Ruti 2:13 - Buki Kimaasabaina

¹³ ‘Guna tomoya, matam goi anuwóiya bogina ababane. Moitamo. Yau im bogina kukipaiwolegu be nakae atepatu kuvinigu go, yau im pákwana vevina im pakonayao sobuyekoidi nakae’, Ruti kaena.

Ruti 2:13 ပူးပေါင်းရင်းမြစ်များ

Aba Vatowo 32:6

Tuwo moitamo tolokoinayadi silokoina sina Iso silatuwoko. Silatuwoko ikavava, sikaluvila sima Yakobo silatuwoko kadi, ‘Tuwowom Iso bogina kalatuwoko. Tauyana imamaima bego ivalobodem go, koroto adi badabada poa andedi (400) taiyao simamaima.’

Aba Vatowo 33:10

Go kina Yakoboyana idigo kana, ‘Geya. Neta itoboinegu im kanuwóiya ababane, e guna yabobona kuuyaone. Unana maisim agite moe nakae Yaubada maisina agite go, geya akamaseta, go sem mam nuwotao kuuyaonegu.

Aba Vatowo 33:15

E Isoyana idigo kana, ‘Siyagu, neta moe nakae, guna topaisewa maniyedi sikaiyaka be sivaitem.’ Go Yakobo idigo kana, ‘Moe tuwo. Guna tomoya, tayamo dogoi latuwogu moe im kanuwóiya ababane. Ame tauna.’

Aba Vatowo 33:8

E Isoyana idigo kana, ‘Go maine boda madi yoguyogu ababanedi. Moe kaga yoguyoguna?’ ‘Guna tomoya, bego itoboinegu bei im kanuwóiya ababane’, Yakobo kaena.

Aba Vatowo 34:3

Ikavava, Dainayana maisina ivakone. Tuwo Sekemyana nuwona ikabi toina; latuwona inai. Tuwo ilumakikine bego itagona taiyao sinai.

Aba Vatowo 43:14

Bei Yaubada inuwokapisiyemi korotoyana matana goi, e bei tauyana latuwona Simioni be Beniyamina italigeidi taiyao kokaluvilamna koma. Go yau sem neta natugowo ivagagaledi, bogina sitagau, e nuwogu imou.’

Pilipai 2:3

Geya tayaamo kaga amitava imi yala manuna o nuwatue goi koguuinūwe, go sem mami nuwootokai konuwonūwana semiyao sitaoyakukuyuimi.

Ruti 2:12

Bei Yauwe, kai ima Yaubada, am vaiwówana ivinim im guinuwa pasina. Bogina kuma Tauyana panepanena goi bego ivainugonem.’

Ruti 2:14

E niga áika ana tuta goi Boasa idigo kana, ‘Ruti, kubāla kūma ameko. Ame avam. bwaena yuyuyuna goi kuvaigāde, e kwāika.’ Tuwo moitamo Ruti ibala ina tauyana ina todibayoyayao kikidi itusobu ivaigade, e ikáika. Ago Boasa bali kutukutuna aiigabudi nakae ivini ikáika. Ikakáika, bogina gamona go, kutukutuyadi maniyena sikesa.