Roma 7:5 - Buki Kimaasabaina

⁵ Tutayana boi kita sakava goi taaketoiya, Atukedayana pasina goyo ana vikaiya talaida goi sipaaisewa bei keuwoida moe ámasa.

Roma 7:5 ပူးပေါင်းရင်းမြစ်များ

Madiu 15:19

Tomota nuwodi goi nuwogau goyogoyoidi, aumata, roerata, masisi goyogoyoina, vaináwana, totalavaita polapola be nakae tagíwaya sisowóduwo.

Iyoni 3:6

Avatauwa neta sakava goi sibíbina, moe sakava ana dadava. Go avatauwa neta Baloma Kimaasabaina goi sibíbina, moe baloma ana dadava.

Roma 1:26

Amo idi sinapuyana pasina Yaubada itagonedi idi vikaiya aba omayamaya yaidi goi. Idi vevina masisi moitamo koroto taiyao sikalave go, vavina vavina taiyao simasisi goyogoyo.

Roma 3:20

Tauna Atukedayana ana guinuwa goi geya vatau tayaamo kina Yaubada bei ivayoko kina kiboobosina. Atukedayana ina paisewa moe bego tayagoi goyo kaga. Ame tauna.

Roma 4:15

Manakaeda tayagoi moe moitamo? Yaubada ina Katukeda ana kapipilova pasina ina egamogamogu isowóduwo. Go neta Atukedayana geya, e apipilova geya.

Roma 5:20

E Yaubada ina Katukedayana ima bego apipilova isáila. Go nako goi goyo isáila, e Yaubada ina kanuwóiya isáila gagaina toina

Roma 6:13

Taabu talaimi kokaasalēdi goyo yaina bei talaimiyadi ietakoidi guinuwa goyogoyoidi manudi. Go sem komi boi kaamasimi nakae go, ame maa yawoimi, e Yaubada yaina kokaasalēmi be talaimiyadi nakae kokaasalēdi Tauyana yaina bei ietakoidi kibóbwata manuna.

Roma 6:19

Kita tomota ida kaba gita goi avatulukoimi komi imi nuwonúwana taameyaidi pasidi. Moitamo Tauyana ida Tomoya. Boi mainao talaimi kokaasaledi kaga goyogoyoidi be apipilova yaidi, tuwo dogoiyadi goi komi paakonimi. Moeko goi imi kapipilova kovaituwe. Go ame tuta talaimiyadi kokasalēdi Yaubada yaina, e bei komi Tauyana ina pakonayao kibóbwata manuna. Moeko goi komi bei kimaasabaimi Tauyana umana.

Roma 6:21

E tauna ava kéuwo boi mainao imi sinapu goi kobabane? Geya! Moe dogoiyadi pasidi omi imayamaya! Dogoiyadi bolotodi moe ámasa!

Roma 6:23

Moe moitamo. Goyo ana katumapu moe ámasa go, Yaubada ina yabobona iviniibesoida moe yawoida vata ida spwagógana ida Tomoya Yeisu taiyao pasina.

Roma 7:23

Go Atukedayana ina paisewa ituli talaigu goi agite ipaaisewa. Ame Atukedayana ivaayaviya Atukeda nuwogu goi taiyao. Atukedayana ina paisewa talaigu goi pasina yau deri ana tokaiyaka nakae, e goyo talaigu goi ikaaiyaka Atukedayana ietako toinina manuna bei iyowóigu.

1 Korinta 15:56

E ámasa ina kaipiyamayana moe goyo. E goyo ana togagayana moe unana Atukedayana pasina tayagoi goyo taguinuwe.

2 Korinta 10:3

Ma saakavaima poyapoya ame goi kaaketoiya go, sakavaima goi geya kavayaviyeta.

Galetiya 3:10

Moe moitamo. Yaubada ina Katukeda ana guinuwa tomotaidi liliudi Yaubada ina takínona moumouna goi sikaaiyaka, tauna geya itoboinedita Tauyana ina kaipaku sibabane. Gínina Kimaasabaina nakae idige kana, ‘Avatauwa neta lovina liliudi Yaubada ina Katukeda bukina goi geya siyoisikavatedita nakae geya siguinuwedita, tauyadi Yaubada ina takínona moumouna goi sikaaiyaka.’ Atukeda 27:26

Galetiya 5:24

E kita go Yeisu ina bodao, sakava sinapuna be ana vikaiya be nakae ana yalagau bogina takalavedi; moe nakae tatupatukoidi kerose goi takaumatedi.

Epeso 2:11

Tauna komi sitagiwoimi kadi, ‘Komi sakavaimi geya kuponinamo.’ Go sakava ana kupwanayana siguuinuwe moe tomota idi guinuwa kaka, e ame tuta geya basabasainamo. Tuwo komi konuwāisi bego boi

Epeso 2:3

Boi kita madabokida ida sinapu tokapipilovayadi idi sinapu nakae. Sakavaida idi yalagau tasabokuuliyedi nakae sakavaida be nuwoda idi vikaiya taguuinuwedi. Tuwo aderida pasina itoboineda Yaubada ina egamogamogu tababane da poyapoya liliudi nakae.

Kolose 3:5

E tuwo poyapoya sinapuna liliudi talaimiyao siepaaisewedi, e kokauumatēdi. Sinapuyadi moe masisi goyogoyoina, kaga goyogoyoina, vikaiya aba omayamaya, yalagau goyogoyoidi be matakónana. Matakonanayana moe nakae kónana bego tomota idi kaba sakululu.

Taito 3:3

Im kavilavilayana itoboine. Kita tonumisa boi nimatu tauyadi geya sinumiseta nakae, Yaubada tatamogemogeye. Nakae kita kapipiilovaida be nakae sulaaigida, ida vikaiya liliudi be uyawana owáowana liliudi , ida kaiyaka madabokina goi kita goyo ana toguinuwa be vakipiikipida, tomota sikaoliliveda go, kita nakae sedao takaolilivedi.

Yemesa 1:15

Niga ida yalagauyana ikéuwama, e ivenátuna, natuna moe goyo. E kina go goyoyana ibíbina, e ivenátuna ámasa.

Yemesa 4:1

Kaga unana vabobolagu be aumakimaki siisowóduwo yaimi? Unana ame: Toinimi imi vikaiya sivaayaviya imi nuwonúwana dedevina taiyao ae?

1 Iyoni 3:4

Go avatauwa neta idi sinapu goi goyo siguuinuwe, tauyadi Yaubada ina lovina ana tokapipilovayao unana sinapu goyo tauna lovina ana kapipilova; aiyuwokova sivavasa.