Tateta 1:7 - Buki Kimaasabaina

⁷ E kidi go Isileli tubudiyao sisusáila gagaina toina nakae sibadabada be nakae sitogaga toina, tauna asayana Itipita kidi sivakayaodei.

Tateta 1:7 ပူးပေါင်းရင်းမြစ်များ

Aba Vatowo 1:20

E Yaubada sopana goi imadágina idigo kana, ‘Négwasa iyaiyanimi badabadaimi kosowōduwo! Nakae mánuwo kosowōduwo, e poyapoya yábana osasaidi goi koyovayōva!’

Aba Vatowo 1:28

Iwodugudi ikavava, ikaipakuyedi idigo kana, ‘Kosusāila be poyapoya kovakayaodēi, e poyapoyayana koepaisēwe ami dedevina manuna. Nakae íyana, mánuwo be nakae kaga liliuna maa yawoidi poyapoya goi sidaladala kokaliibubūdi.’

Aba Vatowo 12:2

Bei akisailim, tubumowo boda tayamo gagaina. Bei , tauna you gagaina avinim. Tauna kūna bei kom aba kaipaku tomota liliudi yaidi.

Aba Vatowo 13:16

Im boda bei akisailidi badabadaaidi! Nakae geya vatau tayaamo itoboine ikatuyaividi.

Aba Vatowo 15:5

E tuwo Eberam ikabi ivakede sisowóduwo moetala goi, idigo kana, ‘Eberam, kwandolāga yábana kugīte be utuna kwatuyaivīdi. Aa, neta itoboinem kwatuyaividi!’ Tuwo ikatótula idigo kana, ‘E im boda adi badabada bei nakae.’

Aba Vatowo 17:16

Bei , e bei tauyana goi natum koroto avinim. Aiyuwoina akaipakuye bei tubunao goi boda badabadaidi sisowóduwo go, bodayadi tubudi moe tauyana. Ago tubunao goi tokalibúbuna maniyedi bei sisowóduwo.’

Aba Vatowo 22:17

E tauna guna katotulayana ame nakae: Moitamo bei bei im boda akisailidoko, e adi badabada utuna yábana nakae goi o mamaya loulouna nakae. Niga bei im boda ina kaleyayao itogagasavedi.

Aba Vatowo 26:22

E Aisake ina ituli ta poyapoya goi ina pakonayaoyadi doelu aitonina sitavi go, geya vatau tayaamo ima ikaumakimaki, tauna doeluyana ivayou Rakovota go, idigo kana, ‘Yauwe abatau bogina ivinida yoiyada, tauna itoboineda takaiyaka, e tasusáila.’

Aba Vatowo 26:4

Im boda bei akisailidi, adi badabada nakae utuna yábana goi go, poyapoya ame madabokina bei avinidi. Nava boda liliudi poyapoya ame bei siyagoi im boda goi akaipakuyedi

Aba Vatowo 28:14

Im boda adi badabada bei ivakaigaga! Tuwo im bodayana bei poyapoya ame madabokina situgidagidali, tauna sina bomatu dadavina, youya dadavina, koiboga dadavina be nakae yawéyana dadavina. Boda liliudi poyapoya goi bei siyagoi kom be im boda pasidi akaipakuyedi.

Aba Vatowo 35:11

E Yaubada aiyuwoina Yakobo ilatuwoko idigo kana, ‘Yau Yaubada . Kom kususāila, tubumowo badabadaidi, e bei tubumowo boda tayamo gagaina. Tubumowoyadi goi boda badabadaaidi be nakae tokalibúbuna maniyedi bei sisowóduwo.

Aba Vatowo 46:3

E Yaubada idigo kana, ‘Yau Yaubada. Yau yaigu tamam boi isaakululu. Taabu kuumatōita bego kusou kuna Itipita goi. Moitamo. Amoko goi bei akisailim, e bei tubumowo boda tayamo gagaina.

Aba Vatowo 47:27

E ina bodao Itipita goi silokasa go, moe asa Goseni dadavina goi. Amoko goi poyapoya sivinidi, e sisusáila, bogina sibadabada.

Aba Vatowo 48:16

Boi Tauyana nakae vailai goi iyavegu. E guna kawanoi amo Yaubadayana yaina goi bego natumowo ikaipakuyedi, e bei tomota yau yoigu siyagoi be nakae tamagu Aisake be tubugu Eberamo yoidi siyagoidi gogomanayadi pasidi. E tutayana sisusáila, tubudiyao badabadaidi poyapoya ame goi.’

Aba Vatowo 48:4

idigo kana, “Kunōve. Bei akisailim, e bei tubumowo badabadaidi. Tauyadi goi boda ituli ituli bei sisowóduwo. Ame poyapoyayana tubumowo bei avinidi; ikaiyako vata yaidi.”’

Aba Vatowo 9:1

E Yaubada Nowa ma natunao idigo kana, ‘Komi kosusāila gagaina bei tubumiyao taiyao poyapoya kovakayaodei.

Tateta 1:12

E tuta tamo tamo paisewa moumouna tuwaina sivinidi, e kidi Isileli tubunao tuwaina siisusáila nakae tuwaina asa situgidagidali. Tuwo kidi da Itipitayadi sigitedi odi isilali.

Tateta 12:37

E kai Isileli tubunao kataoya, asa Ramasesi goi kasowóduwo, kaketoiya kana asa Sukota. Koroto ama badabada moe sikisi andedi tausani (600,000) go, vevina be nakae gogómana geya adi katuyaivamo.

Tateta 5:5

Tauyana tuwaina kana, ‘Konōve! Bodayadi bogina sibadabada go, komi latuwomi idi kogúyala sikalave!’

Guinuwa 13:17

Boi nimatu kita Isileli tubunao ida Yaubada tubudao ikinavedi ina bodao, e idi kaiyaka Itipita goi ikisailidi, tauna sitogaga. Nimana toogagaina toina goi ivaitedi, e amo asayana goi ivakededi sina yoyowo goi.