Roma 4:15 - Buki Kimaasabaina

¹⁵ Manakaeda tayagoi moe moitamo? Yaubada ina Katukeda ana kapipilova pasina ina egamogamogu isowóduwo. Go neta Atukedayana geya, e apipilova geya.

Roma 4:15 ပူးပေါင်းရင်းမြစ်များ

Iyoni 15:22

Neta boi geya amaita be nakae guna livala geya alatuwokoidita, geya idi goyomo. Ego guna livalayana bogina alatuwokoidi go, geya sikabikaoneyeta, tauna geya itoboinedita idi goyo silawoiwoiyedi.

Iyoni 3:36

Avatauwa neta Natuna siinumise, tauyadi bogina maa yawoidi vata. Ego avatauwa neta Natuna geya sikabikaoneyeta, yawoidi vata bei geya sibabaneyeta, go sem Yaubada ina egamogamogu ikaaiyaka tauyadi yaidi goi.

Roma 1:17

Manakaeda tayagoi Valayana moe Yaubada ina togaga? Ame nakae: Vala Dedevinayana sinaena goi Yaubada ina kibóbwata ana pasina go, kita tonumisa manuda. Moe Gínina Kimaasabaina nakae idige kana, ‘E kina numisa goi iiketoiya.’ Abekuki 2:4

Roma 5:13

Manakaeda tayagoi moe moitamo? Namlieta bei ima poyapoya ame goi go, goyo bogina ikaaiyaka, e tomota liliudi sigoyogoyo. Neta Atukedayana geya, e idi goyoyadi Yaubada geya ikatuyaividita go, tuwo ámasa geya ikavaveta,

1 Korinta 15:56

E ámasa ina kaipiyamayana moe goyo. E goyo ana togagayana moe unana Atukedayana pasina tayagoi goyo taguinuwe.

Galetiya 3:10

Moe moitamo. Yaubada ina Katukeda ana guinuwa tomotaidi liliudi Yaubada ina takínona moumouna goi sikaaiyaka, tauna geya itoboinedita Tauyana ina kaipaku sibabane. Gínina Kimaasabaina nakae idige kana, ‘Avatauwa neta lovina liliudi Yaubada ina Katukeda bukina goi geya siyoisikavatedita nakae geya siguinuwedita, tauyadi Yaubada ina takínona moumouna goi sikaaiyaka.’ Atukeda 27:26

Galetiya 3:19

Nakona komi konuwonúwana kami, ‘Neta nakae ina katotulayana pasina ivinibesoida, kaga pasina Yaubada ina kanasíuna ikatusavi, e ina Katukeda Mosese ivini?’ Apipilova pasina bego tayagoi nako apipilova. Go Atukedayana Mosese ivini bei ipaisewa ana kadókana bodayana ima. Bodayana moe Guyau boi Yaubada ikatotule Eberamo yaina. Yaubada ina Katukeda .

Epeso 5:6

Tomota maniyedi sidigodigo bego itoboinemi amo goyoyadi koguinuwedi go, taabu idi bóbwara polapola goi sivasulaaigīmi. Moitamo. Moe tauyadi idi sinapu goyogoyoidi pasidi Yaubada ina egamogamogu imamaima tokapipilova ivakaosidokoidi.

Kolose 3:6

Sinapuyadi pasidi Yaubada ina egamogamogu bei ina tauyadi kapipiilovaidi yaidi goi.

1 Iyoni 3:4

Go avatauwa neta idi sinapu goi goyo siguuinuwe, tauyadi Yaubada ina lovina ana tokapipilovayao unana sinapu goyo tauna lovina ana kapipilova; aiyuwokova sivavasa.

Nuwogau 19:15

Go Tauyana tobuna goi sisi sooinina nakae iisowóduwo bego goi ivavetevetedi; aba vavetavetayana moe Yaubada Tokalika toina ina egamogamogu gagaina.