Tateta 13:19 - Buki Kimaasabaina

¹⁹ E yau ana Iyosepa luluna akabi anave. Boi Iyosepa natunao ilatuwokoidi kana, ‘Moitamo Yaubada bei iwo ivaitemi go, ame tuta kokatōtula yaigu bego tutayana Yaubada ikabimi, e lulugu kokabidi konavedi Kenani goi kovaliwogedi.’

Tateta 13:19 ပူးပေါင်းရင်းမြစ်များ

Aba Vatowo 48:21

E Isileli Iyosepa ilatuwoko idigo kana, ‘Iyosepa kunōve. Giyakainava bei akámasa go, Yaubada bei ivakitaum. Tubumowo bei ikaluvilemneidi sina tubudao idi kasa goi.

Tateta 4:31

Isileli tubunaoyadi sikabikáwana. Tutayana sinove bego Yauwe bogina ivadadedi nakae idi kaiyakomou bogina igite, e aedi sivatugúyala Tauyana yaina sisakululu.

Luke 1:58

Ivenátuna, senao be osenao sinove bego Yauwe Elisabeta inuwokapisiye gagaina, tuwo tauyana taiyao siuyáwana.

Luke 7:16

E madabokidi madi wowoina simatoita, tuwo Yaubada ina togaga ana sikamoitamoe kadi, ‘Yaubada ina gagaina bogina yaida goi iitaoya!’ Aiyuwoina kadi, ‘Yaubada kita ina bodao bogina ivadadeda!’

Guinuwa 7:15

Tuwo Yakobo itaoya osenao taiyao sisou sina Itipita goi silokasa. Amoko goi Tauyana osenao taiyao sikaaiyaka ana kadókana sikamasa kówasa.

Guinuwa 7:16

Sikámasa ikavava, wowodi sikabidi sikaluvilemneidi sinavedi asa Sekem goi sivaliwogedi. Valiwogayana moe tukubu boi Eberamo igimone Emori natunao yaidi, ana maisa ivinidi. E tuwo tukubuyana sinaena goi Yakobo osenao taiyao sivaliwogedi.

Iberiu 11:22

Iyosepa ina numisa goi tutayana ana tuta giyakainava bei ima, e idi sowóduwo Itipita goi ikatumatalidi, tuwo tomota adi lovina ivinidi luluna ana valiwoga manuna.