Tateta 14:12 - Buki Kimaasabaina

¹² Boi Itipita goi nakae kalatuwokoim kadigo kama, “Kwalavēma ameko goi bei kai da Itipita idi pakonayao kapaisewa manudi.” Neta kai tauyadi idi pakonayao moe dedevina yaima namlieta ameko yoyowo goi kakamasa beso!’

Tateta 14:12 ပူးပေါင်းရင်းမြစ်များ

Tateta 13:17

E tutayana tomotayama kina Pero italigeima, e Yaubada ivakedema kana go, geya da Palisiti idi kenao goi geya. Ame yomana go, ina nuwonúwana kana, ‘Govila bei yaviya sibabane, e simatoita. Novala bei nuwodi sikatuvilavila go, sikaluvila sina Itipita.’

Tateta 3:9

Gwa! Kunovēgu. Semowo idi taiyaduduwo bogina ima yaigu, e bogina anove be nakae bogina agite da Itipita manakaedi siyogedegededi gagaina.

Tateta 5:21

Sikatubolatema sidigo kadi, ‘Yauwe bei igitemi itakinoimi komi toogoyoimi! Komi pasimi Pero be nakae ina pakonayao taiyao sigiteda sikalagiwoleda. Imi guinuwayana sisi nakae bogina kovini bei sisiyana goi sikaumateda.’

Tateta 6:9

E tuwo ataoya, ana Isileli tubunao nakae alatuwokoidi go, wowodi sikaliwoya be adi kogúyala ivakaigaga, tauna sopagu geya sikabikaoneyeta.

Iyona 4:3

E tauna Yauwe, yawoigu kukabiyāmo unana ámasa dedevina yaigu go, ma yawoigu yaigu geya idedevineta. Tauna yawoigu kukābi.’

Iyona 4:8

Niga go níyala ituko, Yaubada yágira bomatu yaviyavina ietune ina Iyona yaina goi. Tuwo níyala Iyonayana dabana ivayavisi gagaina, e imataginigini nakae latuwona ikámasa. Tuwo tauyana mana egamogamogu idigo kana, ‘Ámasa dedevina yaigu go, ma yawoigu yaigu geya idedevineta.’

Maki 1:24

‘Yeisu guma Nasareta, yau guna polava moe geya kom im polava. Manakae? Kuma bei kai kumtulima ae? Kom taum bogina ayagoim. Kom , Yaubada goi kuma.’

Maki 5:7

Ivaatugúyala go, kina Yeisu ilatuwoko idigo kana, ‘Kom , koroto ame goi kusowōduwo!’ Nakae ibobóbwara go, dimoniyana niyana gagaina goi ipodeda, idigo kana, ‘Yeisu, kom Yaubada Tokanayatanatoina Natuna, yau guna polava moe geya kom im polava geya. Tuwo! Yaubada yoina goi akawanoi yaim bego geya kuyogedegedeguta!’