Roma 9:30 - Buki Kimaasabaina

³⁰ E tauna mae guna livalayadi manudi manakaeda? Ame nakae: Totuyoyowo enao geya silusaleyeta bego kidi kiboobosidi Yaubada matana goi go, tuwo moe sibabane. Go moe numisa goi sibabane.

Roma 9:30 ပူးပေါင်းရင်းမြစ်များ

Roma 10:10

Moitamo. Ateda goi tanumisa, tauna kita Yaubada matana goi kiboobosida. E sopada goi Yeisu takatomoyae bego Tauyana Tomoya, e bei ada yava tababane.

Roma 10:20

E Aiseya nakae mana katepatu Yaubada ina livala italavaite Totuyoyowo manudi idigo kana, ‘Tauyadi geya silusaleguta, e sibabanegu. Tauyadi geya silumadadeguta go, tuwo yaidi goi avagitakoigu.’ Aiseya 65:1

Roma 10:6

Go ida numisa pasina kita anasíuna tomotaida kiboobosida, moe manuna Gínina Kimaasabaina idigo kana, ‘Atem goi taabu kudigodīgo kam, “Avatau bei ituko ina yábana?”’ Atukeda 30:12 Moe ana yagoina kada, ‘Tomota tayamo itoboine ituko ina yábana bego ikabi isouye.’ Go Guyauyana bogina isou ima!

Roma 3:5

E tomota maniyedi sidigo kadi, ‘Yaubada tuta liliuna iliiuneda ida kapipilovayadi manudi. Tauna ida kapipilovayadi goi tomota itoboinedi sigitedoko Yaubada ina bóbwara ikibobosidi.’ Neta ida kapipilova goi Yaubada ina kibobwata ikaiwoduwe, manakaeda? Kada, ‘Yaubada ibágala tutayana ida kapipilovayadi pasidi ina egamogamogu goi iliuneda’? (Ame nakae tomota maniyedi idi nuwonúwana.)

Roma 4:11

namlieta baige kina Yaubada ilatuwoko aba kinana tayamo iguinuwe. Aba kinanayana moe sakava ana kúpwana. Moe aba kamoitamo bego tauyana kiboobosina Yaubada matana goi. Go Eberamoyana mana numisa tutayana sakavaina nava boi geya ana kupwanamo. Nakae Yaubada iguinuwe bei avatauwa neta sakavaidi geya adi kupwanamo go, sinumisamo, e tauyadi liliudi tubudi moe Eberamo. Moeko goi idi numisayana Yaubada igite, ikamoitamoe, e tauyadi nuwona ana tokibobwatayao.

Roma 4:13

Guna nuwonúwana alumavivisi. Yaubada boi ikatótula Eberamo mana bodao yaidi goi bei poyapoya ana madabokiina ivinidi adi kaba lovina. Ago geya kada ina ana guinuwa pasina ikatótula geya, go sem unana Eberamo ina numisa pasina tauyana kiboobosina Yaubada matana goi.

Roma 4:22

Moe pasina tauna kina Yaubada Eberamo ina numisayana igite, ikamoitamoe bego kina Eberamoyana moe Yaubada nuwona ana tokibóbwata.

Roma 4:9

E tuwo manakae? Amo dedevinayana Devida idigedige moe kita adetava manuda, gea kidi sakavaidi geya adi kupwanamo nakae manudi? Madabokiida ae? Ame bogina adige Eberamo manuna kagu, ‘Ina numisayana Yaubada igite, ikamoitamoe bego kina Eberamoyana moe Yaubada nuwona ana tokibóbwata.’ Aba Vatowo 15:6

Roma 5:1

E ida numisa pasina Yaubada bogina ivayokoida kita kiboobosida, tauna ida Tomoya ina guinuwa goi tatuboina Yaubada taiyao.

Roma 9:14

E tauna manakaeda Yaubada ina guinuwayana manuna? Kada, ‘Yaubada ina lovina Yakobo be Iso manudi geya ivavaseta’? Geya, geya toina!

Roma 9:31

E kidi go Isileli tubunao latuwodi sisokikine bei Atukedayana ana guinuwa pasina kidi kiboobosidi Yaubada matana goi go, moe geya sibabaneyeta.

Galetiya 2:16

E kita Diyuu nuumisaida bogina tayagoi geya vatau tayaamo Yeisu aba numisa ina kabikáwana pasina. Moe bogina tayagoi. Tauna kita Diyuu Totuyoyowo nakae; Guyau Yeisu yaina bogina tanumisa bego ina kabikawanayana pasina Yaubada ivayokoida kita kiboobosida ina kanasíuna manuna. Go moe geya Yaubada ina Katukeda ana guinuwa pasina ivayoko kita kiboobosida geya. Moe moitamo. Atukedayana ana guinuwa pasina geya vatau tayaamo Yaubada ivayoko kina kiboobosina ina kanasíuna manuna.

Galetiya 3:24

Tauna Yaubada ina Katukedayana kai ama tokabigómana nakae go, ilovinaema ana kadókana ima bego numisa pasina Yaubada ivayokoima kai kiboobosima ina kanasíuna manuna.

Galetiya 3:8

E boi nimatu Yaubada bogina igimilovina bego goi Vala Dedevina igimitalavaite Eberamo yaina idigo kana, ‘Totuyoyowo liliudi poyapoya ame goi bei siyagoi kom goi .’ Aba Vatowo 12:3

Galetiya 5:5

Moitamo. Atukedayana ana guinuwa geya ivaitedeta niga Yaubada ina manuna. Kita go Yaubada Balomaina ina togaga goi ida numisa pasina mada lotuta taatuyáwata bego Yaubada nava bei itakinoida kita kiboobosida ina kanasíuna manuna.

Epeso 2:12

amo tutayana tamo tamo boi nimatu iguuinuwedi Isileli tubunao yaidi goi go, komi geya. Tauna ina katótula kidi manudi komi geya. Komi poyapoya ame goi geya imi lotutamo yava manuna be nakae Yaubada mooitamoina komi yaimi goi geya.

Pilipai 3:9

o tadigo kada, ‘Yaubada bei idovatusigu, e igitegu yau spwagoogonigu Guyauyana taiyao.’ Ame nakae: Yau kiboobosigu Yaubada nuwona goi geya kada ina Katukeda ana kabikáwana pasina geya, go sem moe Guyau ina guinuwa pasina. Yau kiboobosigu unana Tauyana ivayokoigu nakae guna numisa pasina.

1 Timoti 6:11

E kom sem Yaubada ina Koroto, amo sinapuyadi kuvakiilisīdi. E ame sinapuyadi mam salau kusabokuuliyēdi: Kibóbwata Yaubada nuwona manuna, yábana sinapuna, numisa, , mesayágana be nakae sakululu.

Iberiu 11:7

Boi nimatu Yaubada Nowa igimikatumatali idigo kana, ‘Nava bei dogoi maniyedi aguinuwedi go, guinuwayadi geya tayaamo avatau boi nakae igitedi.’ Nowayana mana wowoina inove, e ina numisa goi dedeoga gagaina iyowo mana bodayauwo adi yava manuna. Ago dedeogayana ana yówana goi da poyapoya itakinoidi kidi toogoyoidi go, Yaubada Nowa ivayoko kina koroto kiboobosina ina numisa pasina.

1 Pita 4:3

Moitamo moe itoboinemi. Komi tuta maanawena bogina idi sinapu goyogoyoidi koguuinuwedi go, ame tutayana moe sinapuyadi bogina tuwo, sikavava. Sinapuyadi moe sakava ana vikaiya owáowana, yalagau goyogoyoidi, bwae toogagaina ana nim ginagina yaluwo, uyawana owáowana, masisi goyogoyoina owáowana pati sinaena goi be yaubada polapola ana sakululu. Moe sakululuyana Yaubada ikalagiwole.