita geya idi nuwokapisimo Isileli tubunao sipakoidi sikogúyala gagaina toina.

Tateta 4:19

E Midiyani goi Yauwe ilatuwokoigu idigo kana, ‘Kutāoya kwaluvīla kūna Itipita. Korotoyadi boi bego sikauumatem bogina sikamasa kówasa.’

Tateta 6:5

Yau bogina Isileli tubunao idi kalayawoi anove. Idi kalayawoiyana unana da Itipita yaidi goi anuwokavate.

Tateta 6:9

E tuwo ataoya, ana Isileli tubunao nakae alatuwokoidi go, wowodi sikaliwoya be adi kogúyala ivakaigaga, tauna sopagu geya sikabikaoneyeta.

Tateta 7:7

Ego tutayana yau guna tala ana badabada bogina eiti (80) go, Eroni ana tala ana badabada eititiri (83), e kana Pero yaina kabóbwara.

Guinuwa 7:30

Tala poti (40) mlidi tauyana Sainai koyaina yoyowo goi iiketoiya go, tayamo yeu sabeninimina goi isowóduwo yaina. Yeuyana taliboibo sinaena goi ininínima.

Yemesa 5:4

Konōve! Imi tánuwo adi topaisewa bogina kovaaobudi, e adi maisa kovagagaledi, tauna idi táiya italavaitemi Yaubada yaina imi goyo manuna. Nakae imi todibayoyayao idi táiya bogina inove.