Tateta 10:25 - Buki Kimaasabaina

²⁵ E yau sem adigo kagu, ‘Geya. Kom kutagonēma ima yoguyoguyao vininabeso manuna nakae kanavedi bei maniyedi kagabudi, maniyedi kavakasavedi go, kakasaledi Yauwe yaina.

Tateta 10:25 ပူးပေါင်းရင်းမြစ်များ

Aba Vatowo 8:20

E Nowa dídiya ikaudakodako, ana wowoina manuna. Iwodugu ikavava, yoguyogu taagonaidi ituli ituli be mánuwo taagonaidi ituli ituli maniyedi ikabidi, aba kasalayana yatana goi ikailagasidi igabudi ivakasavedi. Moe ina vininabeso ikasale Yauwe yaina.

Tateta 10:24

Tuwo Pero vala ietune ima iduduwegu ana ilatuwokoigu idigo kana, ‘Kōna kosakulūlu Yauwe yaina. Gogómana nakae itoboinedi taiyao kona go, imi yoguyoguyao, nakae imi bulumakauyao be imi sipiyao, tuwo sikaiyaka ameko.’

Tateta 10:26

Ima yoguyoguyao nakae kanavedi. Geya tayaamo bei ikaiyaka geya. Bogina kuyagoi. Ima yoguyoguyadi yaidi goi maniyedi bei kagabudi kasakululu Yauwe ima Yaubada yaina. Go kai geya kayagoiyeta ava yoguyoguva ana kadókana kana amoko goi kasakululu Yauwe yaina, e bei kayagoi.’

Tateta 20:24

Go sem guna nakae imi bulumakauyao kokasalēdi yau yaigu. Yoguyoguyadi maniyedi bei kovakasavēdi go, maniyedi abivekoveko manuna kogabudīmo kokāika. Ava kasava goi neta atagona komi kosakululu yau yaigu, e amo asayadi liliudi goi bei awokoimi, e akaipakuyemi.