Tateta 13:3 - Buki Kimaasabaina

³ E ana tomotayadi alatuwokoidi adigo kagu, ‘Maliyalina ame tanuwokavāte. Ame Itipita goi tasowóduwo. Boi komi da Itipita idi taabu takakāika.

Tateta 13:3 ပူးပေါင်းရင်းမြစ်များ

Aba Vatowo 15:16

E kidi go im bodaoyadi, e tala poa andedi (400) sikavava, bei sikaluvilamna sima ameko goi go, mainao sieogaoga ituli ta kasa goi. Moitamo. Kidi Emori tubunao ameko goi sikaaiyaka ana kadókana idi goyo nakae itoboinedi adi liuna sibabane namlieta bei avatapiyedi.’

Tateta 12:15

Maliyalina ana badabada ainima aiyuwo goi mana isti ikakáika amo maliyalina ainima aiyuwo goi, e tauyana komi Isileli tubunao yaimi goi kolivisīye.

Tateta 12:17

dala goi akabimi Itipita goi anavemi. Ame lovinayana ikaiyako vata yaimi, tauna malamalágata tamo tamo simamaima bei siiwodugu.

Tateta 12:19

Maliyalinayadi ainima aiyuwo goi isti taabu ikaaiyāka imi vada sinaedi. Avatau neta beredi mana isti ikáika, e tauyana komi Isileli tubunao liliumi yaimi goi kolivisīye. Nakae koguinūwe neta tauyana ogaoga yaimi o neta ibíbina yaimi.

Tateta 12:2

‘Tukówana ame moe tukówana liliudi adi kaba vatowo komi manumi, nakae ame tukowanayana moe imi tala ana kaba vatowo.

Tateta 12:41

Tala poa andedi teti (430) ana maliyalina ana kaba lukavava goi Yauwe ina bodao madabokiima Itipita goi kasowóduwo.

Tateta 12:42

Ego amo sabamgoyana goi Yauwe imatakaavatema, e Itipita goi imema, tauna liliuma itoboinema sabamgoyana tala tamo tamo goi kakimasabe Yauwe umana be kanuwokavate manakaena imatakavatema malamalágata ame be nakae malamalágata simamaima yaidi nakae.

Tateta 12:8

Ikavava, lami iwoidi kogabūdi, e amo sabamgoyana goi kokāika go, be pai tamatamaina taiyao kogōbe.

Tateta 13:14

E tutayana natudao silumadadeda kadi, “Moe sinapuyana kaga ana yagoina?” e kita kada, “Boi Itipita goi kai da Itipita idi pakonayao go, Yauwe ina togaga gagaina goi ikabima, Itipita goi imema.

Tateta 13:9

Ame sinapuyana aba kinana tayamo o aba nuwokavata tayamo yaida nimada goi o dabada goi tasiko bego Yauwe ina Katukeda sopada goi ikaaiyaka. Aba nuwokavatayana pasina Yauwe nimana toogagaina goi ikabida be Itipita goi imeda bei konuwokavāte.

Tateta 20:2

‘Yau go, yau ataligeimi.

Tateta 20:8

Maliyalina aba waiwasi konuwookavāte, nakae kokimasābe umagu.

Tateta 23:15

Aikayana vakuumgoina moe kokakāika tukówana Abib goi nakae bogina alatuwokoimi. Amo tukowanayana sinaena Itipita goi kosowóduwo. Go taabu nima kaka komamāima matagu goi, go sem mami vininabeso kōma kosakulūlu yau yaigu.

Tateta 3:20

Tuwo yau nimagu bei abisisobu, guna guinuwa aba kainaopa liliudi aguuinuwedi da Itipita toinidi idi kasa goi go, aba kainaopayadi goi bei asapidi. Asapidi ikavava, tauyana bei italigeimi kosowóduwo.

Tateta 34:18

kokakāika tukówana Abib nakae bogina alatuwokoimi. Moe tukowanayana sinaena Itipita goi kosowóduwo.

Tateta 6:1

Go kina ilatuwokoigu idigo kana, ‘Ame tuta bei kugite manakaegu aguinuwa ivalilivemi kona. Ina kaba lovina goi bei ivatapiyemi!’

Tateta 6:6

Tauna semowo Isileli tubunao kulatuwokōidi kam, “Yau Yauwe. Da Itipita idi kogúyala moumouna goi bei ayavemi. Ami pákwana goi bei ataligeimi be nakae nimagu toogagaina bei ayosale bei guna liuna gagaidi avinidi go, komi bei atatetemi.

Tateta 6:7

Bei akinavemi komi guna bodao go, yau imi Yaubada. Bei koyagoigu Yau Yauwe imi Yaubada, da Itipita idi kogúyala moumoudi goi bei ayavemi

Tateta 7:4

Go Pero bei geya inovemta. Tuwo nimagu toogagaina bei abisisobu mou gagaidi ayatoidi da Itipita yaidi, nakae guna guinuwa aba takínona aguinuwedi yaidi, namlieta baige komi guna bodao Isileli tubunao badabadaaimi Itipita goi akabimi anavemi go, dala nakae goi kosowóduwo.

Madiu 10:12

E vadayana goi kosiusiu mainao toni vada mana bodao yaidi kokauyāgu.

Luke 22:19

Sinim ikavava, ikabi, manuna ikauyagu Yaubada yaina. Ikavava, ikivisi, ina tovatotowanayao ivinidi idigo kana, ‘Moe wowogu nakae aakasale komi manumi. Moe tuta liliuna kokakāika bei konuwokaavategu.’

1 Korinta 11:24

manuna ikauyagu Yaubada yaina namlieta ikivisi. Ikivisi ikavava, ina ivinidi go, idigo kana, ‘Moe wowogu nakae akasale komi manumi. Moe tuta liliuna kokakāika bei konuwokaavategu.’

1 Korinta 5:8

Tauna aikayana mada uyáwana taguinūwe go, geya kada isti bogo goi nakae goyo istina goi geya, go sem goi aikayana takāika. Berediyana moe sinapu maavadaina nakae mooitamoina.

Epeso 1:19

Aitonina bei koyagoi Tauyana ina togaga ana kakainaki moe ivakaigaga toina kita tonumisa yaida. Amo togagayana tagite tutayana ina paisewa myana goi ivagitakoe.