Tateta 12:48 - Buki Kimaasabaina

⁴⁸ Neta tokoidádana mana bodao sikaiyaka yaimi go, latuwodi Basitáwana Aikanina sikáika Yau Yauwe umagu, e mainao koroto liliudi yaidi goi sakavaidi sikupōidi namlieta baige sisiukōimi bei sikáika. Moeko goi adi kaigigita sibíbina komi Isileli tubunao nakae. Go avatau neta sakavaina geya ikupoeta, e taabu ikakāika.

Tateta 12:48 ပူးပေါင်းရင်းမြစ်များ

Aba Vatowo 17:11

Sakava ana kupwanayana moe aba kinana kom be yau yaida bego bogina akanasiukoim.

Aba Vatowo 17:12

E ame tuta nakae tuta simamaima ava gómana koroto ibíbina yaim goi, neta ana maliyalina ainima aito bogina ibabanedi, e sakavaina kukūpo. Nakona im vada goi ibíbina o tauyana ogaoga goi kugimone, tauyana sakavaina kukūpo. Ame aba kinana yaida bego akanasiukovataem.

Tateta 12:19

Maliyalinayadi ainima aiyuwo goi isti taabu ikaaiyāka imi vada sinaedi. Avatau neta beredi mana isti ikáika, e tauyana komi Isileli tubunao liliumi yaimi goi kolivisīye. Nakae koguinūwe neta tauyana ogaoga yaimi o neta ibíbina yaimi.

Tateta 12:43

E Yauwe Eroni be yau ilatuwokoima idigo kana, ‘Ame Basitáwana Aikanina ana lovina: Kidi ogaoga liliudi Aikayana taabu sikakāika.

Galetiya 3:28

Tomota liliuda tavavasa be nakae geya tayaamo aliupa ikaaiyaka bego ilivisida ta boda be ta boda. Aliupayadi nakae Diyuu be Totuyoyowo, kidi be kidi taliigavidi, koroto be vevina. Ame aliupayadi bogina sikavava unana madabokida ida spwagógana Guyau Yeisu taiyao pasina bogina taeboda tayamo.

Kolose 3:11

Yawoida vauyadi goi geya tayaamo tavilei ikaaiyaka geya. Nakae Giriki o kaga liliuna itobukukuyuidi be nakae liliuda yaida goi ikaaiyaka.