Roma 8:28 - Buki Kimaasabaina

²⁸ E tayagoi bego kaga liliuuna yaida goi siisowóduwo Baloma Kimasabainayana kita Yaubada ina tomatakoiyao taiyao taepaisewedi dedevina manuna, kita tauyada Yaubada iduduweda toinina ina nuwonúwana manuna.

Roma 8:28 ပူးပေါင်းရင်းမြစ်များ

Aba Vatowo 50:20

Komi boi bego goyo koguinuwe yau yaigu go, Yaubada ina nuwonúwana bego dogoi dedevina isowóduwo. Dogoiyana moe tomota badabadaaidi ayavedi nakae bogina kogite.

Tateta 20:6

Go avatauwa neta simatakooiyegu be nakae guna lovina sikabikaaonedi, e amo tauyadi be nakae mlidi idi bodao badabadaidi simamaima yaidi goi akubunuwedi.

Maki 12:30

Tauna Yauwe imi Yaubada komataakoīye atemi madabokinakova goi be yawoimi madabokinakova goi be nuwomi madabokinakova goi be imi togaga madabokinakova goi.” Atukeda 6:4-5

Guinuwa 13:48

E Totuyoyowo Paulo ina livalayana sinove, siuuyaone be Tomoya ina togaga ana sikamooitamoe. Tuwo avatauwa neta bogina nuwodi siyatoidi bego yawoidi vata siibabane, e sinumisa.

Roma 11:29

Kaga unana? Yaubada ina yabobona be ina duduwo geya itoboineyeta .

Roma 8:30

E tauyadi igimilovina bei Natuna ana tapata nakae, e nakae iduduwedi sima bei kidi ina bodao. Tauyadi iduuduwedi, e nakae ivayokoidi kidi kiboobosidi. Tauyadi ivaayokoidi kidi kiboobosidi, e nakae ana káeyana tomoeeyalina goi bei ikatuvaisiudi.

Roma 9:11

Moitamo ina keuwamayana moe atótula goi. Kidi lalaviyadi nava geya sibibineta nakae geya tayaamo kaga dedevina o goyogoyoina siguinuwe go, tuwo Yaubada tayamo ikinave, moe Yakobo. Moe bego ina kinavayana goi ina yúpuna nava iisowóduwo.

1 Korinta 1:24

Kita go nuumisaida, nakona Diyuu o nakona Totuyoyowo, Yaubada bogina iduduweda, e vala tanove, tayagoi moe Yaubada ina togaga be nakae ina nanamsa.

1 Korinta 1:9

Bogina kogite? Kina Yaubada . Tauyana bogina iduduweda bego Natuna ida Tomoya Yeisu Guyau taiyao takabivekoveko.

1 Korinta 2:9

go sem geya siyagoiyeta nakae bogina idige kana, ‘Dogoi dedevidi Yaubada ana tomatakoiyao manudi ikatubayasidi. Amo dogoiyadi tomota geya sigitedita, geya sinovedita be nakae geya sinuwedita.’ Aiseya 64:4

2 Korinta 5:1

Guna nuwonúwana ataligei: Bogina tayagoi wowoda moe poyapoya wowonina yoyou nakae bei tuta kaakupina sikaaiyaka. Go neta sitauwe, wowoda vau Yaubada goi bei tababane. Wowoda vauyadi geya kada vada nakae tomota nimadi goi siiyowóidi geya, go sem ame wowoda vauyadi yábana goi sikaiyako vata.

Galetiya 1:15

E boi yau nava sinagu gamona sinaena Yaubada ina kanuwóiya goi igimikimasabegu be nakae ivayokoigu Yeisu ana totalavaita. Go tutayana ilovina

Galetiya 1:6

Iyaa! Nuwogu iwówana gagaina imi guinuwa pasina. Boi ina kanuwóiya goi Yaubada iduduwemi bego komi ina bodao go, geya kovamumugoneta, e Tauyana kokalave go, ituli ta vala kosabokuliye!

Galetiya 5:8

Ame sinapuyana ada Toduduwo goi geya imaita!

Epeso 3:11

Moe nakae ina nuwonúwana boi nimatu bogina igimilovina go, nuwonuwanayana ida Tomoya Guyau Yeisu goi iguinuwe.

Epeso 4:1

Tauna, guna ida Tomoya taiyao pasina yau deri ana tokaiyaka, e komi boi Yaubada iduuduwemi toinina ina bodao akatuliwolemi bego kooketōiya nakae ina bodao itoboinedi siiketoiya. Ame nakae:

Pilipai 3:14

Magu tokuma alokoina aseivata ana alaitúwana goi bei guna vaiwówana akabi. Vaiwowanayana moe Yaubada iduduwegu yábana yawoinina manuna guna spwagógana Guyau Yeisu taiyao pasina.

1 Tesalonáika 5:9

Ada yava ana lotuta talōsi unana geya kada Yaubada ina egamogamogu manuna iyatoida ana totugugunayao yaidi goi geya, go sem ada yava ida Tomoya ina guinuwa goi manuna.

2 Timoti 1:9

Yaubadayana iyaveda be nakae ivayokoida kita kimaasabaida Tauyana umana. Go geya kada ida guinuwa pasidi geya, go sem toinina ina nuwonúwana pasina be ina kanuwóiya pasina. Anuwoiyayana ivinida ida spwagógana Yeisu taiyao pasina nakae boi nimatu tuta ana kaba vatowo goi bogina igimilosinapuye.

2 Timoti 2:19

Ago Yaubada ina bodao dako kasakasaina nakae bogina sitaoyaakavata. Dakoyana goi gínina ame nakae ikaaiyaka kana, ‘ toinina ina bodao bogina iyaagoidi.’ Aiyuwoina kana, ‘Avatauwa neta Yauwe yaina sisaakululu goyo situgavīle.’

Iberiu 9:15

Moe pasina tauna Yeisu moe Yaubada ina ina kanasiuna vau manuna, e bei kita, Yaubada bogina iduuduweda bego ina bodao, itoboineda bei ada vaiwowana vata ikaatotule tababane. Go Guyauyana Yaubada ina togúdala ina kanasiuna vau manuna ame nakae: Tauyana ikámasa bei ida goyo boi taguuinuwedi tutayana Yaubada ina kanasíuna vakuumgoina goi takaaiyaka yaidi goi itateteda.

Yemesa 1:12

Avatauwa komi neta mou goi kootogaga, e ami dedevina bogina kobabane, unana mouyadi kotogoisavedi. Tauna ami vaiwówana moe yawoimi vau bei kobabane. Moe Yaubada ikatotule kita Tauyana ana tomatakoiyao yaida.

Yemesa 2:5

Konovēgu, guna kaloyao! Tookaidiyadi da poyapoya matadi goi sitokai go, kina Yaubada ikinavedi idi numisa pasina siguyau be nakae ikalibubudi nakae boi ikaatotule Tauyana ana tomatakoiyao yaidi ae?

1 Pita 2:9

E komi sem Yaubada ina boda kiinavaimi; komi ina tonuwalayao mami lovina be boda kimaasabaimi Tauyana umana; komi Yaubada toinina ina , e bei itoboinemi Tauyana ina guinuwa kaausaraidi kotalavaitedi. Boi komi mamaníwana goi kokaaiyaka go, iduduwemi koma ina mavada kaausaraina goi kokaaiyaka.

1 Pita 3:9

tomota idi goyo yaimi taabu goyo goi kokatuumapūdi. O neta tomota sitagiwoimi, taabu tagíwaya goi kokatuumapūdi, go sem . Nakae koguuinuwe unana moe manuna Yaubada iduduweda bego ikaipaakuyeda, e tauna nakae tauyadi takatumapudi.

1 Pita 5:10

E kina go Yaubada, Tauyana anuwóiya liliudi unadi, boi bogina ida Yeisu taiyao pasina iduduweda ana káeyana tomoeeyalina vaatayaina goi tasiu. Imi gedageda tuta kaakupina goi go, mlina Tauyana toinina bei iyolimemi, bei idavemi, bei ikitogagemi, bei lasáuna yatana iyatoimi bego imi dako ikasa.

1 Iyoni 4:10

Matakoi mooitamoina ame nakae: Geya bego kita Yaubada tamatakoiye, go sem bego Tauyana imatakoiyeda, tuwo Natuna ivamoleye ima, iya ida goyo ana kaba núwala.

1 Iyoni 4:19

Yaubada igimimatakoiyeda, tauna kita tamaatakoi.

Nuwogau 3:19

Avatauwa komi neta yau amatakooiyemi, akamamaetalimi be asapimi. Tauna kotugavīla go, kopooisōgana imi numisa manuna.