Taito 1:15 - Buki Kimaasabaina

¹⁵ Tonumisayao kulatuwokōidi amo lovinayadi sikalavedi unana ame: Avatauwa neta atedi maavadaidi Yaubada matana goi, awoinu liliudi taagonaidi. Go avatauwa neta atedi baailidi Yaubada matana goi o kada, ‘Geya sinumiseta’, e yaidi goi geya tayaamo awoinu taagonaina, go sem kidi nuwodi be atedi, aiyuwokova, baailidi.

Taito 1:15 ပူးပေါင်းရင်းမြစ်များ

Madiu 15:18

Go kaga tobuda goi siisowóduwo moe nuwoda goi sima, e moe dogoiyadi sikibaibaailida.

Guinuwa 10:15

Ago aiyuwoina niyanayana inove idigo kana, ‘Kaga kaga Yaubada ikimaavadedi taabu kuvaayokōidi baailidi, tauna taabu kwaatāedi!’

Roma 14:14

Guna spwagógana ida Tomoya yaina goi ayagoi be alotowo bego geya tayaamo kaga itoboine ikibaibailida. Ago avatauwa neta sinuwonúwana tayamo dogoi aba báila, e moitamo dogoiyana aba báila tauyadi yaidi. Tauna idi kaba kapusi awoinu goi taabu koyatoyāto.

Roma 14:20

Awoinu pasina taabu Yaubada ina paisewa tomota tayamo yawoina goi kokaaigoyāi. Awoinu liliudi moe taagonaidi yaida, go sem neta ava kawoinu takani go, awoinuyana pasina siyada ina numisa goi tavakapusiye, moe bogina tagoyo.

Roma 14:23

E avatauwa neta madi nanayuwo áika manuna sikakáika, moe nakae geya idi numisamo sikáika. Tauna Yaubada itakinoidi kidi liuna itoboinedi. E ava guinuwa geya numisa goi taguuinuwe, moe goyo.

1 Korinta 10:23

Komi kodigo kami, ‘Dogoi liliudi mama tagona kaguuinuwedi.’ Go yau kagu, ‘Dogoiyadi maniyedi geya basabasaidimo kita yaida.’ Komi kami, ‘Dogoi liliudi mama tagona kaguuinuwedi.’ Go yau kagu, ‘Dogoiyadi maniyedi ida numisa geya sikitogagedita.’

1 Korinta 10:25

Aba gita tayamo ame nakae: Ava kanina aba maketi goi sikaiigimone kokāika. Neta boi sikasale yaubada polapola yaidi o geya, mada tagona takáika go, imi nanayuwo pasina taabu koluumadādana neta aninayana moe kaasalaina yaubada polapola yaidi goi. Madabokinakova mada tagona takanidi.

1 Korinta 10:31

Tauna guna nuwonúwana ame nakae: Imi guinuwa madabokidi, nakona imi káika o imi nim o ava guinuwa koguuinuwe, moe Yaubada ana taimámina manuna koguuinuwēdi.

1 Korinta 8:7

Go tomota maniyedi, amo nanamsayana geya siyagoiyeta. E tauyadi boi idi káika goi yaubada polapola yaidi sisaakululu go, ame tuta nava sinuwonúwana yaubada polapolayadi bego maa yawoidi. Tauna neta awoinu kaasalaina sikáika, idi nuwonúwana goi bego moe nava sisaakululu yaubadayadi yaidi. Tauyadi neenetaidi nuwodi isabutukoidi, tauna aikayana ikibaibailidi.

1 Timoti 6:5

be nakae aumakimaki sisowóduwo. Go tokaumakimakiyadi nuwodi viviyuwoidi pasina Yaubada ana yaidi goi bogina itagau. Tauyadi sinuwonúwana bego yábana sinapuna goi esaesa bei sibabane.

Iberiu 10:22

Tauna ma kateda mooitamoidi be mada numisa toogagaina Yaubada tanōko unana ateda bogina iseulidi be nakae nuwoda ina sabutuko ikimavadedi go, wowoda bwae maavadaina goi inikidi.

Iberiu 12:15

Ami dodōkana, govila bei tayamo yaimi goi Yaubada ina kanuwóiya geya ibabaneyeta. Aiyuwoina ami dodōkana, govila bei maniyemi yaimi goi kubukasa lam nakae itabo, e ibíbina go, keuwoina tamatamaina isowóduwo, e bei semiyao badabadaidi ikaigoyaidi.

Iberiu 9:14

Amo yoguyoguyadi ikaikaidi tomota toluyedi kaka sikimavadedi go, Guyau kina ikaikaina ikalisavedi. Tauyana geya ana pikwanamo Baloma aiyako vaatayaina ina togaga goi toinina ikasale Yaubada yaina. E ida guinuwa aba kámasa bolotodi goi nuwoda ina sabutuko ikimavadedi, e bei Yaubada maa yawoina yaina tataaimámina. Tauna amo yoguyoguyadi ikaikaidi kina ikaikaina ikalisavedi, e nuwoda ikimavadedi.