Roma 7:13 - Buki Kimaasabaina

¹³ Tauna manakae? Kada, ‘Yaubada ina Katukeda dedevina go, Atukedayana goi ámasa ababane, e Yaubada yaina itavileiyegu’? Geya, geya toina! Go sem moe goyo ipaaisewa bego ina guinuwa toina isowóduwo bei ayagoi. Goyoyana Yaubada ina Katukeda dedevina iepaisewe go, ina guinuwayana goi ámasa ababane. Ame bego lovinayana goi goyo ayagoi igoyo toina.

Roma 7:13 ပူးပေါင်းရင်းမြစ်များ

Madiu 28:8

Tuwo moitamo Yeisu ana kaba yata sigite ikavava, tukubu goi woilidi silokoináoduwo, madi matoita be madi uyáwana gagaina sima kai Yeisu ina tovatotowanayao yaima goi sitalavaita.

Luke 20:16

Bei ina ikaumatedi go, ituli ta tokatogu dedevidi bei itagonedi tanuwoyana simatakavate.’ E totaiyakekayadi Yeisu ina livalakaibala sinove, sidigo kadi, ‘Iyaa! Moe nakae bei geya, geya toina!’

Roma 5:20

E Yaubada ina Katukedayana ima bego apipilova isáila. Go nako goi goyo isáila, e Yaubada ina kanuwóiya isáila gagaina toina

Roma 8:3

Bogina koyagoi. Atukeda geya itoboineyeta italigeida unana sakava sinapuna goi ineneta go, kaga Atukedayana geya itoboineyeta, e Yaubada itoboine. Ame nakae: Tutayana Yaubada toinina Natuna ietune ima, sakava mana goyo kita nakae ikote o tadigo kada, ‘Tauyana ada goyo ana núwala’, e goyo ina togaga Natunayana wowona goi itusaoli.

Galetiya 3:21

Tauna nakona maniyemi konuwonúwana Yaubada ina Katukeda be ina katótula sivakaleya. Geya, geya toina! Ina Katukeda be ina katótula idi paisewa ituli ituli. Neta Yaubada boi lovina tayamo ivinida, e takabikaone bego yawoida vau tababane, e lovinayana ana kabikáwana pasina moitamo woi kita anasíuna ana tokibobwatayao.