Tateta 14:13 - Buki Kimaasabaina

¹³ E yau adigo kagu, ‘Taabu koomatōita! Kotaoyakavāta bei ame Yauwe ina yava kogite iguinuwe manuda. Moitamo. Da Itipita ame tuta koogitedi geya tuwaina bei kogitemneidi.

Tateta 14:13 ပူးပေါင်းရင်းမြစ်များ

Aba Vatowo 15:1

E amo dogoiyadi sikavava, Eberam ina livala ima idigo kana, ‘Eberam, taabu kuumatōita. Yau am lowo bei amatakavatem be nakae am tovaiwówana, e am vaiwówana gagaina toina bei avinim.’

Aba Vatowo 26:24

Amo sabamgo goi Yauwe isowóduwo Aisakeyana yaina idigo kana, ‘Aisake, yau tamam Eberamo ina Yaubada. Taabu kuumatōita. Yau avakiitaum. Bei akaipakuyem be nakae guna pákwana Eberamo pasina im boda akisailidi.’

Aba Vatowo 46:3

E Yaubada idigo kana, ‘Yau Yaubada. Yau yaigu tamam boi isaakululu. Taabu kuumatōita bego kusou kuna Itipita goi. Moitamo. Amoko goi bei akisailim, e bei tubumowo boda tayamo gagaina.

Aba Vatowo 49:18

E Yakobo ikawanoi idigo kana, ‘, im yava atuuyaosi!’

Tateta 14:30

E ame maliyalinayana goi Yauwe kai Isileli tubunao iyavema da Itipita nimadi goi. E kakandoiwo da Itipita kaamasidi kagitedi labutabuta ilavadevadedi.

Tateta 20:20

Go yau adigo kagu, ‘Taabu koomatōita! Yaubada ima bego Tauyana koyagoidoko, e bei kowowoinevatae be nakae goyo geya koguinuweyeta.’

Madiu 28:5

E vevinayadi adi taiyuwo sina tukubu goi, e aneroseyana ilatuwokoidi idigo kana, ‘Taabu koomatōita! Bogina ayagoi Yeisu tupaatukoina koolusale.