Tateta 19:3 - Buki Kimaasabaina

³ E koyayana atuko ana Yaubada yaina. Tauyana koya yatana goi itumasobu yaigu idigo kana, ‘ ina bodao, moe Isileli tubunao, kulatuwokōidi ame nakae,

Tateta 19:3 ပူးပေါင်းရင်းမြစ်များ

Tateta 19:20

E tutayana Yauwe isou ima Sainai Koyaina yatana goi, iduduwegu idigo kana, ‘Kutūko kūma koya yatana.’ Tuwo atuko.

Tateta 20:21

Tuwo tomotayadi masigava goi siitaoya go, yau ana gaota kalaabadaina kikina goi ataoya. Gaotayana sinaena moe Yaubada ikaaiyaka.

Tateta 24:12

E Yauwe ilatuwokoigu idigo kana, ‘Kutūko kūma yaigu koya yatana goi kwaiyāka, gurewa paaevaidi bei avinim. Gurewayadi goi guna Katukeda be guna lovina bogina aginidi. Kom kwabīdi tomota kuvatulukōidi.’

Tateta 24:13

Tuwo guna tovaita Iyosuwa akabi go, mainao tomoyamoyayadi alatuwokoidi adigo kagu, ‘Ameko goi kotuyaosīma ana kadókana kakaluvilamna kama. Go konōve. Eroni be Kure sikaaiyaka komi taiyao. Neta tomota sikaumakimaki, e sinokoidi bei idi kaumakimakiyadi sikitototoidi.’ Alatuwokoidi ikavava, ataoya Iyosuwa taiyao kana Yaubada ina koya goi katuko. Giyaina katukokova, e Iyosuwa akalave go, yau aguta atuko.

Tateta 3:12

Go kina Yaubada idigo kana, ‘ bei avakitaum go! Aba kinana avinim bei kuyagoi bego moitamo yau aetunem. Aba kinanayana ame nakae: Tutayana semowo Isileli tubunao Itipita goi kumedi, e ame koyayana goi bei kosakululu yau imi Yaubada yaigu.’

Tateta 3:4

E Yauwe igitegu bego abala ana taliboibo agite, tuwo taliboiboyana sinaena goi iduduwegu idigo kana, ‘Mosese, Mosese!’ ‘U. Amegu’, kaegu.

Tateta 34:2

Go kwatubayāsi bei itomo nobuyana Sainai Koyaina goi kutūko kūma bei koyayana yatana goi kuvalobodegu.

Tateta 34:4

Tuwo moitamo, ana gurewa aiyuwo akabidi amadagidi paaevaidi boi gurewayadi nakae. Ikavava, vanuwo itomo nobuyana giyaina ataoya, e gurewayadi aiyuwo nimagu goi akavaledi Sainai Koyaina goi atuko nakae Yauwe bogina ilatuwokoigu.

Guinuwa 7:38

Ame Moseseyana Isileli tubunao yoyowo goi taiyao situgúguna go, anerose Sainai koyaina goi tauyana ivadigo. Inove, e aneroseyana ina livala ikabivalevaledi, tubudao ivatulukoidi. Ame livalayadi moe Yaubada ina livala yáwana manuna Mosese ivini, e sima kita yaida.