Roma 9:3 - Buki Kimaasabaina

³ Neta itoboinegu, latuwogu segowo guna bodao sakava ana dadava goi avaitedi bei Guyau sinumise. Bego atagonegu yau kidi adi katumapu bei Yaubada ina liuna ababane be nakae Guyau itavileiyegu, e bei tauyadi nakona dedevidi Guyau taiyao.

Roma 9:3 ပူးပေါင်းရင်းမြစ်များ

Aba Vatowo 29:14

Tuwo Lebaniyana idigo kana, ‘Moitamo, kita boda tayamo, ikaikaida tayamo.’ Tuwo tukówana tayamo goi Yakobo doiyana taiyao sikaaiyaka.

Tateta 32:32

Go Yauwe, akawanoi yaim bego ame tuta, neta im nuwonúwana nakae, idi bágala kunuwotao. Go neta geya, akawanoi yaim, im buki goi yoigu boi kuginigini, e kutaūwe.’

Guinuwa 13:26

Segowo, komi Eberamo tubunao be nakae komi Totuyoyowo Yaubada ana totaimaminayao, yava ame valenayana Yaubada bogina ietune ima kita yaida.

Guinuwa 22:5

Toolagaina be nakae tomoyamoyayao madabokidi itoboinedi ame guna sinapuyana sikamoitamoe. Tauyadi leta siginidi, sedao Diyuu Damasiko goi adi leta, e sivinigu moe guna tagona ana Kenaoyana ana tosabokuliyao amoko goi ayoisidi. Tuwo letayadi akabidi ikavava, ana Damasiko bego tosabokuliyadi ayoisidi nimadi ayowóidi amedi ameko Yerusalema goi, e bei adi liuna sibabane.

Guinuwa 28:21

‘Kai geya tayaamo leta da Yudiya goi ima ilatuwokoima kom manum. Aiyuwoina geya tayaamo siyada ima kom italavaitem o ikaogoyoem geya.

Roma 1:3

Valayana moe Natuna Valena. Sakava goi Natunayana ibíbina Devida ina yaina.

Roma 11:1

Tauna manakae? Yau abobóbwara bego Yaubada ina bodao ikataedi? Geya, geya toina! Yau nakae Isileli tubuna tayamo nakae Eberamo tubuna tayamo, guna Beniyamina, e Yaubada geya ikataeguta.

Roma 11:14

Latuwogu neta itoboinegu, amo tauyadi toinigu ikaikaigu sigite kaga Yaubada iguuinuwe komi Totuyoyowoyami nuumisaimi yaimi, bei simatakikivemi be guna paisewayana pasina maniyedi adi yava sibabane.

Roma 16:11

Erodiyoni, tauyana Diyuu yau nakae, guna yabobona yaina. Tauyadi Narikisu ina vada goi bogina sispwagógana ida Tomoya taiyao, e guna yabobona yaidi.

Roma 16:21

Guna tosavaiyuwo Timoti ina yabobona yaimi. Nakae semao Diyuu nuumisaidi maniyedi Lukiyo, Yasoni be Sosipatero idi yabobona yaimi.

Roma 16:7

Segowo taiyao namlieta yau. Guna yabobona yaidi.

Roma 9:2

Abóbwara moitamo bego ategu goi guna nuwomou gagaina be nakae guna kategeda geya sikavaveta.

1 Korinta 12:3

Tauna avatulukoimi bego geya vatau tayaamo itoboine bei Yaubada Balomaina goi idigo kana, ‘ bogina katuboolataina.’ Nakae geya vatau tayaamo neta yaina Baloma Kimaasabaina geya ikaiyaketa bei itoboine idigo kana, ‘Yeisu Tomoya.’

1 Korinta 16:22

Avatauwa komi neta ida Tomoya geya komatakoiyeta, Yaubada itoboine ikatubolatemi. Ima Tomoya, kūma!

2 Korinta 12:15

E yau magu uyáwana bei atagona konagu liliudi be nakae yawoigu madabokina akasaledi manumi. Amatakoiyemi gagaina go manakae? Giyaina komatakoiyegu ae?

Galetiya 1:8

Taabu moe valayana kosabookulīye, go sem boi Vala Dedevina bogina kataalavaite yaimi, neta kai Yeisu ina vamoleyanayao o guma yábana ituli ta vala italavaite yaimi, e kotavilēiye Yaubada ina liuna manuna!

Galetiya 1:9

Nakae kalatuwokoimi, e ame aiyuwoina kalatuwokomneimi: Avatauwa neta Vala Dedevina boi bogina kataalavaite yaimi geya sitalavaiteyeta, go sem ituli ta vala sitalavaite yaimi, kotavileiyēdi Yaubada ina liuna manuna!

Galetiya 3:10

Moe moitamo. Yaubada ina Katukeda ana guinuwa tomotaidi liliudi Yaubada ina takínona moumouna goi sikaaiyaka, tauna geya itoboinedita Tauyana ina kaipaku sibabane. Gínina Kimaasabaina nakae idige kana, ‘Avatauwa neta lovina liliudi Yaubada ina Katukeda bukina goi geya siyoisikavatedita nakae geya siguinuwedita, tauyadi Yaubada ina takínona moumouna goi sikaaiyaka.’ Atukeda 27:26

Galetiya 3:13

E kina go ima Yaubada ina Katukeda ana mou goi itateteda ame nakae: Itoboineda mouyana tababane go, kina Guyauyana itagona kerose goi situpatuko ikámasa, kita ada katumapu. Moeko goi kina mouyana ibabane go, kita geya. Moitamo mouyana ibabane nakae Gínina Kimaasabaina itaalavaite, idigo kana, ‘Avatau neta alova goi sikosaine, e tauyana Yaubada ina takínona moumouna goi ikaaiyaka.’ Atukeda 21:23

Epeso 6:5

Komi kokabikaone.