Tateta 12:37 - Buki Kimaasabaina

³⁷ E kai Isileli tubunao kataoya, asa Ramasesi goi kasowóduwo, kaketoiya kana asa Sukota. Koroto ama badabada moe sikisi andedi tausani (600,000) go, vevina be nakae gogómana geya adi katuyaivamo.

Tateta 12:37 ပူးပေါင်းရင်းမြစ်များ

Aba Vatowo 12:2

Bei akisailim, tubumowo boda tayamo gagaina. Bei , tauna you gagaina avinim. Tauna kūna bei kom aba kaipaku tomota liliudi yaidi.

Aba Vatowo 15:5

E tuwo Eberam ikabi ivakede sisowóduwo moetala goi, idigo kana, ‘Eberam, kwandolāga yábana kugīte be utuna kwatuyaivīdi. Aa, neta itoboinem kwatuyaividi!’ Tuwo ikatótula idigo kana, ‘E im boda adi badabada bei nakae.’

Aba Vatowo 46:3

E Yaubada idigo kana, ‘Yau Yaubada. Yau yaigu tamam boi isaakululu. Taabu kuumatōita bego kusou kuna Itipita goi. Moitamo. Amoko goi bei akisailim, e bei tubumowo boda tayamo gagaina.

Aba Vatowo 47:11

E Iyosepa iguinuwe nakae Pero idige. Poyapoya dedevina toina Itipita goi tamana be senao ivinidi. Poyapoyayana moe Ramasesi goi. Ramasesiyana youyuwoina moe Goseni.

Tateta 1:11

Tuwo da Itipita ame nakae siguinuwe: Itipita korotoidi sikinavedi sivayokoidi kidi Isileli tubunao adi tolovinao, e paisewa moumouna goi sikinenetedi. Paisewayana ame nakae: Asa aiyuwo Pitom be Ramasesi siyowóidi, e bei asayadi sinaedi goi ina sánala sikaaiyaka be nakae kónana adi vada siyatoidi.

Tateta 10:9

Adigo kagu, ‘Liliuma, tubuwau be woiyai, tomoyamoya be namoyamoya, natumao koroto be vevina, e nakae ima yoguyoguyao, be bulumakau taiyao kanavedi. Bogina kuyagoi. Uyáwana aikanina itoboine kaodugu Yauwe yaina.’

Tateta 13:20

E tuwo Sukota goi kataoya, kana Etam goi kamasisi. Moe yoyowo kikina.

Tateta 38:26

Boi koroto tamo tamo neta adi tala tuwenti (20) nakae ituko, neta sikatuyaividi, e idi vininabeso siriba goi giyaina Yauwe sivinibeso. Siribayana siisikere Yauwe ina Kaba Kaiyaka Kimaasabaina ana lovina goi sisikere. Korotoyadi adi badabada moe 603,550.