Taito 3:8 - Buki Kimaasabaina

⁸ Mae livalayana madabokina livala . Livala amo nakae manudi latuwogu mam katepatu kukaugeogéona bego kidi bogina Yaubada ana tonumisayao sikasaledi bei tuta liliuna guinuwa dedevidi siguuinuwedi sediyao yaidi. Amo vatulukwanayadi dedevidi, kita tomota ada kaba vaita.

Taito 3:8 ပူးပေါင်းရင်းမြစ်များ

Madiu 20:4

Tuwo amo tauyadi ilatuwokoidi idigo kana, “Komi nakae kōna guna tánuwo kopaisēwa go, ava maisa itoboine, bei avinimi.” E moitamo sitagona, tuwo sina ina tánuwo goi sipaisewa.

Iyoni 12:44

E iya go Yeisuyana niyana gagaina goi iduduwo idigo kana, ‘Avatauwa komi neta konuumisegu, e aguta geya, go sem guna Toetuna nakae koonumise.

Iyoni 5:24

Takínona ana paisewa ivini go, ame alatuuwokoimi konōve: Avatauwa neta guna livala sinovedi be guna Toetuna sinumise, e yawoidi vata sibabane. Tuwo takínona goi geya sisiuta, go sem ámasa bogina sikalave go, sisaidámana yawana vata goi.

Guinuwa 12:15

‘Kom nakona kuyaluwo’, tomota kaedi. Go kina vavinayana ikaugeogéona kana, ‘Moitamo, tauyana!’ ‘Geya. Amo Pita ina anerose’, tomotayadi kaedi.

Roma 4:5

Go Yaubada ina sinapu ituli. Tauyana itoboine ana tokaoliliwoyao ivayokoidi kidi kiboobosidi. Tuwo avatauwa neta geya sipaiseweta, go sem ame Yaubadayana yaina sinumisamo, e idi numisayana igite, ikamoitamoe bego amo tauyadi nuwona ana tokibobwatayao. Moeko goi idi paisewa pasina geya, go sem idi numisa pasina ivayokoidi kidi kiboobosidi ina manuna. Tauna ina vayokwanayana moe anuwóiya.

2 Korinta 4:13

E kai togínina tayamo goi nakae igini kana, ‘Anumisa, tauna nakae atalavaita.’ Same 116:10 Amo tauyana ina numisa unana moe , e kai ima numisa nakae. Tuwo kanumisa, tauna kai nakae Vala Dedevina kataalavaite

Epeso 4:28

Tovaináwana geya tuwaina sivaināwana, go sem sipoisōgana, e toinidi nimadi goi paisewa dedevidi siguinuwēdi bego adi vaituwo goi itoboinedi tookaidi sivaitedi.

1 Timoti 1:15

Livala ame livala nakae itoboineda tauyaonedoko: Guyau Yeisu bogina isou ima poyapoya goi bego toogoyoida iyaveda. Ego togoyoidayada yaida goi yau moitamo toogoyoigu toigu go, liuna geya iviniguta geya,

1 Timoti 2:8

E tuwaina latuwogu komi koroto imi tugúguna liliudi goi neta nimami kokatulagasidi bego kokawanoi, e nimami maavadaidi. Nakae geya imi egamogamogumo be geya imi kaumakimakimo geya.

2 Timoti 1:12

Guna paisewayana pasina tauna ame guna mou ababanedi go, mouyadi pasidi ogu geya imaemaeta. Moitamo. Guyau Yeisu aanumise; Tauyana bogina aayagoi. Go ayagoidoko Tauyana itoboine Vala Dedevina boi inuumisegu bego aruugwausi bei iiyause ana kadókana maliyalina gagaina ima.

Taito 1:9

Tauyadi Yeisu valena aba numisa boi kai Yeisu ina vamoleyanayao kavatuulukoidi siyoisikavāte bego itoboinedi tonumisa siliwoledi ima vatulukwana dókana sisabokuliye go, vatulukwanayana adi tovakaleyayao sikamamaetalidi.

Taito 2:14

Tauyana toinina ikasale ámasa goi, kita ada katumapu, bego ida kapipilova tamo tamo goi itateteda. Aiyuwoina ikimavadeda bei kita Tauyana ina toinina umana, mada salau latuwoda guinuwa dedevidi taguinuwedi.

Taito 3:1

Tonumisayao kukavilevilēdi toinidi sikatetagonedi tomota madi lovina liliudi yaidi be nakae sopadi sikabikaonedi go, tuta liliuna madi tagona bego guinuwa dedevidi siguuinuwedi.

Taito 3:14

E ida bodao madabokidi kuvatulukōidi madi salau guinuwa dedevidi siguuinuwedi bei tokaiyakomou sivaaitedi, govila bei ida bodaoyadi yawoidi geya basabasaidimo.

Pilemoni 1:11

Tauyana boi geya basabasainamo yaim go, ame tuta tauyana ma basabasaina kom yaim be nakae yau yaigu.

Iberiu 10:24

Aiyuwoina sedao manudi tanuwonūwana manakaeda nuwodi tanuwotalatalaidi bei simatakoi be guinuwa dedevidi siguinuwedi. Ida nuwotalatalayana ame nakae:

1 Pita 1:21

Yeisu goi kita Yaubada ana tonumisao. Tauyana Yeisu tokámasa yaidi goi ikaitáoe namlieta ana káeyana tomoeeyalina goi ivaisiu, tauna Yaubada taanumise be nakae talootutae.