Roma 5:20 - Buki Kimaasabaina

²⁰ E Yaubada ina Katukedayana ima bego apipilova isáila. Go nako goi goyo isáila, e Yaubada ina kanuwóiya isáila gagaina toina

Roma 5:20 ပူးပေါင်းရင်းမြစ်များ

Madiu 20:9

Tuwo moitamo topaisewayadi iduduwedi sima go, tovamliyayadi iemaisidi, mani tayamo.

Madiu 9:13

E Yaubada ina livala ame kogitedōko bei koyagoi kaga ana yagoina. Livalayana kana, “Latuwogu yoguyogu kokasaledi yau yaigu, go sem latuwogu toina moe konuwokapisi.” Oseya 6:6 Moe moitamo. Yau ama geya tauyadi toinidi sinuwonúwana bego kidi aduduwedi geya, go sem ama toogoyoidi aduduwedi bei situgavila.’

Luke 7:47

Moe pasina ame alatuuwokoim kunōve: Ame vavinayana ina goyo badabadaidi, e adi nuwotao bogina ibabanedi. Moe tayagoi moitamo unana imatakoiyegu gagaina. Ago avatauwa neta idi goyo adi nuwotao giyaina, e nakae kidi simatakoiyegu giyaina.’

Iyoni 10:10

Iya go tovaináwana ina guinuwa tauna ame nakae: Ima bego ivaináwana be ikaumata be ibugoyo. Yau ama bego tomota yawoidi vau sibabane go, yawoidiyadi kayaaodaidi.

Iyoni 15:22

Neta boi geya amaita be nakae guna livala geya alatuwokoidita, geya idi goyomo. Ego guna livalayana bogina alatuwokoidi go, geya sikabikaoneyeta, tauna geya itoboinedita idi goyo silawoiwoiyedi.

Roma 4:15

Manakaeda tayagoi moe moitamo? Yaubada ina Katukeda ana kapipilova pasina ina egamogamogu isowóduwo. Go neta Atukedayana geya, e apipilova geya.

Roma 6:1

E tauna manakaeda? Kada, ‘Goyo taguuinuwe bego Yaubada ina kanuwóiya ivaaituwe yaida’?

Roma 6:14

Moe moitamo. Taabu kootagōna bego goyo imi tomoya. Kita ina takínona geya ikaukabolideta, go sem ina kanuwóiya ikaukabolida.