Roma 8:11 - Buki Kimaasabaina

¹¹ E Yaubada Yeisu tokámasa yaidi goi ikaitáoe, tuwo Balomaina yaida goi ikaaiyaka. Tauna nakona wowoda ame tuta bei sikámasa go, Guyau Yeisu ana Tokaitaoya bei imadagidi maa yawoidi. Balomainayana yaida goi ikaaiyaka wowoda bei imadagidi maa yawoidi.

Roma 8:11 ပူးပေါင်းရင်းမြစ်များ

Iyoni 14:17

Tovapisiyayana moe geya sigiteyeta nakae geya siyagoiyeta, tauna geya siuyaoneyeta. Komi yaimi goi Tauyana ikaaiyaka nakae nuwomi goi bei ikaaiyaka, tauna komi kooyagoi.

Iyoni 5:21

Kogita. Nakonakae Tamana tokámasa ikaitaoedi o tadigo kada, “Yawoidi ivinidi”, e Natuna nakae iguinuwe. Avatauwa neta Natuna ikinavedi, e yawoidi vau ivinidi.

Guinuwa 2:24

Ame Yeisuyana komi imi lovina goi sikaumate go, ámasa geya itoboineyeta iyoisikavate, tauna ámasa ana yówana goi Yaubada italigei, ikaitaoemnei.

Roma 16:10

Apelasi, tauyana boi ina numisa ana vakakona goi itogaga, tauna tauyana yaina, e guna yabobona yaina. Guna yabobona tauyadi Aristobulo ina vada goi sikaaiyaka.

Roma 16:3

Kidi guna tosavaiyuwoyao nuumisaidi liliudi nakae sikauyagu, e guna yabobona yaidi.

Roma 16:7

Segowo taiyao namlieta yau. Guna yabobona yaidi.

Roma 16:9

Urabano, tauyana guna tosavaiyuwo umana, e guna yabobona yaina. Guna yabobona guna kalo Stakosi yaina.

Roma 6:12

Tauna taabu goyo kootagōne wowomi yaidi goi iilovina bei ina yalagau kokabikaaonedi.

Roma 8:1

Tauna ame tuta kita goi Yaubada geya itakinoideta kita toogoyoida, tauna liuna geya ivinideta.

Roma 8:12

E tauna, segowo, geya ada tasikwanamo sakava yaina goi bego ina lovina goi takaaiyaka.

Roma 8:2

iepaaisewe, kita Guyau Yeisu goi yawoida vau ivinida. Ago goyo be ámasa idi togaga nakae Atukedayana iepaaisewe go, tutayana Balomayana iepaaisewe, goyo be ámasa idi togaga yaina goi italigeida.

Roma 8:9

E kita sakava ina lovina geya ikabikunuideta, go sem Baloma Kimaasabaina ina lovina ikabikunuida neta moitamo Yaubada Balomaina yaimi goi ikaaiyaka. Go avatauwa neta yaidi goi Balomaina geya ikaiyaketa, e tauyadi geya Guyau ina bodao geya.

1 Korinta 15:16

Moitamo. Neta tokámasa bei geya sitaoyamneta, e Guyau nakae geya itaoyamneta.

1 Korinta 6:14

E kina go Yaubadayana ina togaga goi ida Tomoya wowona bogina ikaitaoemnei go, kita nakae wowoda bei ikaitaoemneidi. Tauna masisi goyogoyoina tavakilīsi!

2 Korinta 4:11

Moe moitamo. Kai maa yawoima tuta liliuna tomota siyooisima be Yeisu pasina sitaagonema ámasa yaina. Moe nakae bego Yeisu yawoina wowoma kaavavaidi goi nakae kavagitakoe.

2 Korinta 4:14

unana kayagoi bego kina Yaubada ida Tomoya Yeisu ámasa goi ikaitáoe, tauna kai nakae ámasa goi Yeisu taiyao bei ikaitaoema, komi taiyao toinina matana goi ivataoeda.

2 Korinta 5:4

U, kita ame tuta wowoda yoyou nakae goi takaaiyaka, tauna ida mou gagaidi pasidi takalayawoi go, geya latuwoda wowodayadi kwama bogo nakae tavalilividi, go sem latuwoda kwama bogo ada kwama vau goi talositaoidi bego kaga kaavavaidi ivalili yawoida vau goi.

Galetiya 6:8

Moitamo. Avatau neta sakava sinapuna goi ibágula, e nava bei sakavayana goi vailai idibayoyoi. Go avatau neta Yaubada Balomaina goi ibágula, e nava bei Balomayana goi yawoina vata idibayoyoi.

Epeso 2:5

Tauna ida kapipilovayadi goi kita kaamasida nakae go, tuwo ina nuwokapisiyana pasina taiyao yawoida vau ivinida. Ina kanuwóiya goi bogina iyaveda.

Pilipai 3:21

Tauyana ina togaga goi itoboine bei kaga liliuna ivasobusobuyedi. Tauna moe togagayana goi wowoda neenetaidi bei ikaigaviledi, e bei wowodayadi moe Tauyana ina taoyamna wowonina nakae.

Iberiu 13:20

E Yaubada tuboina ana tokaiguyau. Tauyana boi ida Tomoya Yeisu, kita ada torugwáuta toolagaina, ámasa goi ikaitáoe. Moeko Yeisu ikaikaina goi Yaubada ina kanasiuna vata iguinuwe yaida.

1 Pita 1:21

Yeisu goi kita Yaubada ana tonumisao. Tauyana Yeisu tokámasa yaidi goi ikaitáoe namlieta ana káeyana tomoeeyalina goi ivaisiu, tauna Yaubada taanumise be nakae talootutae.

1 Pita 3:18

Kina nakae bogina sivatayamo iyogedageda ida goyo pasidi. Tauyana Yaubada nuwona ana tokibóbwata ikámasa kita tokapipilova manuda bego itoboine imeda Yaubada yaina. Ame nakae: Sakava ana dadava goi sikaumate go, baloma ana dadava Yaubada ikaitáoe Tauyana maa yawoina.

Nuwogau 1:18

Yau maa yawoigu. Boi bogina akámasa go, kunōve, maa yawoigu akaiyako vata. Magu lovina ámasa be nakae tokámasa idi dadava adi ki ayoyoisi.

Nuwogau 11:11

Maliyalina aito be nakae tupwana sikavava, Yaubada yawoina ivaisiu adi taiyuwokova yaidi goi, e sitaoyamna. Sitaoyamna go, tomota sigitedi simatoita gagaina.