Tateta 1:11 - Buki Kimaasabaina

¹¹ Tuwo da Itipita ame nakae siguinuwe: Itipita korotoidi sikinavedi sivayokoidi kidi Isileli tubunao adi tolovinao, e paisewa moumouna goi sikinenetedi. Paisewayana ame nakae: Asa aiyuwo Pitom be Ramasesi siyowóidi, e bei asayadi sinaedi goi ina sánala sikaaiyaka be nakae kónana adi vada siyatoidi.

Tateta 1:11 ပူးပေါင်းရင်းမြစ်များ

Aba Vatowo 15:13

E Yauwe ikatuwoini idigo kana, ‘Eberam, ame kuyagoidōko: Tubumowo bei ituli ta boda idi poyapoya goi sieogaoga. Ago niga kidi toni kasa bei tubumowoyadi sipakoidi, e tala ana badabada poa andedi (400) goi siyogedeegededi.

Aba Vatowo 47:11

E Iyosepa iguinuwe nakae Pero idige. Poyapoya dedevina toina Itipita goi tamana be senao ivinidi. Poyapoyayana moe Ramasesi goi. Ramasesiyana youyuwoina moe Goseni.

Tateta 1:14

Paisewa moumouna sivinidi, tauna sikaiyako mou. Idi kaiyakomouyana ame nakae: Vaega be limou taiyao sipopolidi sigabudi simalagurewa nakae, e idi vada siyowóidi be nakae idi tánuwo goi sipaisewa. Paisewa liliunakova goi da Itipita geya idi nuwokapisimo Isileli tubunao sipakoidi sikogúyala gagaina toina.

Tateta 2:11

E tutayana bogina akaitubuwau, tuta tayamo ataoya ana osegowo Iberiu avadadedi go, agitedi idi kogúyala moumou isaki. Aiyuwoina guma Itipita agite ivalauláuwo Iberiu tayamo iilaui. Tauyana moe osiyagu tayamo.

Tateta 3:7

E Yauwe idigo kana, ‘Guna bodao Itipita goi idi kaiyakomou moitamo bogina agitedoko be idi taiyaduduwo adi tolovinayao pasidi bogina anovedoko. Adi gedageda bogina alotowo.

Tateta 5:10

E tuwo moitamo paakonidi adi tolovinaoyadi be nakae Isileli tubunao toinidi adi tovakumgoyaoyadi sina tomota silatuwokoidi sidigo kadi, ‘Pero ibóbwara ame nakae kana, “Yau geya tuwaina bei limou aavinimi.

Tateta 5:15

E Isileli tubunao adi tovakumgoyao sitaoya sina sikaukulukúluwo Pero yaina sidigo kadi, ‘Kom manakae im sinapu nakae kai im pakonayao yaima?

Tateta 5:8

Boi nakae simadagidi adi badabada nakae ame tuta go, taabu kokupokūpo, tuwo nakae. Moitamo. Kidi suumoyaidi, tauna moe pasina siduduwo kadi, “Kutagonēma kana ima yoguyoguyao kagabudi kakasale ima Yaubada yaina.”