Ruti 2:10 - Buki Kimaasabaina

¹⁰ E tuwo, Rutiyana ivatugúyala ikanakabobo go, idigo kana, ‘Yau ogaoga go, kaga unana kukanuwoiyegu be yau manugu kunuwonúwana?’

Ruti 2:10 ပူးပေါင်းရင်းမြစ်များ

Aba Vatowo 18:2

E Eberamoyana ikandobala koroto adi taito igitedi sitataoya. Igitedi, ina yoyou parai totomna goi isowóduwo, woilina ibala ina ikauyagu yaidi goi, e aena ivatugúyala, ikanakabobo.

Madiu 25:35

Ame moitamo. Boi loga akámasa go, kovakanigu. Maegu iyápasa go, kovanimgu. Yau ogaoga go, kouyaonegu.

Luke 1:43

Ame aba wowoina yau yaigu bego kom ida Tomoya sinana go, yau kumekoigu.

Luke 1:48

bego yau Tauyana ina nuwotookaigu go, inuwokavategu. Moitamo toina. Ame tuta be nakae tuta simamaima malamalágata liliudi bei sinuwonúwana yau guna dedevina bogina bei ababane.

Roma 12:10

Semiyao nuumisaidi komatakoiyēdi nakae neta kidi ikaikaimi tayamo. Semiyao kowowoinēdi go, imi wowoinayana goi kokalisavēdi.

Ruti 2:11

E Boasayana idigo kana, ‘Vatetelim madabokina tomota bogina sivateteli anove. Nakae kaga liliuna kuguuinuwedi yaom manuna tutayana monem ikámasa. Ayagoi tamam be sinam kwalavedi be nakae im kasa kwalave, e kuma ameko bego kwaiyako vata go, boi boda ame geya kuyagoiyeta.

Ruti 2:13

‘Guna tomoya, matam goi anuwóiya bogina ababane. Moitamo. Yau im bogina kukipaiwolegu be nakae atepatu kuvinigu go, yau im pákwana vevina im pakonayao sobuyekoidi nakae’, Ruti kaena.

Ruti 2:19

E Naomi ikandosobu kutukutuyadi igitedi, yaona yaina ilumadádana idigo kana, ‘Yaogu, ame nako goi bali kuseoseo? Avatau ina tánuwo goi? Guna kawanoi bego korotoyana ikanuuwoiyem Yauwe bei ikaipakuye.’ Tuwo Rutiyana ina paisewa manuna ivatétala, idigo kana, ‘Korotoyana ina tánuwo goi aseoseo moe yoina Boasa.’

Ruti 2:2

E Ruti guma Moabe Naomi ilatuwoko idigo kana, ‘Yaogu, neta kutagonegu bei yau ana tánuwo tayamo goi kutukutuna ana totaupa sitamaumaauidi aseo. Ego ava totaupa ikanuuwoiyegu mlina goi bei aseo.’ Naomiyana kana, ‘Yaogu, kūna nakae kuguinūwe.’

Ruti 2:9

Ago koroto kugitēdi nako goi sipaaisewa go, sitamaumáuwo. Amoko goi kūna vevinayadi taiyao koseosēo. Korotoyadi bei alatuwokoidi geya sikitaitaiyemta. Neta maem isayasaya, kūna nako goi tauyadi bwae sitege siyatoyato, moe kwābi kunīm.’