Roma 6:4 - Buki Kimaasabaina

⁴ Tauna tutayana sisayoyoida, bei ina kámasa tasiuko, ana kaigigita kina taiyao sivaliwogeda bego kita Tauyana nakae ame nakae: Tauyana tokámasa yaidi Tamana ina togaga ana goi ikaitáoe, e bei kita nakae yawoida vau goi itoboineda taketoiya.

Roma 6:4 ပူးပေါင်းရင်းမြစ်များ

Iyoni 11:40

Go iya Yeisuyana idigo kana, ‘Manakae? Kaga bogina alatuuwokoim kunuwoilave? Neta kunumisegu, Yaubada ina togaga ana káeyana ana vagitákwana bei kugite!’

Iyoni 2:11

Moe aba kinanayana vakuumgoina Galili asaina Kena goi Yeisu iwodugu. Aba kinanayana goi Yaubada ina togaga ana yaina goi ikaaiyaka ivagitakoe, tuwo kai ina tovatotowanayao kanumise.

Guinuwa 2:24

Ame Yeisuyana komi imi lovina goi sikaumate go, ámasa geya itoboineyeta iyoisikavate, tauna ámasa ana yówana goi Yaubada italigei, ikaitaoemnei.

Guinuwa 2:32

Ame Yeisuyana boi ikámasa go, Yaubada bogina ámasa goi ikaitáoe, e kai madabokima matama goi bogina kagite, e ame kataalavaite yaimi.

Roma 6:19

Kita tomota ida kaba gita goi avatulukoimi komi imi nuwonúwana taameyaidi pasidi. Moitamo Tauyana ida Tomoya. Boi mainao talaimi kokaasaledi kaga goyogoyoidi be apipilova yaidi, tuwo dogoiyadi goi komi paakonimi. Moeko goi imi kapipilova kovaituwe. Go ame tuta talaimiyadi kokasalēdi Yaubada yaina, e bei komi Tauyana ina pakonayao kibóbwata manuna. Moeko goi komi bei kimaasabaimi Tauyana umana.

Roma 6:3

Neta moe koyagoi, e nakae itoboine koyagoi bego kita liliuda neta tomota bogina tasiuko, e ana kaigigita ina kámasa nakae tasiuko.

Roma 6:8

E bogina tayagoi bego Yaubada tokámasa yaidi goi ikaitáoe, tauna Tauyana geya itoboineyeta ikamasamna. Ámasa geya tuwaina iloovinae. Tauna neta Tauyana taiyao bogina takámasa nakae, e tayagoidoko bego nava bei maa yawoida Tauyana taiyao nakae takaiyako vata.

Roma 7:6

Go ame tuta Atukedayana ana takínona yaina goi Yaubada bogina italigeida unana boi Atukeda ana takinonayana ina kenao vau goi.

Roma 8:11

E Yaubada Yeisu tokámasa yaidi goi ikaitáoe, tuwo Balomaina yaida goi ikaaiyaka. Tauna nakona wowoda ame tuta bei sikámasa go, Guyau Yeisu ana Tokaitaoya bei imadagidi maa yawoidi. Balomainayana yaida goi ikaaiyaka wowoda bei imadagidi maa yawoidi.

1 Korinta 6:14

E kina go Yaubadayana ina togaga goi ida Tomoya wowona bogina ikaitaoemnei go, kita nakae wowoda bei ikaitaoemneidi. Tauna masisi goyogoyoina tavakilīsi!

2 Korinta 13:4

Moe moitamo. Guyauyana tomota neenetaina nakae situpatuko go, tuwo Yaubada ina togaga goi maa yawoina ikaaiyaka ame tuta. Kai ima Tauyana taiyao goi nakae kaneneta go, ima guinuwa yaimi goi bei ame nakae: Yaubada ina togaga pasina Guyau taiyao bei kakaaiyaka.

2 Korinta 5:17

Aiyuwoina Guyau ikámasa liliuda manuda, tauna avatauwa neta spwagoogonidi Guyauyana taiyao, e simalatomotavau. Sinapu bogo bogina isáwala go, konōve, sinapu vau bogina isowóduwo!

Epeso 4:17

E ame alatuwokoimi be nakae guna spwagógana ida Tomoya taiyao pasina akatumatalimi: Geya tuwaina kidi geya sinumiseta idi ketoiya nakae kooketoiya. Tauyadi idi nuwonúwana geya basabasainamo.

Epeso 5:8

Boi mainao komi mamaníwana nakae go, ame tuta imi ida Tomoya taiyao pasina komi mavada nakae. Komi mavada natunao nakae kooketōiya.

Kolose 3:10

go, yawoida vau kwama vau nakae bogina talosidi. Yawoidayadi adi tomadágina iyoolimedi, e kita Tauyana ana tapata nakae, e bei Tauyana tayagoidoko.

Kolose 4:1

Komi tomoyamoya, mami takínona mooitamoina be kivaavasaina imi komatakaavatēdi Yaubada matana goi. Konuwāisi bego komi nakae mami Tomoya yábana goi.

1 Pita 3:21

Bwaeyana moe ada ina taoyamna pasina kita nakae ada yava tababane.

1 Iyoni 2:6

Avatau neta idigo kana, ‘Yaigu goi Yaubada ikaaiyaka’, e itoboine bei iiketoiya Yeisu nakae.