Taito 3:9 - Buki Kimaasabaina

⁹ Go aumakimaki besobeso, tubudiyao yoidi manudi sililiu, livisi be nakae aumakimaki Yaubada ina Katukeda pasina, e geya tuwaina kunovēdi, go sem kuvakiilisīdi. Amo sinapuyadi goi geya tayaamo kaga dedevina isowóduwo be nakae geya basabasaidimo.

Taito 3:9 ပူးပေါင်းရင်းမြစ်များ

1 Korinta 13:2

Nakona yau Yaubada ina tayamo. O nakona nuwonúwana nikuunikudi be nanamsa madabokidi ayagoidi. O nakona guna numisa gagaina, nakae itoboinegu koya alovinaedi bego sina masigava. Go neta matakoi ategu goi geya, e yau geya basabasaigumo.

1 Korinta 8:1

E imi lumadádana awoinu kaasalaina yaubada polapola yaidi ana káika manuna bei akatumapu. Komi kami, ‘Madabokidakova mada nanamsa awoinu kaasalaina yaubada polapola yaidi manuna.’ Moe bogina taayagoi. Amo nanamsayana pasina tomota sinuwatue go, kidi sediyao idi numisa sikitogage.

1 Timoti 4:7

E da poyapoya idi vatuta besobeso geya basabasaidimo Yaubada manuna. E vatutayadi kuvakiilisīdi. E nakae balomaim kwatubayāsi bei im sinapu nakae yábana sinapuna.

2 Timoti 2:14

Moe dogoiyadi tuta liliuna im tomotao yaidi kukavilevilēdi go, Yaubada matana goi kukatuliiwolēdi taabu sikaumaakimāki livala adi yagoina manudi. Livalayadi geya basabasaidimo be nakae totaiyakeka sigoyainedi.

2 Timoti 2:16

E da poyapoya idi vatulúkwana kuvakiilisīdi. Vatulukwanayadi bobwara besobeso baailidi nakae, tauna geya basabasaidimo Yaubada manuna. Neta bobwarayadi tasabokuuliyedi, e Yaubada nuwona takaolilive

2 Timoti 2:23

E aumakimaki besobeso be aumakimaki kudukudupatudi kuvakiilisīdi unana kuyagoi aumakimakiyadi moe vakaleya idi kaba sowóduwo.

Taito 1:14

Aiyuwoina kukamamaetalīdi bego geya tuwaina idi liliu be nakae tomota idi lovina besobeso siyoisikaavatedi; lovinayadi moe kidi Yaubada ana Nanamsa Mooitamoina siikalave adi lovina.

Yemesa 4:1

Kaga unana vabobolagu be aumakimaki siisowóduwo yaimi? Unana ame: Toinimi imi vikaiya sivaayaviya imi nuwonúwana dedevina taiyao ae?