Roma 5:5 - Buki Kimaasabaina

⁵ E ida lotutayana Yaubada matana goi bei geya igieomaemaedeta. Ame manakaeda tayagoi? ateda goi bogina isiwoi. Tauna tayagoi ida lotutayana geya igieomaemaedeta.

Roma 5:5 ပူးပေါင်းရင်းမြစ်များ

Guinuwa 10:45

Go kidi Yeisu ina tonumisayaoyadi boi Pita taiyao sima sikaaiyaka sigite, nukotodi siwówana bego kidi Totuyoyowo nakae yaidi Yaubada Balomaina Kimaasabaina bogina isiwoi.

Guinuwa 2:17

“Yaubada idigo kana, ‘Nava bei tuta ana kaba lukavava goi Balomaigu asiwoi isou ina tomota liliudi yaidi goi ikaaiyaka. Tuwo natumiyao koroto be vevina guna livala bei sikabivalevale. Imi tubuwauyao bei go, imi tomoyamoyayao bei sikanamimi.

Guinuwa 2:33

E tauna Yaubada ámasa goi ikaitáoe ikavava, ikailagasi wowoina basekoina kakataina goi itusobu be nakae Baloma Kimaasabaina boi Tamana bogina ikaatotule ibabane. Tauna kaga ame kogitegite be nakae konovenove moe Balomayana kina Yeisu iisiwoi yaima ina guinuwa.

Roma 1:7

Leta ame moe komi, tauyami Yaubada imatakooiyemi be nakae iduuduwemi, ina kimasabayao goi ami leta. Yaubada Tamada be ida Tomoya Yeisu idi kanuwóiya be idi tuboina bei sivinimi.

Roma 8:28

E tayagoi bego kaga liliuuna yaida goi siisowóduwo Baloma Kimasabainayana kita Yaubada ina tomatakoiyao taiyao taepaisewedi dedevina manuna, kita tauyada Yaubada iduduweda toinina ina nuwonúwana manuna.

Roma 9:33

Moe nakae Gínina Kimaasabaina goi Aiseya Yaubada ina livala italavaite idigo kana, ‘Konovēgu. Saiyoni goi Gurewa tayamo ayato; gurewayana aba sapákwana nakae aba satupe. Go avatauwa neta Tauyana sinumise, Yaubada bei geya igieomaemaedita.’ Aiseya 28:16; 8:14

1 Korinta 8:3

Go avatauwa neta Yaubada simataakoiye, e moe tauyadi Yaubada iyaagoidi.

2 Korinta 1:22

Tauyana ina kaba kinana ateda goi iyato moe . Balomayana goi tayagoi ina katótula bei iguinuwedi.

2 Korinta 3:18

E kita madabokida maisida geya ana tabodamo, e maisidayadi saribu nakae goi Yauwe ana káeyana kanukanununa tagite go, Tauyana giyaina giyaina ikaigaavileda toinina ana tapata nakae tutayana ana káeyana tagite tonumisa tamo tamo goi. Moe Yauwe ina guinuwa; Tauyana moe Baloma Kimaasabaina.

2 Korinta 4:6

unana Yaubada kina idigo kana, ‘Mamaníwana goi mavada bei itapasigi.’ Tauna moe Tauyana nakae nuwoma itapasigidi, e bei itoboinema ina togaga ana káeyana kayagoi; aeyanayana Yeisu maisina goi itapasígina.

Galetiya 4:6

E komi be yau Yaubada natunao, tauna Balomaina bogina ietune ima isiu nuwoda goi ikaaiyaka, e mada uyáwana takawanoi makimaki Yaubada yaina kada, ‘, Tamagu!’

Galetiya 5:22

E kina go Baloma Kimaasabaina keuwoina Yaubada ina bodao yaidi ame nakae: Matakoi, uyáwana, tuboina, mesayágana, yabobona, sinapu dedevina, ,

Epeso 1:13

Imi spwagógana Guyau taiyao pasina komi nakae. Boi livala mooitamoina konove, e nakae konumise. Livalayana moe . Aba kinanayana moe Baloma Kimaasabaina boi ikaatotule ivinida.

Epeso 4:30

Taabu imi guinuwa goi Yaubada Balomaina Kimaasabaina kokitaaitaīye. Balomayana moe Yaubada ina kaba kinana yaida goi bego kita Yaubada ina bodao tateta ana tuta manuna.

Pilipai 1:20

Moe nakae guna yala be nakae guna lotuta bego geya tayaamo kaga goi bei ogu imayamaya, go sem tuta boi nakae go, ima tuta ame magu katepatu wowogu goi bei Guyau akiilagasi, neta maa yawoigu o neta akámasa.

1 Tesalonáika 4:8

Moe pasina tauna, avatauwa neta ame vatulukwanayana siikatae, moe geya kada tomota kaka sikaataedi geya, go sem Yaubada, Tauyana Balomaina Kimaasabaina ikaiguyauye yaida, nakae siikatae.

2 Tesalonáika 2:16

E ida Tomoya Yeisu be nakae Yaubada Tamada bei atemi sivapatupatudi be nakae imi guinuwa dedevidi liliudi goi be nakae imi bóbwara liliudi goi sikitogagemi. Tamadayana imatakoiyeda be nakae ateda ivapatupatuvataedi go, ina kanuwóiya goi yawoida vata bei ivinida. Go moe ikaatotule kita talootutae.

2 Timoti 1:12

Guna paisewayana pasina tauna ame guna mou ababanedi go, mouyadi pasidi ogu geya imaemaeta. Moitamo. Guyau Yeisu aanumise; Tauyana bogina aayagoi. Go ayagoidoko Tauyana itoboine Vala Dedevina boi inuumisegu bego aruugwausi bei iiyause ana kadókana maliyalina gagaina ima.

1 Iyoni 4:19

Yaubada igimimatakoiyeda, tauna kita tamaatakoi.