Roma 9:19 - Buki Kimaasabaina

¹⁹ Tauna tayamo yaimi nakona bei idigo kana, ‘Neta Yaubada ina sinapu nakae, kaga unana nava iwowokoida toogoyoida? Avatau itoboine Yaubada ina nuwonúwana ivakaleye? Geya!’

Roma 9:19 ပူးပေါင်းရင်းမြစ်များ

Aba Vatowo 50:20

Komi boi bego goyo koguinuwe yau yaigu go, Yaubada ina nuwonúwana bego dogoi dedevina isowóduwo. Dogoiyana moe tomota badabadaaidi ayavedi nakae bogina kogite.

Maki 14:21

Moitamo. boi bogina igimitalavaite Tauyana manuna. Ego ana tonuwotuluyana ana toovalugo! Neta boi sinana geya ivenatuniyeta!’

Guinuwa 2:23

Ame Yeisuyana ana tonuwotulu iwo inuwotuluye komi nimami goi go, moe Yaubada ina nuwonúwana boi bogina igimilosinapu be igimilovina. E inuwotuluye ikavava, komi imi lovina goi Tauyana sinave kidi Yaubada ina Katukeda ana tokapipilovayao nimadi goi siyato. Tuwo siyoisi, kerose goi situpatuko, e sikaumate.

Roma 11:19

E tuwo nakona komi Totuyoyowoyami nuumisaimi bei kogágasa, kodigo kami, ‘Yaubada ina kalova laonina maniyedi ikiguyalidi bego itoboine alovayana goi isavima.’

1 Korinta 15:12

E kataalavaite yaimi bego tokámasa yaidi goi Yaubada ikaitáoe, tauna kaga unana maniyemi yaimi kodigo kami, ‘Kita tomota ida kámasa goi bei geya tataoyamneta’?

1 Korinta 15:35

Nakona tomota maniyemi taoyamna nava geya konumiseta, go sem kodigo kami, ‘Tokámasa manakaedi itoboinedi sitaoyamna? E wowodi bei nakonakae?’

Yemesa 1:13

Ago avatauwa komi neta vakakona koobabane, taabu kodigodīgo kami, ‘Yaubada ivakakonegu bego agoyo.’ Moitamo. Kita tomota geya itoboinedeta Yaubada tavakakone bego goyo iguinuwe. E kina go Yaubada nakae, geya ivakakonedeta bego goyo taguinuwe.

Yemesa 2:18

Go nakona tomota tayamo bei igéona idigo kana, ‘Tomota tayamo mana numisa go, tayamo mana guinuwa.’ Go yau kagu, ‘Kom geya im guinuwamo go, im numisa manakaem kuvatulukoigu agite? Geya itoboinemta! Ago yau guna guinuwa goi bei guna numisa avatulukoim.’