Roma 5:14 - Buki Kimaasabaina

¹⁴ go sem Adama ina tuta go, ima Mosese ina tuta goi ámasa iilovina tomota yaidi. Go idi goyo geya kada Adama ina kapipilova nakae geya go, tuwo nakae amasayana iloviinaedi. Adamayana moe koroto tayamo namlieta bei ima makayauna nakae, korotoyana moe Guyau.

Roma 5:14 ပူးပေါင်းရင်းမြစ်များ

Aba Vatowo 19:25

Tuwo asayadi be nakae Iyoridani butumina naunina be nakae tomotaidi madabokidi imtulidi.

Aba Vatowo 4:8

E tuta tayamo Keni siyana Ebeli ilatuwoko idigo kana, ‘Tāna yoyowo.’ Tuwo moitamo sina yoyowo goi go, tutayana amoko goi sikaaiyaka, e Keniyana itaoya, siyana Ebeli ikaumate.

Aba Vatowo 7:22

Kaga liliuuna poyapoya goi sikaaiyaka maa yawoidi, e sikámasa.

Tateta 1:22

E tuwo Pero ina bodao da Itipita liliudi ilovinaedi idigo kana, ‘Ava Iberiuva natudiyao koroto sibíbina, e liliudi kokabīdi, konavēdi sákala Nairi goi kolavēdi sisou sikámasa, go neta natudiyao vevina, e tuwo koyatōidi maa yawoidi.’

Tateta 1:6

E sikaiyaka aaa, Iyosepayana ma senao be nakae amo malamalagatayana sikamasa kówasa.

Iyona 4:11

Ninivei moe asa gagaina nakae tomota adi badabada 120,000 be nakae yoguyogu badabadaidi sikaaiyaka go, tomotayadi sitamoogemoge. Manakae? Itoboinegu amo asayana gagaina anuwokapisiyedi namlieta yaguyagumayana gea geya?’

Roma 5:12

E tauna mae guna livalayana ivatulukoida ame: Koroto tayamo pasina goyo isowóduwo poyapoya ame goi. Goyoyana goi ámasa isowóduwo. Moe nakae ámasa isagayako ina tomota liliuda yaida unana liliuda tagoyo.

Roma 5:17

Guna nuwonúwana ataligei. Tayamo koroto ina kapipilova goi ámasa iilovina, tuwo tomota sikamakámasa. Go koroto aiyuwoina ina guinuwa ikalisave. Korotoyana moe Yeisu Guyau. Tauyana ina guinuwa goi Yaubada ina kanuwóiya gagaina taababane. Anuwoiyayana ivinibesoida moe Yaubada ivayokoida kita kiboobosida. E Yeisu Guyau taiyao maa yawoida vau bei talovina.

Roma 5:21

bego ame: Nakonakae goyo ana togagayana ámasa goi iilovina, e nakae Yaubada ivayokoida kita kiboobosida, tauna ina kanuwoiyayana iilovina, e yawoida vata ida Tomoya Yeisu ina guinuwa goi bei tababane.

Roma 8:20

Bogina koyagoi. Apipilova pasina Yaubada ina madágina itagonedi dáura be ámasa yaidi goi. Tuwo ina madaginayadi geya basabasaidimo go, geya kada toinidi idi puwoya pasina geya, go sem moe Yaubada kina ina tagonayana pasina. Go lotuta tayamo ikaaiyaka

Roma 8:22

Guna nuwonúwana ataligei. Bogina tayagoi bego Yaubada ina madaginayadi madabokidi tomota mana gedageda nakae sikalaayawoi be nakae gedageda silootowoidi boi nimatu go, ima ame tuta vavina nakae neta ina tuta venátuna ibabane go, mana uyáwana iituyáwata natuna igite.

1 Korinta 15:22

Ame moitamo. Madabokidakova ida Adama yaina pasina bei takámasa. E nakae madabokidakova ida spwagógana Guyau yaina pasina bei tataoyamna ma yawoida.

1 Korinta 15:45

Moe nakae Gínina Kimaasabaina idigedige: Koroto vakuumgoina moe Adama. Tutayana korotoyana Yaubada imolului ikavava, e tauyana maa yawoina. Ago koroto aiyuwoina moe Guyau. Tauyana iebaloma, e yawana vau ana tokaiguyau.

Iberiu 9:27

Kita tomota liliuda ada lovina ikaaiyaka bego sivatayamo bei takámasa namlieta takínona ana tuta.